Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୟେମେନ ଗଣହତ୍ୟାକୁ ନିନ୍ଦା କଲା ଜାତିସଂଘ, ସାଉଦିର ବିମାନ ଆକ୍ରମଣରେ ନିହତ ହୋଇଥିଲେ ୭୦ ବିଦ୍ରୋହୀ
  • ||
  • ସୋର : ଟ୍ରକ୍ ସହ ଧକ୍କା ହୋଇ ନୟନଜୋରିକୁ ଓଲଟିଲା ବସ୍, ୫ ଜଣଙ୍କ ମୃତ୍ୟୁ, କିଛି ଲୋକ ଚାପି ହୋଇ ରହିଥିବା ସନ୍ଦେହ
  • ||
  • ଭଦ୍ରକରେ ବିଜେପିକୁ ଝଟ୍‌କା, ଦଳ ଛାଡିଲେ ଶତାଧିକ ବରିଷ୍ଠ ନେତା ଓ କର୍ମୀ
  • ||
  • ୨୦ ମହଲା କୋଠାରେ ଭୀଷଣ ଅଗ୍ନିକାଣ୍ଡ, ୧୫ ଆହତ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩ ଲକ୍ଷ ୩୭ ହଜାରରୁ ଅଧିକ କରୋନା ପଜିଟିଭ୍, ୪୮୮ ମୃତ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୧୪କୁ ବୃଦ୍ଧି
  • ||
  • ରାଜ୍ୟରେ ୯ ହଜାର ତଳକୁ ଖସିଲା ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୮୮୪୫ କୋଭିଡ୍ ପଜିଟିଭ୍, ୧୧୯୬୧୪୦ରେ ପହଞ୍ଚିଲା ସଂଖ୍ୟା
  • ||
  • ଭୁବନେଶ୍ବର : ଓଭରବ୍ରିଜ୍‌ରୁ ୩୦ଫୁଟ ତଳକୁ ଖସିଲା କାର୍, ଦୁର୍ଘଟଣାରେ ଗାଡି ଭାଙ୍ଗିରୁଜି ଚୁରମାର୍
  • ||
  • ଶନିବାର ଏହି ସବୁ ଜିଲ୍ଲାରେ ବର୍ଷା : ବଢିବ ତାପମାତ୍ରା, କମିବ ଶୀତ
  • ||
  • ଭୟଙ୍କର ଦୁର୍ଘଟଣା : ମହାନଦୀ ପୋଲରେ ବୋଲେରୋକୁ ପିଟିଲା ଟ୍ରକ୍, ୫ ମୃତ
  • ||

ରୀତା ରିଟର୍ଣ୍ଣସ୍‌ – ବିଜେପିରେ ସସପେନ୍ସ

28/09/2019 at 6:15 PM

ଭୁବନେଶ୍ୱର – ବିଜେଡି ଘୋଷଣା କଲା ଦଳର ବିଜେପୁର ପ୍ରାର୍ଥୀ । ପୂର୍ବତନ ବିଧାୟିକା ରୀତା ସାହୁଙ୍କ ଉପରେ ଭରସା କରିଛନ୍ତି ନବୀନ । ସେପଟେ ଖୁବ୍ ଶୀଘ୍ର ବିଜେପି ତାର ପ୍ରାର୍ଥୀ କିଏ ହେବେ ସେନେଇ ଘୋଷଣା କରିବ । ସନତ ଗଡତିଆ ଦଳର ପ୍ରାର୍ଥୀ ହୋଇପାରନ୍ତି ବୋଲି ଚର୍ଚ୍ଚା  ଚାଲିଛି । କଂଗ୍ରେସ ଦିଲ୍ଲିପ ପଣ୍ଡାଙ୍କୁ ବହୁ ଆଗରୁ ମୈଦାନକୁ ଓହ୍ଲାଇ ସାରିଛି । ଏବେ ଜମିବ ପ୍ରଚାର ମୈଦାନ ।…

ବିଜେପୁର ପାଇଁ ରୀତା ସାହୁ ବିଜେଡି ପ୍ରାର୍ଥୀ । ରୀତାଙ୍କ ନାଁ ଉପରେ ଦଳ ସୁପ୍ରିମୋ ମୋହର ମାରିଛନ୍ତି । ବିଜେପୁରରୁ ବିଜେଡି କାହାକୁ ପ୍ରାର୍ଥୀ କରିବ ସେନେଇ ଅନେକ ଦିନଧରି ସସପେନ୍ସ ଲାଗିରହିଥିଲା । ରୀତାଙ୍କ ନାଁ ଚର୍ଚ୍ଚାର ଆଗରେ ଥିଲେ ବି କିଛି ନୂଆ ମୁହଁକୁ ନେଇ ଦଳ ଭିତରେ ଅଙ୍କକଷା ଚାଲିଥିଲା ।

ହେଲେ ଶେଷରେ ନବୀନ ରୀତା ସାହୁଙ୍କୁ ଆଉ ଏକ ସୁଯୋଗ ଦେଇଛନ୍ତି । ନବୀନ କହିଛନ୍ତି ବିଜେପୁରବାସୀ ତାଙ୍କୁ ଯେଉଁ ଆଶୀର୍ବାଦ ଦେଇଛନ୍ତି ସେଥିପାଇଁ ସେ ଋଣି । ପ୍ରତିଶୃତି ଦେଇଛନ୍ତି, ଆଗକୁ ବିଜେପୁର ପାଇଁ ସ୍ବତନ୍ତ୍ର ଧ୍ୟାନ ଦେବେ । ହେଲେ ବିଜେପୁର ପାଇଁ ନବୀନ ରୀତାଙ୍କ ନାଁ ଘୋଷଣା କରିବାପରେ ଦଳ ସେଠି କିଭଳି ଭଲ ମାର୍ଜିନରେ ଜିତିବ ସେନେଇ ଆରମ୍ଭ ହୋଇଛି ଅଙ୍କ କଷା  । ଏଥର ରୀତାଙ୍କ ପାଇଁ ଆଉ ଅନୁକମ୍ପା କାମ କରୁ ନ ଥିବାରୁ ବିକାଶ ପ୍ରସଙ୍ଗକୁ ନେଇ ବିଜେଡି କିପରି ନିର୍ବାଚନ ବୈତରଣୀ ପାର ହେବ ସେନେଇ ଦଳ ଭିତରେ ତର୍ଜମା ଚାଲିଛି ।

କଂଗ୍ରେସ ଆଗରୁ ଦିଲ୍ଲୀପ ପଣ୍ଡାଙ୍କ ନାଁ ଘୋଷଣା କରିସାରିଛି । ବିଜେପୁର ଏକଦା କଂଗ୍ରେସ ଗଡଥିଲେ ବି ଗତ ୨ଟି ନିର୍ବାଚନରେ ବହୁ ଭୋଟରେ ପଛରେ ପଡିଯାଉଛି ଦଳ । ସେଠି ବିଜେଡି ଓ ବିଜେପି ଭିତରେ ମୁଖ୍ୟତଃ ପ୍ରତିଦ୍ବନ୍ଦିତା ହୋଇଛି । ତେଣୁ ଏଥର କଂଗ୍ରେସ ନିଜର ପୁରୁଣା ଭୋଟବ୍ୟାଙ୍କକୁ ସାଉଣ୍ଟିବାକୁ ଯୋଜନା କରିଛି । ସେଥିପାଇଁ ପୁରୁଣା ମୁହଁକୁ ହଟାଇ ନୂଆମୁହଁ ଉପରେ ଭରସା ରଖିଛି ଦଳ ।

ବିଜେପି ପ୍ରାର୍ଥୀ ଘୋଷଣାରେ ବିଳମ୍ବ କରୁଥିଲେ ମଧ୍ୟ ଦଳ ପକ୍ଷରୁ ସନତ ଗଡତିଆଙ୍କୁ ପ୍ରାର୍ଥୀ କରାଯିବା ଏକପ୍ରକାର ନିଶ୍ଚିତ । କାରଣ ସନତ ଗଡତିଆ ନାମାଙ୍କନ ପତ୍ର ନିଜ ନାଁରେ କିଣି ନେଇସାରିଛନ୍ତି । ଯେହେତୁ ସେ ଗତ ନିର୍ବାଚନରେ ନବୀନଙ୍କ ସହ ପ୍ରତିଦ୍ବନ୍ଦିତା କରି ୫୦ ହଜାରରୁ ଅଧିକ ଭୋଟ ପାଇଥିଲେ ତେଣୁ ଏଥର ରୀତାଙ୍କୁ କଡା ଟକ୍କର ଦେଇପାରନ୍ତି ।

୩୦ ତାରିଖ ପ୍ରାର୍ଥୀପତ୍ର ନାମାଙ୍କରନ ଶେଷଦିନ । ତାପରେ ପ୍ରଚାର ମୈଦାନକୁ ଲମ୍ଫଦେବେ ସବୁଦଳର ହେଭିଓେଟ ନେତା । ନବୀନ ବି ନିଜେ ବିଜେଡି ପ୍ରାର୍ଥୀଙ୍କ ପାଇଁ ପ୍ରଚାରକୁ ଯିବେ । ବିଜେପିର ଦୁଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ପ୍ରତାପ ଷଡଙ୍ଗୀ ଏଥର ବିଜେପୁରରେ ବିଜେପି ପ୍ରାର୍ଥୀଙ୍କ ପାଇଁ ମଙ୍ଗ ଧରିବେ । ସେପଟେ କଂଗ୍ରେସ କିଭଳି ଏକଜୁଟ ହୋଇ ପୁରୁଣା ଗଡକୁ ନିଜ ପକ୍ଷକୁ ଫେରାଇ ନେବ ସେନେଇ ପିସିସି ସଭାପତି ନିରଞ୍ଜନ ପଟନାୟକ, ବରିଷ୍ଠ ନେତା ନରସିଂହ ମିଶ୍ର ପ୍ରମୁଖ ବସି ବ୍ଲୁପ୍ରିଣ୍ଟ ପ୍ରସ୍ତୁତ କରିଛନ୍ତି ।

   Related Posts