Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କମୁଛି କରୋନା ପ୍ରଭାବ: ୨୪ ଘଣ୍ଟାରେ ସୁସ୍ଥ ହୋଇ ଘରକୁ ଫେରିଲେ ୬୪୮ ସଂକ୍ରମିତ
  • ||
  • ଲଭ୍‌ ଜିହାଦ ଉପରେ ଅଧ୍ୟାଦେଶ ପାରିତ କଲା ୟୁପି କ୍ୟାବିନେଟ୍‌, ଧୋକା-ଧମକ ଦେଇ ଧର୍ମ ପରିବର୍ତ୍ତନ କରାଇଲେ ୧୦ ବର୍ଷ ଜେଲ୍‌
  • ||
  • ଅତ୍ୟଧିକ କାମର ବୋଝ ସହିନପାରି ଆଖି ବୁଜିଲେ ବାପା: ଉପର ଅଧିକାରୀଙ୍କ ବିରୋଧରେ ସଂଗୀନ ଅଭିଯୋଗ ଆଣିଲେ ଝିଅ, କହିଲେ…
  • ||
  • Snack Video ସମେତ ପୁଣି ୪୩ଟି ମୋବାଇଲ୍‌ ଆପ୍‌ ବ୍ୟାନ୍‌ କଲେ ଭାରତ ସରକାର
  • ||
  • ୨ ବାରହା ଶିକାରୀ ଗରିଫ: ମାଂସ ଭାଗବଣ୍ଟା ବେଳେ ମାଡି ବସିଲେ ବନ ବିଭାଗର କର୍ମଚାରୀ
  • ||
  • କରୋନାରେ ଜୀବନ ହାରିଥିବା ଠିକାଦାରଙ୍କୁ ଆର୍ଥିକ ସହାୟତା ଦେଲା ଠିକାଦାର ସଂଘ
  • ||
  • ୧୦ ଡଲାରରୁ କମ୍‌ ମୂଲ୍ୟରେ ମିଳିବ ଋଷ କରୋନା ଭ୍ୟାକ୍‌ସିନ Sputnik V, ଜାନୁଆରୀରୁ ଆରମ୍ଭ ହେବ ଡେଲିଭରି
  • ||
  • ହାଇଓ୍ବା ଧକ୍କାରେ ଜଣେ ଶିଶୁଙ୍କ ସମେତ ୬ ଜଣଙ୍କ ମୃତ୍ୟୁ: ଚାଲି ଚାଲି ଯିବା ବେଳେ ପଛରୁ ମାଡିଗଲା
  • ||
  • ଭୁବନେଶ୍ୱର : ପୁରୀ ହାଜତ ମୃତ୍ୟୁ ଘଟଣାର ବିଚାର ବିଭାଗୀୟ ତଦନ୍ତ ନିର୍ଦ୍ଦେଶ
  • ||
  • ଯୋଜନାବଦ୍ଧ ଲୁଟ୍ : ସାଙ୍ଗଙ୍କୁ ଲଗାଇ ଡକାୟତି କରାଇଥିଲା IIFL କର୍ମଚାରୀ ଲାଲା ଅମ୍ରିତ ରାୟ
  • ||

ବଢିଛି RJD ନେତା ତେଜ୍ ପ୍ରତାପଙ୍କ ସମ୍ପତ୍ତି, ଜାଣନ୍ତୁ ମୋଟ କେତେ?

14/10/2020 at 8:57 PM

ପାଟନା ୧୪।୧୦: ରାଷ୍ଟ୍ରୀୟ ଜନତା ଦଳ(ଆରଜେଡି) ନେତା ତେଜ ପ୍ରତାପ ଯାଦବ ସମସ୍ତିପୁରର ହାସନପୁର ସିଟ୍‌ରୁ ନିର୍ବାଚନରେ ପ୍ରତିଦ୍ୱନ୍ଦ୍ୱୀତା କରୁଛନ୍ତି।  ଏଥିଲାଗି ମଙ୍ଗଳବାର ସେ ତାଙ୍କର ସାନ ଭାଇ ତଥା ନିର୍ବାଚନରେ ଆରଜେଡିର ମୁଖ୍ୟମନ୍ତ୍ରୀ ପ୍ରାର୍ଥୀ ତେଜସ୍ୱୀ ଯାଦବଙ୍କ ସହ ଯାଇ ଡିଏମଙ୍କ ନିକଟରେ ପ୍ରାର୍ଥୀପତ୍ର ଦାଖଲ କରିଛନ୍ତି। ପ୍ରାର୍ଥୀପତ୍ରରେ ତେଜ ପ୍ରତାପ ତାଙ୍କ ସମ୍ପତ୍ତି ସମେତ ଅନ୍ୟ ସୂଚନା ମଧ୍ୟ ଦେଇଛନ୍ତି। ଯେଉଁଥିରେ ସେ ତାଙ୍କର ମୋଟ ସମ୍ପତ୍ତିର ପରିମାଣ ୨କୋଟି ୮୩ ଲକ୍ଷ ଟଙ୍କା ବୋଲି ସୂଚିତ କରିଛନ୍ତି।

ଗତ ୨୦୧୫ ମସିହା ସାଧାରଣ ନିର୍ବାଚନରେ ସେ ତାଙ୍କର ମୋଟ ସମ୍ପତ୍ତିର ପରିମାଣ ୨ କୋଟି ୯୭ ହଜାର ଟଙ୍କା ସୂଚିତ କରିଥିଲେ। ଅର୍ଥାତ ୫ ବର୍ଷରେ ତେଜ ପ୍ରତାପଙ୍କ ସମ୍ପତ୍ତି ପରିମାଣ ୮୨ଲକ୍ଷ ୩ ହଜାର ଟଙ୍କା ବଢିଛି। ଏଥିରୁ ତେଜ ପ୍ରତାପଙ୍କ ଚଳନ୍ତି ସମ୍ପତ୍ତି ପରିମାଣ ୧ କୋଟି ୨୨ଲକ୍ଷ ୯୭ ହଜାର ୮୨୫ ଟଙ୍କା ଦର୍ଶାଇଥିବା ବେଳେ ଅଚଳ ସମ୍ପତ୍ତି ୧କୋଟି ୬୦ଲକ୍ଷ ୪୦ ହଜାର ୭୪୧ ଟଙ୍କା ଦର୍ଶାଇଛନ୍ତି। ସେହିପରି ତାଙ୍କ ଉପରେ ବିଭିନ୍ନ ସୂତ୍ରରୁ ୧୭ଲକ୍ଷ ୫୭ ହଜାର ୭୦୭ଟଙ୍କା ଋଣ ଥିବାର ଉଲ୍ଲେଖ କରିଛନ୍ତି।

ପ୍ରାର୍ଥୀପତ୍ରରେ ତେଜ ପ୍ରତାପ ତାଙ୍କ ନିକଟରେ ୩୧ ମାର୍ଚ୍ଚ ୨୦୨୦ ପର୍ଯ୍ୟନ୍ତ ନଗଦ ୧ଲକ୍ଷ ୨୫ ହଜାର ଟଙ୍କା ଥିବାର ସୂଚିତ କରିଛନ୍ତି। ଏହା ଛଡା ତାଙ୍କର ୧୫ଲକ୍ଷ ୪୬ ହଜାର ଟଙ୍କାର ଏକ ମୋଟର ବାଇକ୍‌, ୨୯ ଲକ୍ଷ ୪୩ ହଜାର ଟଙ୍କାର ଏକ ବିଏମଡବ୍ଲୁ କାର ଥିବାର ମଧ୍ୟ ସୂଚିତ କରିଛନ୍ତି। ସ୍ୱର୍ଣ୍ଣଳଙ୍କାରର ହିସାବ ଦେଇ ତାଙ୍କର ମୋଟ ୧୦୦ ଗ୍ରାମର ସ୍ୱର୍ଣ୍ଣଳଙ୍କାର ଥିବାର ଦର୍ଶାଇଥିବା ବେଳେ ଗୋଟିଏ ଡେସ୍କଟପ୍ ଓ ଗୋଟିଏ ଲାପଟପ୍‌ କମ୍ପ୍ୟୁଟର ଥିବାର ସୂଚିତ କରିଛନ୍ତି।

୨୦୧୦ ମସିହାରେ ଇଣ୍ଟିରମିଡିଏଟ୍ ଉତୀର୍ଣ୍ଣ ତେଜପ୍ରତାପ ତାଙ୍କ ପ୍ରାର୍ଥୀ ପତ୍ରରେ ପତ୍ନୀ ଐଶ୍ୱର୍ଯ୍ୟାଙ୍କ ସମ୍ପର୍କରେ ମଧ୍ୟ ଆଫିଡେଭିଟ୍ ପ୍ରଦାନ କରିଛନ୍ତି। ଐଶ୍ୱର୍ଯ୍ୟାଙ୍କ ସହ ତାଙ୍କ ଡିଭୋର୍ସ କେସ୍ ପାଟନା ଫ୍ୟାମିଲି କୋର୍ଟରେ ବିଚାରାଧୀନ ଥିବା ସୂଚିତ କରିଛନ୍ତି। ଏଣୁ ତାଙ୍କ ସମ୍ପତ୍ତିର ପରିମାଣ ନେଇ ତାଙ୍କ ନିକଟରେ ସୂଚନା ନଥିବା ଜଣାଇଛନ୍ତି। ସୂଚନା ଯୋଗ୍ୟଯେ ତେଜ ପ୍ରତାପ ୨୦୧୫ ମସିହାରେ ନିର୍ବାଚନ ଜିତି ବିଧାୟକ ହୋଇଥିଲେ। ସେ ମୁଖ୍ୟମନ୍ତ୍ରୀ ନିତିଶ କୁମାରଙ୍କ ମନ୍ତ୍ରୀମଣ୍ଡଳରେ ମନ୍ତ୍ରୀ ମଧ୍ୟ ହୋଇଥିଲେ। ସେ ଏଥର ଦ୍ୱିତୀୟବାର ନିର୍ବାଚନରେ ପ୍ରତିଦ୍ୱନ୍ଦ୍ୱୀତା କରୁଛନ୍ତି। ତାଙ୍କ ଦଳର ସଂସ୍ଥାପକ ତଥା ପୂର୍ବତନ ମୁଖ୍ୟମନ୍ତ୍ରୀ ଲାଲୁ ପ୍ରସାଦ ଯାଦବ ଜେଲରେ ଥିବା ବେଳେ ତାଙ୍କ ଦଳ ନିଜ ତାକତରେ ନିଜେ ନିର୍ବାଚନ ମୈଦାନକୁ ଓହ୍ଲାଇଛି।

   Related Posts