ଭୁବନେଶ୍ୱର ୧୯।୦୭: ରାଜ୍ୟର ଚାଲି ଜିଲ୍ଲା ଓ ରାଉରକେଲା ମହାନଗର ନିଗମରେ ୧୪ ଦିନିଆ ଲକ୍ଡାଉନ୍ ଜାରି ରହିଛି । ଏହି ଲକ୍ଡାଉନ୍ ସମୟରେ ଗମନାଗମନ ଉପରେ ସାମାନ୍ୟ କଟକଣା ଲଗାଯାଇଛି । ଆବଶ୍ୟକ ଥିଲେ ଘରୁ ବାହାରକୁ ବାହାରନ୍ତୁ ବୋଲି ସରକାର ଅପିଲ କରିଛନ୍ତି । କିନ୍ତୁ ଆଜି ରାଜଧାନୀ ଉପକଣ୍ଠ ପାତ୍ରପଡା ନିକଟରେ ସଡକ ଦୁର୍ଘଟଣା ଘଟିଛି । ସ୍କୁଟିକୁ ପଛପଟୁ ଧକ୍କା ଦେଲା ଟ୍ରକ । ଘଟଣାସ୍ଥଳରେ ସ୍କୁଟି ଚାଳକଙ୍କ ମୃତ୍ୟୁ ହୋଇଯାଇଛି ।
{"id":302486,"sizeSlug":"large"}
ତେବେ ଦୁର୍ଘଟଣାରେ ସ୍କୁଟି ପଛରେ ବସିଥିବା ଅନ୍ୟଜଣେ ଗୁରୁତର ହୋଇଛନ୍ତି । ଆହତଙ୍କୁ ଚିକିତ୍ସା ପାଇଁ ଏମ୍ସରେ ଭର୍ତ୍ତି କରାଯାଇଛି । ମୃତାହତମାନେ ଖଣ୍ଡଗିରି ଭରତପୁର ଅଞ୍ଚଳର ବୋଲି ସୂଚନା ମିଳିଛି । ଘଟଣାସ୍ଥଳରେ ପୋଲିସ ପହଞ୍ଚି ଛାନ୍ଭିନ୍ ଜାରି ରଖିଛି । ଦୁର୍ଘଟଣା ଘଟିଥିବା ଗାଡି ଦୁଇଟିକୁ ଜବତ କରି ଖୋଲତାଡ ଆରମ୍ଭ କରୁଛି ।
