Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଇରଙ୍ଗପୁର: ଗୋରୁମହିଷାଣି ପୋଲିସର ସଡକ ସୁରକ୍ଷା ସଚେତନ କାର୍ଯ୍ୟକ୍ରମ, ସାମିଲ ଥିଲେ ସ୍ଥାନୀୟ ଲୋକେ
  • ||
  • ବଲାଙ୍ଗୀର: ପୁଣି ରକ୍ତ ରଞ୍ଜିତ ହେଲା ଶୁଲିଆ ପୀଠ, ଗଡିଲା ଶହ ଶହ ପଶୁ-ପକ୍ଷୀଙ୍କ ମୁଣ୍ଡ
  • ||
  • ଭୁବନେଶ୍ବରରେ ପହଞ୍ଚିଲା ୨ୟ ପର୍ଯ୍ୟାୟ କୋଭିଡ ଟିକା: ସ୍ପାଇସ୍ ଜେଟ୍‌ରେ ଆସିଲା ଟିକା
  • ||
  • ଭାଙ୍ଗିଲା ୩୩ ବର୍ଷର ରେକର୍ଡ୍‌ : ବ୍ରିସବେନ ଟେଷ୍ଟରେ ଭାରତର ଐତିହାସିକ ବିଜୟ, ଅଷ୍ଟ୍ରେଲିଆକୁ ୩ ଓ୍ବିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ
  • ||
  • ମାଲକାନଗିରି : ସୀମାନ୍ତରେ ଏନ୍‌କାଉଣ୍ଟର, ୧୦ରୁ ଅଧିକ ମାଓ କ୍ୟାମ୍ପ ଧ୍ୱଂସ
  • ||
  • ସମ୍ବଲପୁର : ଫୋକସ୍‌ରେ ପଶ୍ଚିମ ଓଡିଶା, ମା’ ସମଲେଶ୍ବରୀଙ୍କ ମନ୍ଦିର ବୁଲି ସମୀକ୍ଷା କଲେ 5-T ସଚିବ
  • ||
  • ଭାଙ୍ଗିଲା ୩୩ ବର୍ଷର ରେକର୍ଡ୍‌ : ବ୍ରିସବେନ ଟେଷ୍ଟରେ ଅଷ୍ଟ୍ରେଲିଆକୁ ୩ ଓ୍ବିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ
  • ||
  • ହାଇଦ୍ରାବାଦ : ପାଠ ପଢୁନଥିଲା ବୋଲି ୧୦ ବର୍ଷର ପୁଅକୁ ଜିଅନ୍ତା ଜାଳିଦେଲା ବାପା, ପୋଡିଯାଇଛି ଶରୀରର ୬୫ ଭାଗ
  • ||
  • ବଡବିଲ : ନର୍ଭେରାମ ଖଣି କାର୍ଯ୍ୟାଳୟରେ ଆୟକର ଚଢାଉ, ବିଭିନ୍ନ କାଗଜପତ୍ରର ଯାଞ୍ଚ
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୨ ଛୁଇଁଲା ମୃତକଙ୍କ ସଂଖ୍ୟା
  • ||

ବିଶ୍ୱ ରେକର୍ଡ କଲେ ଭାରତୀୟ ଗହଣା କାରିଗର: ୧୨ ହଜାର ୬୩୮ ହୀରାରେ ତିଆରି କଲେ ଆକର୍ଷଣୀୟ ମୁଦି

5/12/2020 at 7:56 PM

ମେରଠ ୦୫/୧୨ : ମେରଠର ଶିଳ୍ପୀ ହର୍ଷିତ ବଂଶଲଙ୍କ ମୁଦି ମାରିଗୋଲ୍ଡ-ଏ ରିଙ୍ଗ ଅଫ ପ୍ରାସପରିଟି (The Marigold – The Ring of Prosperity) ନୂଆ କୀର୍ତ୍ତିମାନ ସୃଷ୍ଟି କରିଛି। ୧୨ ହଜାର ୬୩୮ଟି ଛୋଟା ଛୋଟା ହୀରାରେ ତିଆରି ଏହି ମୁଦିର ନାଁ ଗିନିଜ ବୁକ ଅଫ ୱାର୍ଲଡ ରେକର୍ଡରେ ସ୍ଥାନ ପାଇଛି। ତେବେ ଖାସ କଥା ହେଲା ଏହା ପୂର୍ବରୁ ମଧ୍ୟ ଏହି ରେକର୍ଡ ଭାରତ ନାଁରେ ହିଁ ଥିଲା। ପୂର୍ବରୁ ଗିନିଜ ବୁକ ଅଫ ୱାର୍ଲଡ ରେକର୍ଡରେ ସ୍ଥାନ ପାଇଥିବା ମୁଦିରେ ୭ ହଜାର ୮୦୧ଟି ହୀରା ଖଚିତ ଥିଲା। ମୁଦି ତିଆରି କରିଥିବା ହର୍ଷତ ବଂଶଲ କହିଛନ୍ତି ଯେ ମୁଦିର ଡିଜାଇନ ତିଆରି କରିବାକୁ ତାଙ୍କୁ ବର୍ଷ ବର୍ଷ ସମୟ ଲାଗିଥିଲା।

ଏହି ମୁଦିର ଓଜନ ୧୬୫ ଗ୍ରାମ। ହର୍ଷତ କହିଛନ୍ତି ଏହି ମୁଦିକୁ ବିକ୍ରି କରିବାକୁ ତାଙ୍କର କୌଣସି ଯୋଜନା ନାହିଁ। ମୁଦି କିଣିବାକୁ ଇଛୁକ ଥିବା ଅନେକ ଗ୍ରାହକଙ୍କୁ ସେ ମନା କରିଦେଇଛନ୍ତି। ହର୍ଷିତ କହିଛନ୍ତି ଯେ ମୁଦି ବହୁତ ଦାମୀ ଏବଂ ତାଙ୍କ ପାଇଁ ସମ୍ମାନର କଥା। ମୁଦିକୁ ସେ ନିଜର ସ୍ବପ୍ନ ବୋଲି କହିଛନ୍ତି। ମୁଦି ତିଆରି କରିବାକୁ ୨ ବର୍ଷ ପୂର୍ବରୁ ତାଙ୍କ ମନକୁ ଆଇଡ଼ିଆ ଜୁଟିଥିଲା। ସେତେବେଳେ ସେ ସୁରଟରେ ଗହଣା ଦିଆଯାଇନ ପାଠ ପଢୁଥିଲେ।

ସୁରଟକୁ ଭାରତର ହୀରାର ଗଡ ବୋଲି କୁହାଯାଏ। ହର୍ଷିତ କହିଛନ୍ତି, ୧୦ ହଜାରରୁ ଅଧିକ ହୀରାରେ ମୁଦି ତିଆରି କରିବା ତାଙ୍କର ଲକ୍ଷ୍ୟ ଥିଲା। ଏହି ଡିଜାଇନ ଚୟନ କରିବା ପୂର୍ବରୁ ଅନେକ ଡିଜାଇନ ତିଆରି କରି ଡଷ୍ଟବିନରେ ପକାଇଛନ୍ତି। ଶେଷରେ ଏକ ଡିଜାଇନ ତାଙ୍କ ମନକୁ ଛୁଇଁଥିଲା ଓ ସେହି ଡିଜାଇନରେ ସେ ମୁଦି ତିଆରି କରିବାକୁ ମନସ୍ଥ କଲେ। ହର୍ଷିତଙ୍କ କମ୍ପାନୀ ତରଫରୁ ଜାରି ଏକ ବୟାନରେ କୁହାଯାଇଛି ଯେ ମୁଦିରେ ଥିବା ପ୍ରତ୍ୟେକ ପାଖୁଡାରେ ୮ ପରସ୍ତ ବିଶିଷ୍ଟ ଫୁଲର ଡିଜାଇନ କରାଯାଇଛି। ଏହା ଖୁବ ଦୁର୍ଲଭ।

ସର୍ବ ପ୍ରଥମେ ଏକ ମୁଦିରେ ସର୍ବାଧିକ ହୀରା ଖଚିତ କରିବାର ରେକର୍ଡ ହାଇଦ୍ରାବାଦର ଜଣେ ଶିଳ୍ପୀ କରିଥିଲେ। ସେ ୭ ହଜାର ୮୦୧ ହୀରାରେ ମୁଦି ତିଆରି କରିଥିଲେ। ଏହି ମୁଦିକୁ ଗିନିଜ ବୁକ ଅଫ ୱାର୍ଲଡ ରେକର୍ଡରେ ଦର୍ଜ ହୋଇଥିଲା। ଏହି ମୁଦିର ଆକାର ମଧ୍ୟ ଏକ ଫୁଲ ଭଳି ଥିଲା। ଏହି ମୁଦି ଶିଳ୍ପୀଙ୍କୁ ବ୍ରହ୍ମ କମଳ ଫୁଲରୁ ଡିଜାଇନ ପାଇଁ ପ୍ରେରଣା ମିଳିଥିଲା।

   Related Posts