Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||
  • ବ୍ରିସବେନ୍ ଟେଷ୍ଟ୍ : ପ୍ରଥମ ଦିନରେ ଲାବୁସେନଙ୍କ ଶତକ, କଙ୍ଗାରୁ ଟିମ୍ ୨୭୪/୫
  • ||
  • ଭୁବନେଶ୍ବର: ଗୁରୁତର-ଗର୍ଭବତୀ-ହସ୍ପିଟାଲରେ ଆଡମିଟ୍‌ ବ୍ୟକ୍ତିଙ୍କୁ ଦିଆଯିବ ନାହିଁ ଟିକା, ପରିବାର କଲ୍ୟାଣ ନିର୍ଦ୍ଦେଶକ ଡାକ୍ତର ବିଜୟ ପାଣିଗ୍ରାହୀ
  • ||
  • ଶ୍ରମିକମାନଙ୍କ ସହ ମିଶି ମାଟି ଖୋଳିଲେ ଜିଲ୍ଲା ପ୍ରକଳ୍ପ ନିର୍ଦ୍ଦେଶକ
  • ||
  • ଭୁବନେଶ୍ବର : ରାଜ୍ୟରେ ଆଉ ଦୁଇ ଜଣ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୮ ଛୁଇଁଲା ମୃତକଙ୍କ ସଂଖ୍ୟା
  • ||
  • ଚିଲିକାରେ ଆରମ୍ଭ ହୋଇଛି ଫ୍ଲୋରା ଫୋନା ସର୍ଭେ
  • ||
  • ଯାଜପୁର ଶିଶୁ ନିଖୋଜ ଘଟଣା: ନିଖୋଜ ପିହୁ ପରିବାରକୁ ଭେଟିଲେ ଏସ୍‌ପି ରାହୁଲ ପି.ଆର
  • ||
  • ନକଲି ସାମଗ୍ରୀର ପେଣ୍ଠସ୍ଥଳୀ ପାଲଟିଛି କଟକ, ପୁଣି ଅପମିଶ୍ରିତ ଗୁଣ୍ଡି ଜବତ
  • ||
  • ଗଞ୍ଜାମ: ଅଜଣା ଜନ୍ତୁ ଆତଙ୍କ, ଭୟଭୀତ ଅବସ୍ଥାରେ ସ୍ଥାନୀୟ ଲୋକେ
  • ||

କ୍ରାଇମ୍ କୁଇନ୍‌ଙ୍କୁ ଶେଷରେ ଧରିଲା ସ୍ପେଶାଲ୍‌ ସ୍କ୍ୱାଡ୍, ଆଇନ୍‌ ଛାତ୍ରୀ ଗ୍ୟାଙ୍ଗଷ୍ଟରର ରାଇଟ୍‌ ହ୍ୟାଣ୍ଡ…

1/01/2020 at 6:40 PM

କଟକ୧/୧: କ୍ରାଇମ କ୍ବିନ୍ ଗିରଫ। କଟକ ସ୍ପେଶାଲ ସ୍କ୍ୱାଡ୍ ଶେଷରେ ଏହି କ୍ରାଇମ୍ କୁଇନ୍‌ଙ୍କୁ ଧରିବାରେ ସଫଳ ହୋଇଛି। ସହରରେ ବେଆଇନ୍ ବନ୍ଧୁକ କାରବାର, ଦାଦା ବଟି ଆଦାୟରେ ତା’ର ଥିଲା ସମ୍ପୃକ୍ତି। ଗ୍ୟାଙ୍ଗଷ୍ଟର ସକିଲ୍‌ର ଇସାରାରେ ସହରରେ ଅପରାଧିକ ବାତାବରଣ ତିଆରି କରିବା ପାଇଁ ଅସାମାଜିକ ଯୁବକ ମାନଙ୍କୁ ନିୟୋଜିତ କରିବା ସହ ସେମାନଙ୍କୁ କଣ୍ଟ୍ରୋଲ ବି କରୁଥିଲା। ସେ ହେଉଛନ୍ତି ନସରୀନ୍ ଖାନ୍।ଏହି ସ୍ମାର୍ଟ ଲେଡି କ୍ରିମିନାଲଙ୍କର ଅନେକ ସଂଗୀନ ଘଟଣାରେ ଅଛି ସଂପୃକ୍ତି। ସବୁଠୁ ଗୁରୁତ୍ତ୍ୱପୂର୍ଣ୍ଣ କଥା ହେଲା ନସରୀନ୍ ଜଣେ ଆଇନ ଛାତ୍ରୀ। କିନ୍ତୁ ଅପରାଧିକ କାମରେ ସମ୍ପୃକ୍ତ।

ଚୌଦ୍ୱାର ନିକଟରେ କଟକର ସ୍ପେଶାଲ୍ ସ୍କ୍ୱାଡ୍ ବୁଧବାର ଚଢାଉ କରି ୨୪ ବର୍ଷୀୟା ନସରିନ୍ ଖାନଙ୍କୁ ଗିରଫ କରିଛି। କଟକର କେଶରପୁର ଅଞ୍ଚଳରେ ତାଙ୍କ ଘର। ନସରୀନ୍‌ଙ୍କୁ ପଚରାଉଚରା ସମୟରେ ତାଙ୍କଠାରୁ ପୋଲିସ୍ ବହୁ ଚାଞ୍ଚଲ୍ୟକର ତଥ୍ୟ ହାସଲ୍ କରିଛି।

ପୋଲିସ୍ ସୂତ୍ରରୁ ମିଳିଥିବା ସୂଚନା ଅନୁସାରେ ସହରରେ ବିଭିନ୍ନ ଦାଦା ବଟି ଆଦାୟରେ ନସରୀନଙ୍କର ପ୍ରତ୍ୟକ୍ଷ ଓ ପରୋକ୍ଷ ସମ୍ପର୍କ ରହିଛି। ଖାସ୍ କରି ଗିରଫ୍ ହୋଇ ଏବେ ଚୌଦ୍ୱାର ଜେଲ୍ ରେ ଥିବା ଗ୍ୟାଙ୍ଗଷ୍ଟର ମହମ୍ମଦ୍ ସକିଲ୍‌ର ଘନିଷ୍ଠ ସହଯୋଗୀ ହେଉଛନ୍ତି ନସରୀନ୍ ଖାନ। ଆଉ ଅନ୍ୟ ଏକ ଗୁରୁତ୍ବପୂର୍ଣ୍ଣ କଥା ହେଲା ନସରୀନ୍ ଖାନ୍ ହେଉଛନ୍ତି କଟକସ୍ଥିତ ଜାତୀୟ ଆଇନ୍ ବିଶ୍ୱବିଦ୍ୟାଳୟର ଜଣେ ଛାତ୍ରୀ।

ପୋଲିସ୍ କହିବା ଅନୁସାରେ ଭାରତର ଗୋଟିଏ ପ୍ରତିଷ୍ଠିତ ଆଇନ୍ ବିଶ୍ୱବିଦ୍ୟାଳୟରେ ପାଠ ପଢୁଥିବାରୁ ନସରୀନ୍ ସହଜରେ ସନ୍ଦେହ ପରିସରକୁ ଆସୁ ନଥିଲା। ଏହାର ସୁଯୋଗ ନେଇ ସକିଲ୍ ତାର କଳା ଧନ୍ଦାରେ ନସରୀନଙ୍କୁ ନିୟୋଜିତ କରିଥିଲା। ପୋଲିସ୍ ସୂଚନା ଅନୁସାରେ ନସରୀନ୍ ବରାବର ଚୌଦ୍ୱାର ଜେଲ୍‌କୁ ଯାଇ ସକିଲକୁ ସାକ୍ଷାତ କରିଥାଆନ୍ତି। ସକିଲଠାରୁ ନିର୍ଦ୍ଦଶ ପାଇବା ପରେ ଦାଦା ବଟି ଆଦାୟ ପାଇଁ ବିଭିନ୍ନ ଯୁବକଙ୍କୁ ନସରୀନ୍ ବନ୍ଧୁକ ଯୋଗାଇ ଥାଆନ୍ତି। ଯୁବକ ମାନଙ୍କୁ ନସରୀନ ଯୋଗାଉଥିବା ବନ୍ଧୁକ ବିଭିନ୍ନ ମାଧ୍ୟମ ଦେଇ ତାଙ୍କ ପାଖକୁ ଆସିଥାଏ।

ଗତ ୧୪ ତାରିଖରେ ବକ୍ସିବଜାରରେ ଥିବା ଆନନ୍ଦ ସ୍ପୋର୍ଟସ ମାଲିକଙ୍କୁ  ସକିଲ୍ ୧୦ ଲକ୍ଷ ଟଙ୍କା ଦାଦା ବଟି ମାଗିଥିବା ଅଭିଯୋଗ ହୋଇଥିଲା। ଏହି ମାମାଲାରେ ଏବେ ସକିଲ୍ ଗିରଫ ହୋଇ ଚୌଦ୍ୱାର ଜେଲ୍‌ରେ ଅଛି। ମାମଲାର ତଦନ୍ତ ସମୟରେ ବିଭିନ୍ନ ଫୋନ୍ କଲ୍ ଓ ଜେଲ୍ ମୁଲାକାତ୍‌ରୁ ପୋଲିସ୍ ନସରୀନଙ୍କ ଭୂମିକା ନେଇ ସନ୍ଦେହ କରିଥିଲା। ଅଧିକ ତଦନ୍ତ ପରେ ନସରୀନ୍ କିଛି ନିର୍ଦ୍ଧିଷ୍ଟ ଯୁବକଙ୍କୁ ବନ୍ଧୁକ ଦେଇ ଦାଦାବଟି ଆଦାୟ ପାଇଁ ନିର୍ଦ୍ଦେଶ ଦେଇଥିବା ପୋଲିସ୍ ସ୍ପଷ୍ଟ ହୋଇଥିଲା। ଏହା ପରେ ପୋଲିସ୍ ନସରୀନ୍‌ଙ୍କ ଗତିବିଧି ଉପରେ ନଜର ରଖି ବୁଧବାର ତାଙ୍କୁ ଚୌଦ୍ୱାର ନିକଟରୁ ଗିରଫ କରିଛି।

   Related Posts