Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାତ୍ୟା ଅପ୍‌ଡେଟ୍‌: ସାମ୍ଭାବ୍ୟ ବାତ୍ୟାକୁ ଦୃଷ୍ଟିରେ ରଖି ବାତିଲ୍‌ ହେଲା ଟ୍ରେନ୍‌
  • ||
  • ଶେଷରେ ରଦ୍ଦ ହେଲା ତିନି କୃଷି ଆଇନ, ବିଧେୟକ ଉପରେ ମୋହର ମାରିଲେ ରାଷ୍ଟ୍ରପତି ରାମନାଥ କୋବିନ୍ଦ
  • ||
  • ପଞ୍ଜାବ ନିର୍ବାଚନ ପୂର୍ବରୁ ବିଜେପିକୁ ବଡ଼ ସଫଳତା, ପଦ୍ମ ଧରିଲେ ଶିରୋମଣି ଅକାଳି ଦଳର ମନଜିନ୍ଦର ସିଂହ
  • ||
  • ନୂଆ କୋଭିଡ୍‌ ଭାରିଆଣ୍ଟକୁ ନେଇ ସଚେତନ ରହିବାକୁ ଅପିଲ୍‌ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||
  • ଜୁନିୟର ହକି ବିିଶ୍ୱକପ୍‌: ସେମିରେ ପ୍ରବେଶ କଲା ଫ୍ରାନ୍ସ
  • ||
  • ବଙ୍ଗୋମୁଣ୍ଡା ଆଇଆଇସିଙ୍କୁ କୋର୍ଟ ଚାଲାଣ କଲା ଭିଜିଲାନ୍ସ
  • ||
  • ଖଣ୍ଡପଡା : କଲେଜ ସମ୍ମୁଖରୁ ୨ ଛାତ୍ରୀଙ୍କୁ ଉଠାଇନେଲେ ଦୁର୍ବୃତ୍ତ, ପ୍ରତିବାଦରେ ଛାତ୍ରଛାତ୍ରୀଙ୍କ ରାସ୍ତାରୋକ
  • ||
  • ଭୁବନେଶ୍ବର : ୪ କୋଚ୍‌ଙ୍କୁ ବାଧ୍ୟତାମୂଳକ ଅବସର, ଅପାରଗତା ଓ ଦାୟିତ୍ବରେ ଅବହେଳା ପାଇଁ କାର୍ଯ୍ୟାନୁଷ୍ଠାନ
  • ||
  • ଗ୍ରାହକଙ୍କୁ ପୁଣି ମହଙ୍ଗା ମାଡ, ସିଲିଣ୍ଡର ପିଛା ୧୦୦ ଟଙ୍କା ବଢିଲା
  • ||
  • ସାନଖେମୁଣ୍ଡି : ବିଲରେ ପଡିଛି ନରକଙ୍କାଳ, ଧାନ କାଟିବା ବେଳେ ଦେଖିଲେ ଲୋକେ
  • ||

ଉତ୍ତରାଖଣ୍ଡରେ ବର୍ଷାର ତାଣ୍ଡବ: ବଢୁଛି ନଦୀର ଜଳସ୍ତର, ବହିଗଲା ପୋଲ, ଏ ପର୍ଯ୍ୟନ୍ତ ୨୫ ଜଣଙ୍କ ମୃତ୍ୟୁ

19/10/2021 at 6:48 PM

ଡେରାଡୁନ ୧୯।୧୦: ଲଗାଣ ବର୍ଷାରେ ଉତ୍ତରାଖଣ୍ଡରେ ପୁଣି ଥରେ ପ୍ରକୃତି ତାଣ୍ଡବ ରଚିଛି। ଭୀଷଣ ବର୍ଷାରେ ପାହାଡିଆ ଅଞ୍ଚଳର ସ୍ଥିତି ବେହାଲ ହୋଇ ପଡିଛି। ନୈନିତାଲ ଜିଲ୍ଲାର ପାର୍ବତ୍ୟ ଅଞ୍ଚଳରେ ଭୀଷଣ ବର୍ଷାରେ ଏକ ଘର ଭୁଶୁଡିଯିବାରୁ ନଅ ଜଣଙ୍କ ମୃତ୍ୟୁ  ଘଟିଛି। ଅନ୍ୟ ଏକ ସ୍ଥାନରେ କାନ୍ଥ ଭାଙ୍ଗିବାରୁ ପାଞ୍ଚ ଜଣ ଶ୍ରମିକଙ୍କ ଦୁଃଖଦ ମୃତ୍ୟୁ ଘଟିଛି। ଏହି ପରି ବର୍ଷା ଏବଂ ଭୂସ୍ଖଳନରେ ରାଜ୍ୟରେ ଏ ପର୍ଯ୍ୟନ୍ତ ୨୫ ଜଣଙ୍କ ମୃତ୍ୟୁ ଘଟିଛି। ନଦୀର ଜଳସ୍ତର  ବଢିବା ସହିତ ଅନେକ ସ୍ଥାନରେ ପୋଲ ଭୁଶୁଡିବା ସହିତ ରାସ୍ତା ବହିଯିବାରୁ ଯୋଗାଯୋଗ ବିଚ୍ଛିନ୍ନ ହୋଇ ପଡିଛି।

ସୂଚନା ଅନୁସାରେ, ନୈନିତାଲରେ ଜାରି ଲଗାଣ ବର୍ଷା କାରଣରୁ ରାମଗଢ ବ୍ଲକର ଝୁତିଆ ସୁନକା ଗାଁରେ ଘର ଭୁଶୁଡିବାରୁ ନଅ ଜଣ ଶ୍ରମିକ ଜୀବନ୍ତ ପୋତି ହୋଇ ଯାଇଛନ୍ତି। ଏହି ସବୁ ଶ୍ରମିକ ମୋଟର ମାର୍ଗ ନିର୍ମାଣ କାର୍ଯ୍ୟରେ  ଜୁଟିଥିଲେ। ସଡକ ବନ୍ଦ ଥିବାରୁ ଶ୍ରମିକଙ୍କ ମୃତଦେହ ବାହାର କରାଯାଇ ପାରି ନାହିଁ। ସମସ୍ତ ଶ୍ରମିକ ଉତ୍ତର ପ୍ରଦେଶ ଓ ବିହାରର। ଅନ୍ୟପଟେ  ଦୋଷାପାନିରେ ଭୂସ୍ଖଳନ କାରଣରୁ ୩ ଜଣ ଗାଁ ଲୋକଙ୍କ ମୃତ୍ୟୁ ଘଟିଛି। ସେହି ପରି ବନ୍ୟା ପାଣିରେ କ୍ଵାରବ ଗାଁରେ ୨ ଜଣ ଶ୍ରମିକଙ୍କ ମୃତ୍ୟୁ ଘଟିଛି। ପ୍ରଭାବିତ ଅଞ୍ଚଳରେ ପୋଲିସ ଓ ସ୍ଥାନୀୟ ପ୍ରଶାସନ ଦ୍ଵାରା ରିଲିଫ୍ କାର୍ଯ୍ୟ ଜାରି ରହିଛି। ମାତ୍ର ଖରାପ ପାଣିପାଗ କାରଣରୁ ଉଦ୍ଧାର କାର୍ଯ୍ୟ ବାଧାପ୍ରାପ୍ତ ହୋଇଛି। ଲୋକଙ୍କୁ ଘର ଭିତରୁ ମୃତଦେହ କାଢିବାରେ ମୁସ୍କିଲ ହୋଇଛି। ଭିନ୍ନ ଭିନ୍ନ ଘଟଣାରେ ଆହତଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି।

ଗତ ୨୪ ଘଣ୍ଟା ହେବ ଉତ୍ତରାଖଣ୍ଡର ଅନେକ ଜିଲ୍ଲାରେ ପ୍ରବଳ ବର୍ଷା ଜାରି ରହିଛି। ସ୍ଥାନୀୟ ପ୍ରଶାସନ ସହ ଏନଡିଆରଏଫ, ଏସଡିଆରଏଫ ଓ ଦମକଳ ବାହିନୀ ପକ୍ଷରୁ ଉଦ୍ଧାର କାର୍ଯ୍ୟ ଜାରି ରହିଛି। ସରକାରଙ୍କ ପକ୍ଷରୁ ସ୍ଥାନୀୟ ପ୍ରଶାସନସ୍ତରରେ ପ୍ରଭାବିତଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଉଛି। ରାଜ୍ୟର ଅନେକ ନଦୀରେ ଜଳସ୍ତର ବୃଦ୍ଧି ପାଇଛି। ଅନେକ ସ୍ଥାନରେ ପୋଲ ବନ୍ୟା ପାଣିରେ ବୋହି ଯାଇଛି। ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମି ଆକାଶ ମାର୍ଗରୁ ପ୍ରଭାବିତ ଅଞ୍ଚଳ ପରିଦର୍ଶନ କରିଛନ୍ତି।

   Related Posts