Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିରାଟ କୋହଲିଙ୍କ ଘୋଷଣା, ଟି-୨୦ ୱାର୍ଲ୍ଡ କପ୍‌ ପରେ ଛାଡ଼ିବେ କ୍ୟାପ୍ଟେନ୍‌ ପଦ
  • ||
  • ସାନଖେମୁଣ୍ଡି : ଭିଜିଲାନ୍ସ ଜାଲରେ ଆସିଷ୍ଟାଣ୍ଟ ଇଂଜିନିୟର, ଠିକାଦାରଙ୍କଠୁ ନେଉଥିଲେ ୫୦ହଜାର ଟଙ୍କା ଲାଞ୍ଚ
  • ||
  • ନୂଆଦିଲ୍ଲୀ : ବଙ୍ଗୋପସାଗରରେ ଦାନା ବାନ୍ଧୁଛି ଆଉ ଏକ ଲଘୁଚାପ, ୧୯ ଓ ୨୦ରେ ପ୍ରବଳ ବର୍ଷା ସମ୍ଭାବନା : IMD ଡିଜି
  • ||
  • ମାଲକାନଗିରି : ମାଲକାନଗିରିରେ ସୁରକ୍ଷାକର୍ମୀ-ମାଓବାଦୀ ଗୁଳିବିନିମୟ, ଛତ୍ରଭଙ୍ଗ ଦେଲେ ମାଓବାଦୀ : କ୍ୟାମ୍ପ୍‌ରୁ ବିପୁଳ ପରିମାଣର ମାଓ ସାମଗ୍ରୀ ଠାବ
  • ||
  • ପୁରୀ : ଶୁକ୍ରବାର ବନ୍ଦ ରହିବ ଶ୍ରୀମନ୍ଦିର, ବିଶେଷ ନୀତି ଯୋଗୁଁ ଶ୍ରୀଜିଉଙ୍କୁ ଦର୍ଶନ କରିପାରିବେନି ଶ୍ରଦ୍ଧାଳୁ
  • ||
  • ସୋର : ଫୁଲୁଛି କାଂଶ ବାଂଶ ନଦୀ, ବଢୁଛି ଜଳସ୍ତର : ଚିନ୍ତାରେ ତଳିଆ ଅଞ୍ଚଳବାସୀ
  • ||
  • ଖଣ୍ଡପଡା : ରଥିଆ ନାଳରେ ଭାସି ବୃଦ୍ଧ ନିଖୋଜ, ମାଛ ଧରିବାକୁ ଯାଇ ନାଳରେ ଭାସିଯାଇଥିବା ସନ୍ଦେହ
  • ||
  • ଜଗତସିଂହପୁର : ମହାନଦୀ ବନ୍ୟାଜଳରେ ବୁଡି ଗାଡି ଚାଳକ ନିଖୋଜ, ଇଟାଭାଟିକୁ ଯାଉଥିବା ବେଳେ ଅଘଟଣ
  • ||
  • ଯାଜପୁର : ପାଣିରେ ଭାସି ଯାଇଥିଲେ ବାପା-ପୁଅ, ଠାବ ହେଲା ମୃତଦେହ
  • ||
  • ଉପରତଳ ହେଉଛି କରୋନା ଗ୍ରାଫ : ୨୪ ଘଣ୍ଟାରେ ବାହାରିଲେ ୫୮୦ କୋଭିଡ୍ ପଜିଟିଭ୍
  • ||

ଏନସିବି ଜେରାରେ ମାନିଲେ ରିୟା- ସୌଭିକ ଜରିଆରେ ସୁଶାନ୍ତଙ୍କ ପାଇଁ ମଗାଉଥିଲେ ଡ୍ରଗ୍ସ, ତାଙ୍କ ଘରକୁ ଆସୁଥିଲେ ଡ୍ରଗ୍ ମାଫିଆ

6/09/2020 at 7:45 PM

ମୁମ୍ବାଇ ୦୬।୦୯:  ବଲିଉଡ ଅଭିନେତା ସୁଶାନ୍ତ ସିଂହ ରାଜପୁତ ମୃତ୍ୟୁ ମାମଲାରେ ସିବିଆଇ, ଇଡି ଓ ଏନସିବି ଯାଞ୍ଚ କରୁଛନ୍ତି। ମାମଲାରେ ଡ୍ରଗ୍ସ କନେକ୍ସନ ସାମ୍ନାକୁ ଆସିବା ପରେ ଏନସିବି ସୁଶାନ୍ତଙ୍କ ବାନ୍ଧବୀ ରିୟା ଚକ୍ରବର୍ତ୍ତୀଙ୍କୁ ରବିବାର ଜେରା କରିଛି। ରିୟାଙ୍କୁ ଛଅ ଘଣ୍ଟାର ଜେରା ବେଳେ ଏନସିବି ଅନେକ ପ୍ରଶ୍ନ ପଚାରିଛି। କିନ୍ତୁ ଏନସିବି ଆଜି ରିୟାଙ୍କୁ ଗିରଫ କରିନାହିଁ। କିନ୍ତୁ ସୋମବାର ଜେରା ପାଇଁ ପୁଣି ଥରେ ରିୟାଙ୍କୁ ସମନ ଜାରି କରାଯାଇଛି।

ଏନସିବିର ଜେରାରେ ରିୟା ସୁଶାନ୍ତଙ୍କ କେସ୍‌ରେ ବଡ ଖୁଲାସା କରିଛନ୍ତି। ରିୟା କହିଛନ୍ତି ସେ ସୁଶାନ୍ତଙ୍କ ପାଇଁ ନିଜ ଭାଇ ସୌଭିକ ଚକ୍ରବର୍ତ୍ତୀ ଜରିଆରେ ଡ୍ରଗ୍ସ ମଗାଉଥିଲେ। ଡ୍ରଗ ମାଫିଆ ବାସିତ ତାଙ୍କ ଘରକୁ ଆସୁଥିଲା ଏବଂ ସୌଭିକ ସୁଶାନ୍ତଙ୍କ ପାଇଁ ବାସିତଠୁ ଡ୍ରଗ୍ସ କିଣୁଥିଲା। ସୂତ୍ର ଅନୁଯାୟୀ ରିୟାଙ୍କୁ ଏନସିବି ଆଜି ପ୍ରାୟ ୬ ଘଣ୍ଟା ଧରି ଜେରା କରିଛି।

ରିୟା ଚକ୍ରବର୍ତ୍ତୀ ରବିବାର ମଧ୍ୟାହ୍ନ ୧୨ଟାରେ ପୋଲିସ କର୍ମଚାରୀଙ୍କ ସହିତ ବଲ୍ଲାଇ ଏଷ୍ଟେଟ୍ ସ୍ଥିତ ଏନସିବି ଦପ୍ତରରେ ପହଞ୍ଚିଥିଲେ। ଏହା ପୂର୍ବରୁ ଏଜେନ୍ସିର ଏକ ଦଳ ରବିବାର ସକାଳେ ରିୟାଙ୍କ ଘରେ ପହଞ୍ଚି ଜେରାରେ ସାମିଲ ହେବାକୁ ସମନ ଜାରି କରିଥିଲା।

ଏନସିବିର ଜେରାରେ ରିୟା ଅନେକ କଥା ସ୍ଵୀକାର କରିଛନ୍ତି। ସେ ମାନିଛନ୍ତି ଯେ, ମାର୍ଚ୍ଚ ୧୭ରେ ସାମୁଏଲ ମିରାଣ୍ଡା ଡ୍ରଗ୍ସ ନେବା ପାଇଁ ଜୈଦ ପାଖକୁ ଯାଇଥିଲା। ଜେରା ବେଳେ ରିୟା ଏନସିବି ଅଧିକାରୀଙ୍କୁ କହିଛନ୍ତି ଯେ, ମିରାଣ୍ଡା ଓ ସୌଭିକ ଡ୍ରଗ୍ସ ମାଫିଆଠୁ ଡ୍ରଗ୍ସ ନେବା ପାଇଁ ଉତ୍ତମ ସମନ୍ଵୟ ରଖିଥିଲେ।

ଏନସିବିର ଜେରାରେ ରିୟା ସ୍ଵୀକାର କରିଛି ଯେ ତାଙ୍କୁ ଜଣା ଥିଲା ଯେ ଭାଇ ସୌଭିକ ସୁଶାନ୍ତ ସିଂହ ରାଜପୁତଙ୍କ ପାଇଁ ଗିରଫ ହୋଇଥିବା ଡ୍ରଗ୍ସ ମାଫିଆ ବାସିତଠୁ ଡ୍ରଗ୍ସ କିଣୁଥିଲା। ଏପରିକି ବାସିତ ରିୟାଙ୍କ ଘରକୁ ମଧ୍ୟ ଯାଉଥିଲା। ଡ୍ରଗ୍ସ କନେକ୍ସନ ସାମ୍ନାକୁ ଆସିବା ପରେ ଅନେକ ଡ୍ରଗ ମାଫିଆଙ୍କ ନାମ ସାମ୍ନାକୁ ଆସିଛି। ଏହାକୁ ନେଇ ଏନସିବି ଖୋଳତାଡ ଜୋରଦାର କରିଛି। ଏହା ସହିତ ଅନେକ ଇଲାକାରେ ମଧ୍ୟ ଚଢାଉ କରିଛି।

ଏନସିବି କାର୍ଯ୍ୟାନୁଷ୍ଠାନ ସ୍ଵରୂପ ରିୟା ଚକ୍ରବର୍ତ୍ତୀଙ୍କ ଘର ସମେତ ଅନେକ ଡ୍ରଗ ମାଫିଆଙ୍କ ଘର ଉପରେ ଚଢାଉ କରିଛି। ଏନସିବି ରିୟାଙ୍କ ଭାଇ ସୌଭିକ ସମେତ ୭ ଜଣଙ୍କୁ ଗିରଫ କରିଛି। ଏଥିରେ ସାମୁଏଲ ମିରାଣ୍ଡା, କରଣ, କୈଜାନ, ଦୀପେଶ ସାଓ୍ଵନ୍ତ ଓ ଜୈଦ ସାମିଲ। ଆଶଙ୍କା କରାଯାଉଛି ଯେ ଖୁବ୍‌ ଶୀଘ୍ର ରିୟାଙ୍କ ଗିରଫଦାରୀ ହୋଇପାରେ।

   Related Posts