Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ED ଅଫିସ୍ ପାଇଁ ବାହାରିଲେ ରିୟା : ମନି ଲଣ୍ଡ୍ରିଂ ମାମଲା‌ରେ ପୁଣି ଥରେ ହେବ ପଚରାଉଚୁରା

10/08/2020 at 10:15 AM

ମୁମ୍ବାଇ ୧୦/୮: ସୁଶାନ୍ତ ସିଂହ ରାଜପୁତ ମାମଲାରେ ତାଙ୍କ ଗାର୍ଲଫ୍ରେଣ୍ଡ ରିୟା ଚକ୍ରବର୍ତ୍ତୀଙ୍କୁ ପିଛା ଛାଡ଼ୁନାହିଁ। ଅଗଷ୍ଟ ୭ତାରିଖରେ ଇଡି ରିୟାଙ୍କୁ ମନି ଲଣ୍ଡ୍ରିଂ ମାମଲାରେ ୮ଘଣ୍ଟା ଯାଏଁ ପଚରାଉଚୁରା କରିଥିଲା। କୁହାଯାଇଥିଲା ଯେ ଇଡି ରିୟାଙ୍କ ଜବାବରେ ସନ୍ତୁଷ୍ଟ ନାହାନ୍ତି। ଯାହା ପରେ ଇଡି ରିୟାଙ୍କୁ ପୁଣି ଥରେ ସମନ ପଠାଇଛି। ଆଜି ରିୟାଙ୍କୁ ଇଡି ପୁଣି ଥରେ ପଚରାଉଚୁରା କରିବ। ରିୟା ନିଜ ଘରୁ ଇଡି ଅଫିସ୍ ପାଇଁ ବାହାରି ସାରିଛନ୍ତି।

ଆଜି ରିୟା ସମେତ ୪ଜଣଙ୍କୁ ଇଡି ପଚରାଉଚୁରା କରିବ। ଏଥିରେ ରିୟାଙ୍କ ଭାଇ,ବାପା ଏବଂ ବିଜନେସ୍ ମ୍ୟାନେଜର ଶୃତି ମୋଦିଙ୍କ ନାଁ ସାମିଲ ରହିଛି। ସିଦ୍ଧାର୍ଥ ପିଠାନୀଙ୍କୁ ମଧ୍ୟ ଆଜି ପଚରାଉଚୁରା ହୋଇପାରେ।

ସୂଚନା ଅନୁଯାୟୀ,ପ୍ରଥମ ହାଜିରାରେ ରିୟା ଇଡିର ପ୍ରଶ୍ନର ଠିକଭାବେ ଉତ୍ତର ଦେଇ ପାରିନଥିଲେ। ଇଡି ରିୟାଙ୍କୁ ବ୍ୟାଙ୍କ ଟ୍ରାଞ୍ଜାକ୍ସନ,ଖର୍ଚ୍ଚ,ସୋର୍ସ ଅଫ ଇନକମକୁ ନେଇ ଯାହା ସବୁ ପ୍ରଶ୍ନ ପଚାରିଥିଲା ରିୟା କିଛିର ଯଥାର୍ଥ ଉତ୍ତର ଦେଇ ପାରିନଥିଲେ। ନିଜ ଖର୍ଚ୍ଚକୁ ନେଇ ରିୟା କୌଣସି ଦସ୍ତାବିଜ କିମ୍ବା ପ୍ରମାଣ ଇଡି ସାମନାରେ ରଖି ପାରିନଥିଲେ। ଇଡି ରିୟାଙ୍କୁ ଅନେକ କଡ଼ା ପ୍ରଶ୍ନ ପଚାରିଥିଲା।

   Related Posts