Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଲେପୁର : ମକର ଯାତ୍ରାରୁ ନାବାଳିକାଙ୍କୁ ଟେକି ନେଇ ନଦୀପଠାରେ ଗଣଦୁଷ୍କର୍ମ, ଥାନାରେ ଏତଲା, ଭାଇରାଲ୍ ଭିଡିଓ ନେଇ ପୋଲିସର ଛାନଭିନ୍
  • ||
  • କେନ୍ଦ୍ରାପଡା : ଚିକିତ୍ସା ଅବହେଳାରୁ ରୋଗୀ ମୃତ୍ୟୁ ଅଭିଯୋଗ, ସିଡିଏମ୍‌ଓଙ୍କ କାର୍ଯ୍ୟାଳୟ ଆଗରେ ମୃତଦେହ ରଖି ପରିବାର ଲୋକଙ୍କ ଧାରଣା
  • ||
  • ବୌଦ୍ଧ : ATMରୁ ବାହାରିଲା କାଗଜ ପେଷ୍ଟ ଥିବା ୨୦ଟି ୫ଶହ ଟଙ୍କିଆ ନୋଟ୍, ଫେରସ୍ତ ନେବାକୁ ମନାକଲା ବ୍ୟାଙ୍କ୍ !
  • ||
  • ଭୁବନେଶ୍ବର : ରାଜ୍ୟରେ ବୁଧବାରଠୁ ପୁଣି ଟିକାକରଣ, ଟିକା ନେବେ ବଳକା ୧ ଲକ୍ଷ ୭୩ ହଜାର ୬୩୬ ଜଣ ସ୍ଵାସ୍ଥ୍ୟକର୍ମୀ
  • ||
  • ସମ୍ବଲପୁର : କିନ୍ନରଙ୍କଠାରୁ ୩ବର୍ଷର ଶିଶୁ କନ୍ୟାକୁ ଉଦ୍ଧାର କଲା ଚାଇଲ୍ଡ ଲାଇନ୍, ଚୋରି ସନ୍ଦେହ
  • ||
  • ଭୁବନେଶ୍ବର : STF ପଞ୍ଝାରେ ଧଳା ଜହର ବେପାରୀ, କୋଟିଏରୁ ଅଧିକ ଟଙ୍କାର ବ୍ରାଉନସୁଗାର ଜବତ
  • ||
  • ନବରଙ୍ଗପୁର : ଚଳନ୍ତା କାର୍‌ରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ଢେଙ୍କାନାଳ : ହାତୀ ପୁଣି ନେଲା ଆଉ ଜଣଙ୍କ ଜୀବନ, ଶୌଚ ହେବାକୁ ଯାଇଥିବା କଚାଡି ମାରିଲା ଦନ୍ତା
  • ||
  • ବଲାଙ୍ଗୀର : ବିଚାରାଧୀନ କଏଦୀ ମୃତ, ହତ୍ୟା ମାମଲାରେ ଥିଲେ ଅଭିଯୁକ୍ତ
  • ||
  • ଶହେ ତଳକୁ ଖସିଲା ଦୈନିକ ସଂକ୍ରମିତଙ୍କ ସଂଖ୍ୟା : ରାଜ୍ୟରେ ଚିହ୍ନଟ ହେଲେ ଆଉ ୯୯ କୋଭିଡ୍ ପଜିଟିଭ୍‌, ୩୩୪୫୨୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

ଚାଷୀ ପ୍ରସଙ୍ଗରେ NDA ହାତ ଛାଡିଲା RLP, ଘୋଷଣା କଲେ ପାର୍ଟି ସଂଯୋଜକ

26/12/2020 at 6:55 PM

ନୂଆଦିଲ୍ଲୀ ୨୬।୧୨: ରାଜଧାନୀରେ ଚାଷୀଙ୍କ ଆନ୍ଦୋଳନକୁ ନେଇ ରାଷ୍ଟ୍ରୀୟ ଗଣତନ୍ତ୍ରିକ ପାର୍ଟି (ଆରଏଲପି) ବିଜେପି ନେତୃତ୍ୱାଧୀନ ଏନଡିଏ ଛାଡିଛି। ପାର୍ଟିର ସଂଯୋଜକ ତଥା ନାଗୌର ସାଂସଦ ହନୁମାନ ବେନିୱାଲ ଶନିବାର ଏହି ଘୋଷଣା କରିଛନ୍ତି। ସଂସଦରେ ସଂଶୋଧିତ କୃଷି ଆଇନ-୨୦୨୦ ଉପସ୍ଥାପନ କାଳରେ ଦଳର ସହଯୋଗୀ ଅକାଳୀ ଦଳ ମେଣ୍ଟରୁ ନିଜ ସମର୍ଥନ ପ୍ରତ୍ୟାହାର କରିନେଇଥିଲା। ତେବେ ଚାଷୀଙ୍କ ସମସ୍ୟା ତୁରନ୍ତ ସମାଧାନ ଲାଗି ବେନିୱାଲ କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କୁ ପତ୍ର ଲେଖିବା ସହ ଟାଳଟୁଳ ନୀତି ଅବଲମ୍ବନ କଲେ ଦଳ ମେଣ୍ଟ ସମର୍ଥନ ନେଇ ଦ୍ୱିତୀୟବାର ବିଚାର କରିବ ବୋଲି ଘୋଷଣା କରିଥିଲେ।

ଦିଲ୍ଲୀରେ ଚାଷୀଙ୍କ ଆନ୍ଦୋଳନକୁ ୨୩ ଦିନ  ପୂରଣ ହୋଇଛି। ତେବେ ସରକାର କୃଷକ ଆନ୍ଦୋଳନ ସମାପ୍ତ କରିବା ଲାଗି ଏପର୍ଯ୍ୟନ୍ତ କୌଣସି ପଦକ୍ଷେପ ନେଇ ନାହାନ୍ତି। ଏଣୁ ବେନିୱାଲ ୨ଲକ୍ଷ ଚାଷୀଙ୍କ ସହ ଦିଲ୍ଲୀ ଯାତ୍ରାରେ ବାହାରିବେ ବୋଲି କହିବା ସହ କେନ୍ଦ୍ର ସରକାରରେ ଥିବା ତାଙ୍କ ଦଳର ସମର୍ଥନ ପ୍ରତ୍ୟାହାର ଘୋଷଣା କରିଛନ୍ତି। ଏନଡିଏ ସହଯୋଗୀଙ୍କ ମଧ୍ୟରେ ବିଜେପିର ସଂଖ୍ୟା ସର୍ବାଧିକ।  ବିଜେପି ଏବେ ଚାଷୀଙ୍କୁ ସଂଶୋଧିତ କୃଷି ଆଇନର ଲାଭ ସମ୍ପର୍କରେ ବୁଝେଇବାକୁ ଚେଷ୍ଟା କରୁଛି ବୋଲି ବେନିୱାଲ କହିଛନ୍ତି।

 ସେ କହିଛନ୍ତି ଯେ ନରେନ୍ଦ୍ର ମୋଦିଙ୍କୁ  ସଂସଦରେ ୩୦୩ ସାଂସଦଙ୍କ ସମର୍ଥନ ରହିଛି। ଏଣୁ ଗୃହୀତ କରିଥିବା ଆଇନ ଲାଗି ବୁଝାମଣା କରିବା ମାନସିକତାରେ ନାହାନ୍ତି। ଏଣୁ ଦିଲ୍ଲୀରୁ ୧ହଜାର ୨୦୦ କିଲୋମିଟର ଦୂର ରାଜସ୍ଥାନରୁ ଦିଲ୍ଲୀକୁ ୨ଲକ୍ଷ ଚାଷୀଙ୍କୁନେଇ ସେ ଯାତ୍ରାରେ ବାହାରିଥିବା କହିଛନ୍ତି। ଏଥିଲାଗି ଗତ ଡିସେମ୍ବର ୧୯ ତାରିଖ ଦିନ ବେନିୱାଲ ସଦସ୍ୟ ଥିବା ୩ ସଂସଦୀୟ କମିଟିରୁ ଇସ୍ତଫା ଦେଇଥିଲେ। ସେ ତାଙ୍କର ଇସ୍ତଫା ପତ୍ର ଲୋକସଭା ବାଚସ୍ପତି ଓମ ବିରଳାଙ୍କ ନିକଟକୁ ପଠାଇଥିବା କହିଛନ୍ତି।

   Related Posts