Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୋଖରୀରୁ ମିଳିଲା ନିଖୋଜ ଶିଶୁକନ୍ୟାର ମୃତଦେହ, ହତ୍ୟା ସନ୍ଦେହ
  • ||
  • ଶିକାରୀ ଗିରଫ, ୬ ମୃତ ବିଦେଶୀ ପକ୍ଷୀ ଜବତ
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୭କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୧ କରୋନା ସଂକ୍ରମିତ, ୧୦୪୮୬୮୩ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୬୨୧ ମୃତ
  • ||
  • ମଝି ସମୁଦ୍ରରେ ଦୁର୍ଘଟଣା, ଧକ୍କା ହେଲା ୨ ଜାହାଜ
  • ||
  • ବାତ୍ୟାର ରୂପ ନେବ ଲଘୁଚାପ ! ଅନୁମାନ ଲଗାଇଲାଣି ଆଇଏମଡି, ରାଜ୍ୟରେ ପ୍ରବଳ ବର୍ଷା ସମ୍ଭାବନା
  • ||
  • ବାଘ ଗଣନା ବେଳେ ମିଳିଲା ମୃତଦେହ, ହତ୍ୟା ନା ଆତ୍ମହତ୍ୟା !
  • ||
  • ଶୀତ ଅଧିବେଶନ ପୂର୍ବରୁ ରବିବାର ସର୍ବଦଳୀୟ ବୈଠକ, ବିରୋଧିଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||

ଝିଅ ରିଦ୍ଧିମା ମୁମ୍ବାଇରେ ପହଞ୍ଚିବା ପରେ ହେବ ଋଷି କପୁରଙ୍କ ଅନ୍ତିମ ସଂସ୍କାର

30/04/2020 at 2:24 PM

ମୁମ୍ବାଇ ୩୦।୪: ବଲିଉଡ୍‌ର ଭେଟେରାନ ଅଭିନେତା ଋଷି କପୁରଙ୍କର ଗୁରୁବାର ସକାଳେ ୬୭ ବର୍ଷ ବୟସରେ ମୁମ୍ବାଇରେ ପରଲୋକ ହୋଇଛି । ସେ ପ୍ରାୟ ୨ ବର୍ଷ ଧରି କ୍ୟାନସର ରୋଗ ସହ ସଂଗ୍ରାମ କରୁଥିଲେ । ଲକ୍ ଡାଉନ୍ ନିୟମକୁ ଧ୍ୟାନରେ ରଖି ଋଷି କପୁରଙ୍କ ଅନ୍ତିମ ସଂସ୍କାର କରାଯିବ । ଖବର ଅନୁଯାୟୀ ମୃତଦେହକୁ ସିଧାସଳଖ ଡାକ୍ତରଖାନାରୁ ଶ୍ମଶାନଘାଟକୁ ନିଆଯିବ। ଋଷି କପୁରଙ୍କ ଝିଅ ରିଦ୍ଧିମା କପୁର ଦିଲ୍ଲୀରୁ ବାହାରିସାରିଛନ୍ତି । ସେ ମୁମ୍ବାଇରେ ପହଞ୍ଚିବା ମାତ୍ରେ ଋଷି କପୁରଙ୍କ ଅନ୍ତିମ ସଂସ୍କାର କରାଯିବ ।

ଲକ୍ ଡାଉନ୍ ଯୋଗୁଁ ମୁମ୍ବାଇ ଆସିବାକୁ ରିଦ୍ଧିମାଙ୍କୁ ବହୁ ଅସୁବିଧାର ସମ୍ମୁଖୀନ ହେବାକୁ ପଡିଥିଲା । ଘଟଣାର ଗମ୍ଭୀରତାକୁ ଦୃଷ୍ଟିରେ ରଖି ଦିଲ୍ଲୀ ପୋଲିସ ରିଦ୍ଧିମା କପୁରଙ୍କ ସମେତ ୫ ଜଣଙ୍କ ପାଇଁ ପାସ୍ ଜାରି କରିଛନ୍ତି । ତେବେ ରିଦ୍ଧିମା ସେ କିଛି ସମୟ ପରେ ମୁମ୍ବାଇରେ ପହଞ୍ଚିଯିବେ । ରିଦ୍ଧିମା ପହଞ୍ଚିବା ପରେ ଋଷିଙ୍କ ଅନ୍ତିମ ସଂସ୍କାର କାର୍ଯ୍ୟ ଆରମ୍ଭ ହେବ । ସୂଚନା ଅନୁସାରେ ଅପରାହ୍ନ ୩ଟାରେ ଋଷି କପୁରଙ୍କ ମରଶରୀରକୁ ଅନ୍ତିମ ଯାତ୍ରାରେ ଶ୍ମଶାନ ଘାଟକୁ ନିଆଯିବ ।

ସୂଚନାଯୋଗ୍ୟ ଯେ, ତାଙ୍କର ଶେଷ ରୀତିନୀତି ମୁମ୍ବାଇର ମେରାଇନ୍ ଲାଇନ୍‌ରେ ଥିବା ଚନ୍ଦନୱାଡି ଶ୍ମଶାନଘାଟରେ ଅନୁଷ୍ଠିତ ହେବ । ଶ୍ମଶାନ ବାହାରେ ଏବଂ ଭିତରେ କଡା ସୁରକ୍ଷା ବ୍ୟବସ୍ଥା କରାଯାଇଛି । ପୋଲିସ ମଧ୍ୟ ମୁତୟନ କରାଯାଇଛି । ଏହି ସମୟରେ ସାମାଜିକ ଦୂରତାକୁ ଧ୍ୟାନରେ ରଖାଯିବ । ଲକ୍ ଡାଉନ୍ ନିୟମ ଅନୁଯାୟୀ ତାଙ୍କ ଅନ୍ତିମ ସଂସ୍କାରରେ ୨୦ ଜଣ ଲୋକ ସାମିଲ ହେବେ । ଋଷି କପୁରଙ୍କ ପରିବାର ପକ୍ଷରୁ ଜାରି ଏକ ବିବୃତ୍ତିରେ ଲୋକଙ୍କୁ ଏହି ଆଇନ ପାଳନ କରିବାକୁ କୁହାଯାଇଛି ।

ସାମାଜିକ ଦୂରତା ନିମୟ ଅନୁସାରେ ସାଧାରଣଲୋକଙ୍କୁ ଡାକ୍ତରଖାନାରେ ଏକାଠି ହେବାକୁ ବାରଣ କରାଯାଇଛି । ଏଭଳି ପରିସ୍ଥିତିରେ କେବଳ ପରିବାର ସଦସ୍ୟ ଡାକ୍ତରଖାନାରେ ଉପସ୍ଥିତ ଅଛନ୍ତି । କରୀନା କପୁର ଖାନ୍, ସୈଫ୍ ଅଲ୍ଲୀ ଖାନ୍, ରାଜୀବ କପୁର, ରଣବୀର କପୁର, ନୀତୁ କପୁର, ରଣଧୀର କପୁର ଏବଂ ଆଲିଆ ଭଚ୍ଚ ମଧ୍ୟ ଡାକ୍ତରଖାନାରେ ଉପସ୍ଥିତ ଅଛନ୍ତି । ଏହି କଠିନ ସମୟରେ ପରିବାର ବାହାରେ କେବଳ ଅଭିଷେକ ବଚ୍ଚନଙ୍କୁ ହସ୍ପିଟାଲରେ ରହିବାକୁ ଅନୁମତି ଦିଆଯାଇଛି ।

   Related Posts