ସୁନ୍ଦରଗଡ ୭।୬: ଗତ ୨୪ ଘଣ୍ଟା ମଧ୍ୟରେ ସୁନ୍ଦରଗଡ ଜିଲ୍ଲାରେ ସର୍ବାଧିକ ୧୮ ପଜିଟିଭ୍ ଚିହ୍ନଟ ହୋଇଛନ୍ତି । ଏମାନଙ୍କ ମଧ୍ୟରୁ ୨ ଜଣ ରାଉରକେଲା ସରକାରୀ ଡାକ୍ତରଖାନାର ମେଡିକାଲ ଷ୍ଟାଫ୍ ଥିବା ବେଳେ ୬ ଜଣ ରାଉରକେଲା ଜେଲ୍ର ଅନ୍ତେବାସୀ ରହିଛନ୍ତି ।
ରାଉରକେଲା ସରକାରୀ ଡାକ୍ତରଖାନାର ୨ ଜଣ ମେଡିକାଲ ଷ୍ଟାଫ୍ କୋଭିଡ୍ ଡ୍ୟୁଟିରେ ନିୟୋଜିତ ଥିଲେ । ସେମାନେ କରୋନା ପଜିଟିଭ୍ ଚିହ୍ନଟ ହେବାପରେ ଏବେ ସେମାନଙ୍କ କଣ୍ଟାକ୍ଟ ଟ୍ରେସିଂ ଚାଲିଛି । ରାଉରକେଲା ସରକାରୀ ଡାକ୍ତରଖାନାକୁ ସାନିଟାଇଜ୍ କରାଯାଉଛି ।
ସେପଟେ ରାଉରକେଲା ସବ୍ ଜେଲ୍ର ୬ ଜଣ ଅନ୍ତେବାସୀ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଏମାନେ ରାଉରକେଲା ସ୍ବତନ୍ତ୍ର ଜେଲ୍ରେ କ୍ବାରାଣ୍ଟାଇନ୍ରେ ଥିଲେ ।
ସୁନ୍ଦରଗଡରେ ଚିହ୍ନଟ ହୋଇଥିବା ୧୮ ପଜିଟିଭ୍ କେସ୍ ଭିତରୁ ୧୫ ଜଣ ପୁରୁଷ ଏବଂ ୩ ଜଣ ମହିଳା । ଏମାନଙ୍କ ଭିତରୁ ୧୪ ଜଣ କ୍ବାରେଣ୍ଟାଇନ୍ ସେଣ୍ଟରର ହୋଇଥିବା ବେଳେ ୨ ଜଣ ହୋମ୍ କ୍ବାରେଣ୍ଟାଇନ୍ ଏବଂ ୨ ଜଣ ଲୋକାଲ୍ କଣ୍ଟାକ୍ଟ ରହିଛନ୍ତି ।
wp:html/wp:htmlQuick correction, TMC quarantine figure is 14 pic.twitter.com/vQaTTFvwvW
— District Sundargarh (@DMSundargarh) June 7, 2020