Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ତୁର୍କୀରେ ବଡ ଧରଣର ଭୂକମ୍ପ ପରେ ସୁନାମି: ପ୍ରକୃତି ରଚିଲା ତାଣ୍ଡବଲୀଳା, ୬ ମୃତ, ୨୦୦ରୁ ଉର୍ଦ୍ଧ୍ଵ ଆହତ
  • ||
  • ବିଜେପିକୁ ତିର୍ତ୍ତୋଲବାସୀ ନିଶ୍ଚୟ ଜିତାଇବେ ଏବଂ ପ୍ରଧାନମନ୍ତ୍ରୀଙ୍କ ହାତମୁଠାକୁ ଟାଣ କରିବେ- ଧର୍ମେନ୍ଦ୍ର
  • ||
  • PL 2020: ଗର୍ଜିଲା କ୍ରିସ୍ ଗେଲଙ୍କ ବ୍ୟାଟ୍, ରାଜସ୍ଥାନ ସମ୍ମୁଖରେ ୧୮୬ ରନର ବିଜୟ ଲକ୍ଷ୍ୟ ରଖିଲା କିଙ୍ଗ୍ସ ଏକାଦଶ ପଞ୍ଜାବ
  • ||
  • ଅଟୋକୁ ଧକ୍କା ଦେଲା କାର୍, ଜଣେ ମୃତ, ୪ ଗୁରୁତର
  • ||
  • ବାଇକ୍ ସହ ଧକ୍କା ହୋଇ ରାସ୍ତା କଡକୁ ଖସିଲା ବସ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ସେନେଗଲ୍‌ ଉପକୂଳ ସମୁଦ୍ରରେ ବୁଡ଼ିଗଲା ଶରଣାର୍ଥୀଙ୍କ ଡଙ୍ଗା: ୧୪୦ ଜଣଙ୍କ ମୃତ୍ୟୁ, ବଞ୍ଚିଗଲେ ୬୦
  • ||
  • ରାଜଧାନୀରୁ ଆଉ ୮୭ କରୋନା ଆକ୍ରାନ୍ତ ଚିହ୍ନଟ, ସୁସ୍ଥ ହେଲେ ୨୩୭
  • ||
  • ପୂର୍ବ ଗୋଦାବରୀରେ ଭାରସାମ୍ୟ ହରାଇ ଓଲଟିଲା ଭ୍ୟାନ୍, ୬ ଜଣଙ୍କ ମୃତ୍ୟୁ
  • ||
  • ବୌଦ୍ଧ : ରାସ୍ତା ଉପରେ ପଡିଛି ଯୁବକଙ୍କ ମୃତଦେହ, ହତ୍ୟା ସନ୍ଦେହ
  • ||
  • ୩୧ରେ ଆଉ ଏକ ଲଘୁଚାପ ! ଉତ୍ତର ଓ ଉପକୂଳ ଓଡିଶାରେ ବର୍ଷା ସମ୍ଭାବନା
  • ||

ସୁଶାନ୍ତ ସିଂହ ମୃତ୍ୟୁ ମାମଲା : ବାନ୍ଧବୀ ରିୟା ଚକ୍ରବର୍ତ୍ତୀ ଗିରଫ, ଡ୍ରଗ୍ସ ମାମଲାରେ ୩ ଦିନ ଧରି ଜେରା କରୁଥିଲା NCB

8/09/2020 at 3:04 PM

ମୁମ୍ବାଇ ୦୮/୦୯ : ସୁଶାନ୍ତ ସିଂହ ରାଜପୁତ ମୃତ୍ୟୁ ମାମଲାରେ ତଦନ୍ତ ପରେ ଏନସିବି ମଙ୍ଗଳବାର ଦିନ ରିୟା ଚକ୍ରବର୍ତୀଙ୍କୁ ଗିରଫ କରିଛି | ଲଗାତାର ୩ ଦିନ ଧରି ଜେରା କରିବା ପରେ ଏନସିବି ରିୟାଙ୍କୁ ଗିରଫ କରିଛି | ଏନସିବି ରବିବାର ଦିନ ରିୟାଙ୍କୁ ୬ ଘଣ୍ଟା ଏବଂ ସୋମବାର ଦିନ ୮ ଘଣ୍ଟା ଜେରା କରିଥିଲା | ଏନସିବି ରିୟାଙ୍କ ସାନ ଭାଇ ଷୌଭିକ ଚକ୍ରବର୍ତୀ, ରାଜପୁତ ହାଉସ ମ୍ୟାନେଜର ସାମୁଏଲ ମୀରାଣ୍ଡ ଓ ସୁଶାନ୍ତଙ୍କ ଜଣେ ବ୍ୟକ୍ତିଗତ ଷ୍ଟାଫ ଡିପିଏସ ସାୱନ୍ତଙ୍କୁ ଆମ୍ନାସାମ୍ନା କରିଥିଲା |

ସୂଚନାଯୋଗ୍ୟ ଯେ, ଏଜେନ୍ସିକୁ ମୋବାଇଲ ଚାଟ ରେକର୍ଡ ଓ ଅନ୍ୟ ଇଲେକ୍ଟ୍ରୋନିକ ଡାଟା ମିଳିଥିଲା ଯେଉଁଥିରେ ପ୍ରତିବନ୍ଧିତ ମାଦକ ଦ୍ରବ୍ୟ କିଣାକିଣିରେ ଏମାନଙ୍କ ହାତ ଥିବା ସାମ୍ନାକୁ ଆସିଥିଲା | ଗତ କିଛି ଦିନ ଧରି ଲଗାତାର ଯାଞ୍ଚ ପରେ ଏନସିବି ଏହି ୩ ଜଣଙ୍କୁ ଗିରଫ କରିଥିଲା |

ଏହା ପୂର୍ବରୁ ପ୍ରବର୍ତନ ନିର୍ଦେଶାଳୟ ଓ ସିବିଆଇ ମଧ୍ୟ ରିୟାଙ୍କୁ ପଚରାଉଚୁରା କରିଥିଲା | ରିୟା କିଛି ଇଣ୍ଟରଭ୍ୟୁରେ କହିଥିଲେ ଯେ, ସେ ନିଜେ କେବେ କୌଣସି ମାଦକ ଦ୍ରବ୍ୟ ସେବନ କରିନାହାନ୍ତି | କିନ୍ତୁ ସୁଶାନ୍ତ ମାଦକ ଦ୍ରବ୍ୟ ସେବନ କରୁଥିବା ସେ ଜୋର କରି କହିଥିଲେ |

ସୂତ୍ର ଅନୁଯାୟୀ, ମଙ୍ଗଳବାର ଦିନ ରିୟା ସ୍ୱୀକାର କରିଥିଲେ ଯେ ସେ ଡ୍ରଗ୍ସ ସେବନ କରୁଥିଲେ | ଏଜେନ୍ସି ଅଞ୍ଜୁ କେଶୱାନି ନାମକ ଜଣେ ବ୍ୟକ୍ତିଙ୍କୁ ମଧ୍ୟ ଗିରଫ କରିଛି | କୈଜନ ଇବ୍ରାହିମଙ୍କୁ ପଚରାଉଚୁରା ସମୟରେ ଅଞ୍ଜୁ କେଶବନିଙ୍କ ନାଁ ସାମ୍ନାକୁ ଆସିଥିଲା | ତାଙ୍କୁ ଆଗରୁ ଗିରଫ କରାଯାଇଥିଲା | ରବିବାର ଦିନ କେଶୱାନିଙ୍କ ଅନେକ ଠିକଣାରେ ଚଢ଼ାଉ କରି କିଛି ମାଦକ ଦ୍ରବ୍ୟ ଓ ନଗଦ ଟଙ୍କା ଜବତ କରିଥିଲା | 

ଏନସିବି ଏହି ମାମଲାରେ ଏବେ ସୁଦ୍ଧା ୯ ଜଣଙ୍କୁ ଗିରଫ କରିଛି | ଏମାନଙ୍କ ମଧ୍ୟରୁ ୭ଜଣ ତଦନ୍ତ ସହ ସିଧାସଳଖ ଜଡିତ ଥିବାବେଳେ ଅନ୍ୟ ୨ ଜଣ ଏନ୍ଡ଼ିପିଏସ ଆଇନ ଧାରା ଅନୁଯାୟୀ ତଦନ୍ତ ଆରମ୍ଭ ହେବାପରେ ଗିରଫ ହୋଇଥିଲେ |

   Related Posts