Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୪ ରନ୍‌ରେ ଜିତିଲା ପଞ୍ଜାବ
  • ||
  • ରାଜସ୍ଥାନ ରୟାଲ୍ସକୁ ୨୨୨ ରନର ବିଶାଳ ବିଜୟ ଲକ୍ଷ୍ୟ ଦେଲା ପଞ୍ଜାବ କିଙ୍ଗସ୍‌ : କେ.ଏଲ. ରାହୁଲ, ଦୀପକ ହୁଡାଙ୍କ ବିସ୍ଫୋରକ ଅର୍ଦ୍ଧଶତକ
  • ||
  • ମୋଦୀଙ୍କୁ ସୋନିଆଙ୍କ ପତ୍ର: ବୟସ ପରିବର୍ତ୍ତେ ଆବଶ୍ୟକତା ଅନୁସାରେ କରୋନା ଟିକା ଦିଆଯାଉ
  • ||
  • ବାଗ୍‌ଚି ଦମ୍ପତ୍ତିଙ୍କୁ ପ୍ରଶଂସା କଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଭୁବନେଶ୍ବରରେ କ୍ୟାନସର ହସ୍ପିଟାଲ ଏବଂ କେୟାର ସେଣ୍ଟର ପାଇଁ ସୁବ୍ରତୋ-ସୁସ୍ମିତା ଦେବେ ୪୩୦ କୋଟି ଟଙ୍କା
  • ||
  • ହସ୍ପିଟାଲରୁ ଡିସ୍‌ଚାର୍ଜ ହେଲେ ରାଷ୍ଟ୍ରପତି ରାମନାଥ କୋବିନ୍ଦ, ମାର୍ଚ୍ଚ ୩୦ରେ ହୋଇଥିଲା ବାଇପାସ୍‌ ସର୍ଜରୀ
  • ||
  • ପାଟଣା : ଭାରସାମ୍ୟ ହରାଇ ବ୍ରିଜ୍ ଉପରୁ ୨୦ଫୁଟ ତଳକୁ ଖସିଲା ବାଇକ୍, ୨ ଗୁରୁତର
  • ||
  • ନୀଳଗିିରି : ବିଦ୍ୟୁତ ବିଲ୍ ବୃଦ୍ଧି ପ୍ରତିବାଦରେ ସିପିଆଇର ରାସ୍ତାରୋକ
  • ||
  • ଢେଙ୍କାନାଳ : ମାଛ ଧରିବାକୁ ଯାଇ ନଦୀରେ ବୁଡିଗଲେ ମାଛ ଧରାଳି, ଚାଲିଗଲା ଜୀବନ
  • ||
  • ଭୁବନେଶ୍ବର : ଖରା ପାଇଁ ପାନୀୟ ଜଳ ବିଭାଗର ଛୁଟି ବାତିଲ
  • ||
  • ୨ ବିଶ୍ୱବିଦ୍ୟାଳୟରେ ନୂଆ କୁଳପତି, ରାଜଭବନ ପକ୍ଷରୁ ବିଜ୍ଞପ୍ତି ପ୍ରକାଶ
  • ||

ସୁବର୍ଣ୍ଣପୁରରେ ଚାଷୀଙ୍କୁ ଚିନ୍ତ।ରେ ପକାଇଛି ଧାନ ଗଛରେ ପତ୍ରପୋଡ଼ା ରୋଗ

21/09/2018 at 4:13 PM

 

ସୋନପୁର ୨୧/୯:କେବେ ମରୁଡି ତ କେବେ ଅଦିନିଆ ବର୍ଷ। ପାଇଁ ଚାଷୀ କ୍ଷତି ସହି ଆସୁଛି । ଆଉ ଏବେ ପୁଣି ଧାନ ଗଛରେ ପତ୍ର ପୋଡା ରୋଗ ସୁବର୍ଣ୍ଣପୁର ଜିଲ୍ଲାର ଚାଷୀଙ୍କୁ ଚିନ୍ତ।ରେ ପକାଇଛି । ବିଶେଷ କରି ଉଳୁଣ୍ଡା ବ୍ଲକରେ ଶହଶହ ହେକ୍ଟର ଧାନ କ୍ଷେତରେ ପତ୍ରପୋଡା ରୋଗ ଲାଗି ଧାନ ଗଛ ସବୁ ଶୁଖିଗଲାଣି । ଚଳିତ ବର୍ଷ ଭଲ ବର୍ଷ। ଯୋଗୁଁ ଚାଷ ଭଲ ହେବାର ଆଶା ରଖିଥିଲା ଚାଷୀ । ହେଲେ ଏହି ପତ୍ରପୋଡା ରୋଗ ପାଇଁ ଏଥର ଅମଳ ହେବ କି ନାହିଁ ସେନେଇ ଚାଷୀ ମନରେ ଭାଲେଣି ପଡିଛି ।

କିଆରିରେ ଥିବା ଧାନ ଗଛ ହଳଦିଆ ହୋଇ ଶୁଖିଯାଇଛି । ଆଉ ଦିନ କେଇଟା ପରେ ଫଳ ଧରି ଧାନ କିଆରିରେ ଲହଡି ମାରୁଥାନ୍ତି। । ହେଲେ ଠିକ୍ ଧାନ ଗଛ ଫଳିବା ସମୟରେ ପତ୍ରପୋଡା ରୋଗ ଚାଷୀର ସମସ୍ତ ଆଶାକୁ ଧୂଳିସାତ କରିବାରେ ଲାଗିଛି । ସୁବର୍ଣ୍ଣପୁର ଜିଲ୍ଲାର 6ଟି ବ୍ଲକ ମଧ୍ୟରୁ ବିଶେଷ କରି ଉଲୁଣ୍ଡା ବ୍ଲକର ଚାଷୀ ଏହି ପତ୍ରପୋଡା ରୋଗରେ ବେଶ୍ ପ୍ରଭାବିତ ହୋଇଥିବା ଦେଖିବାକୁ ମିଳିଛି । ଚଳିତ ବର୍ଷ ଭଲ ବର୍ଷ। ହୋଇଥିବାରୁ ଭଳ ଅମଳର ଆଶା ରଖି ଧାରକରଜ କରି ଶୁଦ୍ଧା ଧାନ ଚାଷ କରିଥିଲା ଚାଷୀ । ହେଲେ ପତ୍ର ପୋଡା ଏବେ ଚାଷୀଙ୍କ ଉପରେ ଦାଉ ସାଧୁଥିବା ବେଳେ ଆସନ୍ନ ଭବିଷ୍ୟତକୁ ନେଇ ଚାଷୀ ମୁଣ୍ଡରେ ଚଡକ ପଡିଛି ।

ଜିଲ୍ଲାର ଉଲୁଣ୍ଡା  ବ୍ଲକରେ ଥିବା ପଚଂମହାଲା, କୋଟସମଲାଏ , ବିଶିପଡା ଜାଲୋଏ ଆଜି ପଟାୟତରେ ପତ୍ରପୋଡା ରୋଗ ବଢିବାରେ ଲାଗିଛି । ହେଲେ ଆଜି ପର୍ଯନ୍ତ ଧାନ ଚାଷରେ ଦେଖାଦେଇଥିବା ଏହି ରୋଗର ନିରାକରଣ ପାଇଁ ଚାଷୀଙ୍କ ପାଖରେ କୌଣସି କୃଷି ଅଧିକାରୀ ପହଂଚି ନଥିବା ଅଭିଯୋଗ ହୋଇଛି । ଫଳରେ ଚାଷୀମାନେ ଧାନ ଚାଷରେ ଦେଖାଦେଉଥିବା ବିଭିନ୍ନ ରୋଗ ସଂପର୍କରେ ସଚେତନ ହେବାରୁ ବଂଚିତ ହେଉଥିବା ବେଳେ ସଠିକ କୀଟନାଷକର ବ୍ୟବହାର କରିପାରୁ ନାହାନ୍ତି । ଯାହାର ପରିଣାମ କେବଳ ଚାଷୀଙ୍କୁ ହିଁ ଭୋଗିବାକୁ ପଡୁଛି । ଅପର ପକ୍ଷରେ ଧାନ ଚାଷରେ ଦେଖାଦେଇଥିବା ରୋଗପୋକର ନିରାକରଣ ଦିଗରେ ପଦକ୍ଷେପ ଗ୍ରହଣ କରାଯାଇଥିବା ବେଳେ ସୁରଭି ମାଧ୍ୟମରେ ଚାଷୀଙ୍କୁ ସୁଲଭ ଓ ସଠିକ କୀଟନାଷକ ଯୋଗାଇ ଦିଆଯିବ ବୋଲି କହିଛନ୍ତି ଜିଲ୍ଲା ଅତିରିକ୍ତ କୃଷି ଅଧିକାରୀ ।

ପତ୍ରପୋଡା ରୋଗ ଦାଉରୁ ଚାଷୀଙ୍କୁ ରକ୍ଷା କରିବାକୁ ହେଲେ କୃଷିକ୍ଷେତ୍ର କର୍ମଚାରୀମାନେ ପ୍ରତି ଗଁ।କୁ ଯାଇ ସଚେତନତା କାର୍ଯ୍ୟକ୍ରମମାନ ଆୟୋଜନ କରିବା ସହ ଧାନ ଗଛର ରୋଗ ନିରୂପଣ, ପ୍ରତିଷେଧକ ଔଷଧ ତଥା ପରାମର୍ଶ ଦେବା ଜରୁରୀ ହୋଇପଡିଛି ।

 

   Related Posts