Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଜିଠୁ ଖୋଲିଲା ଭିତରକନିକା, କୁମ୍ଭୀର ଗଣନା ପାଇଁ ଗତ ୧୫ ତାରିଖଠାରୁ ବନ୍ଦ ଥିଲା ଜାତୀୟ ଉଦ୍ୟାନ
  • ||
  • ବ୍ରହ୍ମପୁର ; ବ୍ରହ୍ମପୁର ବଡବଜାର ଥାନା ଅନ୍ତର୍ଗତ ଗଣେଶ ନଗରରେ ପୁଲିସ୍ ର ଚଢାଉ
  • ||
  • ନକଲି ଟମାଟ, ଚିଲି, ସୋୟା ସୋସ୍ ୟୁନିଟ୍ ଉପରେ ଚଢାଉ
  • ||
  • କେତେ ପରିମାଣର ନକଲି ସାମଗ୍ରୀ ଜବତ, ତାହା ତଦନ୍ତ ପରେ ଜଣାପଡିବ ବୋଲି ପୁଲିସର ସୂଚନା
  • ||
  • ବରଗଡ଼ରେ ବିରାଟ ଚାଷୀ ସମାବେଶ, ଯୋଗଦେଲେ ୧୦ ଜିଲ୍ଲାର ୫ ହଜାର କୃଷକ
  • ||
  • ଜୟପୁର : ଜୟପୁର କୋଟପାଡରେ ନକଲି ବିଦେଶୀ ମଦ କରାଖାନା ଠାବ, ବିପୁଳ ପରିମାଣର ନକଲି ମଦ
  • ||
  • ଜଳେଶ୍ଵର : STFର ଚଢାଉ ବେଳେ ଜଳେଶ୍ୱର ବଜାରରୁ ନକଲି ପାନ ମସଲା ଜବତ, ଦୁଇ ଅଟକ
  • ||
  • ଜଳେଶ୍ଵର : ଜଳେଶ୍ଵର ଝାଡ଼େଶ୍ୱରପୁର ବସ୍ତିରୁ ବିପୁଳ ପରିମାଣର ବ୍ରାଉନସୁଗାର ଜବତ, ଅଭିଯୁକ୍ତ ଫେରାର
  • ||
  • ବଲାଙ୍ଗୀର : ବୋଲେରୋ ଧକ୍କାରେ ସାଇକେଲ୍ ଆରୋହୀ ମୃତ, କ୍ଷତିପୂରଣ ଦାବିରେ ମୃତଦେହ ରଖି ରାସ୍ତାରୋକ
  • ||
  • କେନ୍ଦ୍ରାପଡ଼ା : ରାମଚଣ୍ଡୀ ମନ୍ଦିରରୁ ଚୋରି, ତାଲା ଭାଙ୍ଗି ସୁନା ଅଳଙ୍କାର ଲୁଟ୍
  • ||

ହଜି ଗଲାଣି ମାନବିକତା, ଟ୍ରକ-ବାଇକ ଧକ୍କାରେ ଜଣେ ମହିଳାଙ୍କ ଦୁଇ ଗୋଡ଼ ଛିଣ୍ଡିଗଲା, ସାହାଯ୍ୟ ପାଇଁ ପାଖକୁ କେହି ଆସିଲେନି

18/11/2018 at 12:17 AM

ଝାରସୁଗୁଡ଼ା ୧୭/୧୧: ଦ୍ରୁତ ଗତିରେ ଯାଉଥିବା ଟ୍ରକ ଚଢ଼ି ଯିବାରୁ ଶନିବାର ସନ୍ଧ୍ୟାରେ ଜଣେ ମହିଳାଙ୍କ ଦୁଇ ଗୋଡ଼ ଛିଣ୍ଡିଛି। ଝାରସୁଗୁଡ଼ା ଜିଲ୍ଲାର ଲଇକେରା ଠାରେ ଏହି ଅଭାବନୀୟ ଘଟଣା ଘଟିଛି। ସୂଚନା ଅନୁସାରେ ଲଇକେରା ଠାରେ ଫଳ ଦୋକାନ ଦେଇ ପରିବାର ପୋଷଣ କରୁଥିବା ଅଶୋକ ମେହେର(ମୁନୁ) ଆଜି ସନ୍ଧ୍ୟାରେ ନିଜ ସ୍ତ୍ରୀ ଅନୀତା ମେହେର(୨୭) ଓ ଦୁଇ ଛୋଟ ଛୁଆଙ୍କୁ ନେଇ ନିକଟରେ କୁଅଁରମାଲ- ପାକେଲଖୋଲ ଠାରେ ଅନ୍ଧାରୀ ପାହାଡ଼ରେ ଅନୁଷ୍ଠିତ ହେଉଥିବା ବନଦୁର୍ଗାଙ୍କ ଯାତ୍ରା ଦେଖିବାକୁ ଯାଉଥିଲେ।

ଯାତ୍ରା ଦେଖିବାକୁ ଯାଉଥିବା ବେଳେ ଲଇକେରା ଠାରେ ଏକ ପାଉଁଶ ବୋଝେଇ ଟ୍ରକ ଧକ୍କା ଦେଇଥିଲା। ସ୍ଥାନୀୟ ଲୋକଙ୍କ କହିବା ଅନୁସାରେ ଟ୍ରକକୁ ଓଭରଟେକ କରିବା ବେଳେ ଅନୀତା ବାଇକରୁ ଖସି ପଡ଼ିଥିଲେ। ସିଲ୍କ ସାଢ଼ୀ ପିନ୍ଧିଥିବାରୁ ଅନୀତା ଖସିଯାଇଥିଲେ ବୋଲି ସ୍ଥାନୀୟ ଲୋକେ କହୁଛନ୍ତି। ମହିଳାଙ୍କ ଦୁଇ ଗୋଡ଼ ଉପରୁ ପାଉଁଶ ବୋଝେଇ ହୋଇଥିବା ୧୦ ଚକିଆ ଗାଡ଼ି ଚଢ଼ି ଯିବାରୁ ଦୁଇ ଜଙ୍ଘ ସଂପୂର୍ଣ୍ଣ ଛିଣ୍ଡି ଯାଇଛି।

ଘଟଣା ପରେ ତାଙ୍କ ସ୍ୱାମୀ ସାହାଯ୍ୟ ପାଇଁ ଆକୁଳ ନିବେଦନ କରୁଥିବା ବେଳେ ବହୁ ସମୟ ଧରି କେହି ପାଖକୁ ନଆସିବା ଘଟଣା ଉଦବେଗ ସୃଷ୍ଟି କରିଥିଲା। ସେହିପରି ୧୦୮ଆମ୍ବୁଲାନ୍ସ ମଧ୍ୟ ଆସିନଥିଲା। ଫଳରେ ବହୁ ବିଳମ୍ବରେ ଆହତ ମହିଳାଙ୍କୁ ଏକ ମାରୁତି ଭେନ୍‌ରେ ବୁର୍ଲା ବଡ଼ ଡାକ୍ତରଖାନାକୁ ନିଆଯାଇଥିଲା। ଏହି ରାସ୍ତାରେ ପାଉଁଶ ବୋଝେଇ ଟ୍ରକ ଗୁଡ଼ିକ ବେପରୁଆ ଭାବରେ ଯାତାୟତ କରୁଥିବାରୁ ବାରମ୍ବାର ଦୁର୍ଘଟଣା ଘଟୁଥିବା ଅଭିଯୋଗ ହୋଇଛି। ରିପୋର୍ଟ ଲେଖାଯିବା ବେଳକୁ ଡ୍ରାଇଭର ଫେରାର ଅଛି।

   Related Posts