Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ରାଜ୍ୟରେ କରୋନା ନେଲା ଆଉ ୨ ଜଣଙ୍କ ଜୀବନ, ୧୯୨୮ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ୩୦ଜିଲ୍ଲାରୁ ଚିହ୍ନଟ ହେଲେ ସଂକ୍ରମିତ, ୨୪ ଘଣ୍ଟାରେ ୧୭୪୧ ପଜିଟିଭ୍ ଚିହ୍ନଟ
  • ||
  • ନୟାଗଡ଼ : ରେଳ ଷ୍ଟେସନରେ ଲଙ୍କାକାଣ୍ଡ : ବ୍ୟାପକ ପୋଡାଜଳା ଓ ଭଙ୍ଗାରୁଜା, ବିରୋଧ କରିବାରୁ ମ୍ୟାନେଜର ଓ କର୍ମଚାରୀଙ୍କୁ ଆକ୍ରମଣ
  • ||
  • ଆଜି ୧୧ ଜିଲ୍ଲାରେ କାଳବୈଶାଖି ବର୍ଷା ! ୧୫ ଯାଏଁ ତାତିରୁ ମିଳିବ ତ୍ରାହି
  • ||

ଏବେ ଜେଲ୍‌ରେ ରହିବେ ରିୟା, ବଢିଲା ବିଚାର ବିଭାଗୀୟ ହାଜତ ଅବଧି, ଜାମିନ ଉପରେ କାଲି ହାଇକୋର୍ଟରେ ଶୁଣାଣି

22/09/2020 at 4:42 PM

ମୁମ୍ବାଇ ୨୨।୦୯: ଡ୍ରଗ୍ସ କେସ୍‌ରେ ଫସିଥିବା ଅଭିନେତ୍ରୀ ରିୟା ଚକ୍ରବର୍ତ୍ତୀ ଓ ତାଙ୍କ ଭାଇ ସୌଭିକଙ୍କ ବିଚାର ବିଭାଗୀୟ ହାଜତ ଅବଧି ଅକ୍ଟୋବର ୬ ପର୍ଯ୍ୟନ୍ତ ବୃଦ୍ଧି ହୋଇଛି। ରିୟାଙ୍କୁ ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ(ଏନସିବି) ସେପ୍ଟେମ୍ବର ୮ରେ ଗିରଫ କରିଥିଲା। ଏହା ପରେ ତାଙ୍କୁ ସେପ୍ଟେମ୍ଵର ୨୨ ପର୍ଯ୍ୟନ୍ତ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଥିଲା। ଏହା ମଧ୍ୟରେ ରିୟା ଓ ସୌଭିକ ଜାମିନ ପାଇଁ ବମ୍ବେ ହାଇକୋର୍ଟରେ ଆବେଦନ କରିଛନ୍ତି। ଏହା ଉପରେ ଆସନ୍ତାକାଲି ଅର୍ଥାତ ସେପ୍ଟେମ୍ବର ୨୩ରେ ଶୁଣାଣି ହେବ।

ରିୟା ଚକ୍ରବର୍ତ୍ତୀ ଓ ସୌଭିକ ଚକ୍ରବର୍ତ୍ତୀଙ୍କୁ ଦିବଙ୍ଗତ ଅଭିନେତା ସୁଶାନ୍ତ ସିଂହ ରାଜପୁତଙ୍କ ପାଇଁ ଡ୍ରଗ୍ସ ଯୋଗାଡ କରିବା ଅଭିଯୋଗରେ ଗିରଫ କରାଯାଇଥିଲା। ପ୍ରଥମେ ରିୟା ଡ୍ରଗ୍ସ ନେବା ଅଭିଯୋଗକୁ ମନା କରି ଚାଲିଥିଲେ ମାତ୍ର ଏନସିବିର ଜେରା ବେଳେ ରିୟାଙ୍କ ଭାଇ ସୌଭିକ ସ୍ଵୀକାର କରିଥିଲେ ଯେ ରିୟାଙ୍କ ଗୌରବଙ୍କ ସହ କରିଥିବା ଚାଟ୍ ସତ ଏବଂ ସେ ନିଜେ ସୁଶାନ୍ତଙ୍କ ପାଇଁ ଡ୍ରଗ୍ସ ବନ୍ଦୋବସ୍ତ କରୁଥିଲେ। ଡ୍ରଗ୍ସ ପାଇଁ ଟଙ୍କା ରିୟା ଦେଉଥିଲେ।

ସୁଶାନ୍ତଙ୍କ ମୃତ୍ୟୁ ମାମଲାର ତଦନ୍ତ କରୁଥିବା ଏନସିବି ଜାଲରେ ଅନେକ ଡ୍ରଗ୍ସ ମାଫିଆ ପଡି ସାରିଛନ୍ତି। ଡ୍ରଗ୍ସ ମାମଲାରେ ଅନେକ ବଡ ବଡ ସେଲିବ୍ରିଟିଙ୍କ ନାମ ମଧ୍ୟ ସାମ୍ନାକୁ ଆସିଛି। ଏନସିବି ଏ ପର୍ଯ୍ୟନ୍ତ ଏହି ମାମଲାରେ ମୋଟ୍ ୧୮ ଜଣଙ୍କୁ ଗିରଫ କରି ସାରିଛି।  ଏବେ ସାରା ଅଲି ଖାନ, ଦୀପିକା ପାଦ୍ୟୁକୋନ, ଶ୍ରଦ୍ଧା କପୁର ଓ ରକୁଲ ପ୍ରୀତିଙ୍କ ପରି ଅଭିନେତ୍ରୀଙ୍କ ନାମ ସାମ୍ନାକୁ ଆସିବା ପରେ ବଲିଉଡ ଜଗତରେ ଚାଞ୍ଚଲ୍ୟ ଖେଳି ଯାଇଛି।

   Related Posts