Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନାକରେ ବୁଷ୍ଟର ଡୋଜ୍ ପରୀକ୍ଷଣକୁ ଡିସିଜିଆଇର ମଞ୍ଜୁରୀ, ଭାରତ ବାୟୋଟେକ୍ କରିବ କ୍ଲିନିକଲ ଟ୍ରାଏଲ
  • ||
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୬୦କୁ ବୃଦ୍ଧି
  • ||
  • ରାଜ୍ୟରେ କମୁଛି ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୦୫୭ କୋଭିଡ୍ ପଜିଟିଭ୍, ୧୨୩୬୨୨୬ରେ ପହଞ୍ଚିଲା ସଂଖ୍ୟା
  • ||
  • ପାକିସ୍ତାନ: ବଲୁଚିସ୍ତାନ ଚେକ୍ ପୋଷ୍ଟ ଉପରେ ଆତଙ୍କୀ ହମଲା, ୧୦ ସୈନିକଙ୍କ ମୃତ୍ୟୁ
  • ||
  • ରାଉରକେଲା : ଭିଜିଲାନ୍ସ ଜାଲରେ ଲ୍ୟାମ୍ପ୍ସ ଏମ୍‌ଡି, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଭି. ଅନନ୍ତ ନାଗେଶ୍ୱରନ ହେବେ ଭାରତର ଆଗାମୀ ମୁଖ୍ୟ ଆର୍ଥିକ ପରାମର୍ଶଦାତା, ଅତିଶୀଘ୍ର ଘୋଷଣା କରିପାରନ୍ତି ସରକାର
  • ||
  • ସୋର : ଦେଶୀ ମଦ ଦୋକାନରେ ପଶି କର୍ମଚାରୀଙ୍କୁ କଟୁରୀରେ ହାଣିଲେ ଦୁର୍ବୃତ୍ତ, ଛଡାଇନେଲେ ୭୦ହଜାର ଟଙ୍କା
  • ||
  • କଣ୍ଟାବାଞ୍ଜି : ଚାଲାଣ ବେଳେ ୧୪ ଶ୍ରମିକ ଉଦ୍ଧାର, ଷ୍ଟେସନ ଯିବା ବାଟରେ ଧରିଲା ପୋଲିସ
  • ||
  • ରାଜ୍ୟରେ ୩ ଦିନ ଯାଏଁ ହାଡଭଙ୍ଗା ଶୀତ, ୬ ଜିଲ୍ଲା ବେଶୀ ଥରିବ
  • ||

ଲାଲୁ ଯାଦବଙ୍କୁ ବଡ ଝଟକା: ଜେଲରେ ହିଁ ରହିବେ, ପାରୋଲ ରାସ୍ତା ବନ୍ଦ

13/04/2020 at 6:43 PM

ରାଞ୍ଚି, ୧୩|୦୪:  ଦେଶରେ ଦେଖାଦେଇଥିବା କରୋନା ସଙ୍କଟ ମଧ୍ୟରେ ଗୋଚାରା ଦୁର୍ନୀତି ମାମଲାରେ ଗିରଫ ହୋଇଥିବା ଆରଜେଡି ସୁପ୍ରିମୋ ଲାଲୁ ଯାଦବ ଜେଲରେ ହିଁ ରହିବେ । ତାଙ୍କୁ ମୁକ୍ତ କରିବା ପାଇଁ ସମସ୍ତ ପ୍ରୟାସ ବିଫଳ ହୋଇଛି । ଝାଡଖଣ୍ଡ କ୍ୟାବିନେଟ୍ ନିଷ୍ପତ୍ତି ପରେ ସରକାର ନିଜ ନିଷ୍ପତି ଫେରାଇ ନେଇଛନ୍ତି । ନିୟମାନୁସାରେ ସରକାର ଏବେ ଲାଲଙ୍କୁ ପାରୋଲରେ ଛାଡି ପାରିବେ ନାହିଁ ।

ଏହା ପୂର୍ବରୁ ଝାଡଖଣ୍ଡ କ୍ୟାବିନେଟରେ ଲାଲୁଙ୍କୁ ପାରୋଲ ମିଳିବ ବୋଲି ଚର୍ଚ୍ଚା ହେଉଥିଲା । ଏହି ମାମଲାର ନିଷ୍କର୍ଷ ବାହାର କରିବା ପାଇଁ ସରକାର ରାଜ୍ୟର ମହାଧିବକ୍ତାଙ୍କ ପରାମର୍ଶ ଲୋଡିଥିଲେ । ସେ ସରକାରଙ୍କୁ ଏସମ୍ବନ୍ଧୀୟ ଅନେକ ଆଇନ ବିଷୟରେ କହିଥିଲେ । ଏନେଇ ମୁଖ୍ୟମନ୍ତ୍ରୀ ଓ ମନ୍ତ୍ରୀମଣ୍ଡଳଙ୍କ ମଧ୍ୟରେ ୨ ଘଣ୍ଟା ଧରି ବୈଠକ ଅନୁଷ୍ଠିତ ହୋଇଥିଲା ।

ପୂର୍ବରୁ ଲାଲୁଙ୍କ ଓ୍ୱାର୍ଡ ପାଖରେ ରିମ୍ସରେ ଆଇସୋଲେସନ ଓ୍ୱାର୍ଡ ତିଆରି ହେଉଥିବାରୁ କଂଗ୍ରେସ ଓ ଆରଜେଡି ନେତା ଲଗାତାର ଭାବେ ଲାଲୁଙ୍କ ପକ୍ଷରେ ବୟାନ ଦେଉଥିଲେ । ତାଙ୍କୁ ମୁକ୍ତ କରାଯାଉ ବୋଲି ମଧ୍ୟ ଦାବି କରୁଥିଲେ । ଝାଡଖଣ୍ଡ ସରକାରରେ ମନ୍ତ୍ରୀ ଥିବା ବାଦଳ ଓ ବିଧାୟକ ଇରଫାନ ଅନସାରୀ ଖୁଲମଖୁଲା ଭାବେ ଲାଲୁଙ୍କ ସମର୍ଥନରେ ବାହାରି ଥିଲେ । ତେବେ ପାରୋଲ ମାମଲାରେ କୌଣସି ନିର୍ଣ୍ଣୟ ହୋଇପାରି ନାହିଁ ।

ଏବେ ରାଞ୍ଚିର ରିମସ ହସ୍ପିଲାଟରେ ଲାଲୁ ଚିକିତ୍ସିତ ହେଉଛଛନ୍ତି । ସେ ବିରସା ମୁଣ୍ଡା କେନ୍ଦ୍ରୀୟ ଜେଲରେ ସଜ୍ଜା କାଟୁଛନ୍ତି । ତବେ କରୋନା ପ୍ରକୋପ ପାଇଁ ୭୦ ବର୍ଷରୁ ଅଧିକ ବୟସର କଏଦୀଙ୍କୁ ମୁକ୍ତ କରାଯିବା ନେଇ ଗାଇଡଲାଇନ ପରେ ଲାଲୁଙ୍କୁ ନେଇ ଚର୍ଚ୍ଚା ଜୋର ଧରିଥିଲା ।

ଏବେ ହସ୍ପିଟାଲରେ ଲାଲୁ ନିଜ ଓ୍ୱାର୍ଡରୁ ବାହାରକୁ ଯାଉ ନାହାଁନ୍ତି । ନିଜ କୋଠରୀରେ ରହୁଛନ୍ତି । ଲାଲୁଙ୍କ ବୟସ ଅଧିକ ଥିବାରୁ ତାଙ୍କ ଉପରେ ନଜର ରଖାଯାଇଛି ।

   Related Posts