Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରିଟେନ୍‌ ପରେ ଆଉ ଗୋଟିଏ ଦେଶ କଲା ବଡ଼ ଘୋଷଣା, ଆସନ୍ତା ସପ୍ତାହରୁ ଆରମ୍ଭ ହେବ ଟିକାକରଣ
  • ||
  • କମୁଛି ସଂକ୍ରମଣ, ଲୋକଙ୍କ ମନରୁ ଦୂର ହେଉଛି କରୋନା ଭୟ, ଆଉ ୬୬୦ ସଂକ୍ରମିତ ହେଲେ ଆରୋଗ୍ୟ
  • ||
  • ସମ୍ମାନ ରଖିଲା ଭାରତ, ଶେଷ ଦିନିକିଆରେ କଙ୍ଗାରକୁ ୧୩ ରନରେ ଦେଲା ମାତ୍, ୨-୧ରେ ସିରିଜ୍ ଜିତିଲା ଅଷ୍ଟ୍ରେଲିଆ
  • ||
  • ମାଲକାନଗିରି : ଶବ ସତ୍କାର ପାଇଁ ଗାଁ ମଶାଣୀରେ ମିଳୁନି ଜାଗା, ୨୪ ଘଣ୍ଟା ହେଲା ଗାଁ ଦାଣ୍ଡରେ ପଡିଛି ମୃତଦେହ
  • ||
  • ଜୟପୁର : ଆତ୍ମସମର୍ପଣ କଲେ ମହିଳା ମାଓବାଦୀ, ହାର୍ଡକୋର ମାଓବାଦୀ ରାମକ୍ରିଷ୍ଣାର ଥିଲା ଅଙ୍ଗରକ୍ଷୀ
  • ||
  • ଭୁବନେଶ୍ବର : ୧୧୨ ଡାଏଲ କରନ୍ତୁ, ମିଳିବ ସବୁ ଜରୁରୀ ସେବା ଓ ସହାୟତା : ନୂଆ ଏକକ ପୋଲିସ ହେଲ୍ପ ଲାଇନ୍ ନମ୍ବର ଘୋଷଣା କଲେ ମୁଖ୍ୟମନ୍ତ୍ରୀ
  • ||
  • କଟକ : ‘ସ୍କୁଲ ଫି’ ଧାର୍ଯ୍ୟ ପାଇଁ ଆଇନ ନାହିଁ’- ହାଇକୋର୍ଟରେ ଏଭଳି ତଥ୍ୟ ରଖିଲେ ସରକାର
  • ||
  • ୩ ଦିନିଆ ରିମାଣ୍ଡରେ ଯିବେ ଅଭୟକାନ୍ତ ପାଠକ: ସ୍ବତନ୍ତ୍ର ଭିଜିଲାନ୍ସ କୋର୍ଟ ଦେଲେ ଅନୁମତି
  • ||
  • ଭୁବନେଶ୍ୱର : କମିଲା କରୋନା ପରୀକ୍ଷା ଦର, ଏଣିକି ୪ଶହ ଟଙ୍କାରେ ହେବ କୋଭିଡ୍ RT-PCR ଟେଷ୍ଟ
  • ||
  • କଳାହାଣ୍ଡି : ଜମିବାଡ଼ି ବିବାଦକୁ ନେଇ ଗୋଷ୍ଠୀ ସଂଘର୍ଷ, ୪ ଆହତ
  • ||

ଦ୍ବାଦଶ ଶ୍ରେଣୀ ଟପ୍ପର ଗଣଦୁଷ୍କର୍ମ ଘଟଣା : ଜଣେ ଗିରଫ, ଅପହରଣରେ ବ୍ୟବହୃତ ଗାଡି ଜବତ

16/09/2018 at 4:39 PM

ମହେନ୍ଦ୍ରଗଡ ୧୬|୯: ହରିଆଣା ମହେନ୍ଦ୍ରଗଡ ଜିଲ୍ଲାର ରାଓ୍ବାରୀ ଅନ୍ତର୍ଗତ କନୈନଠାରେ ହୋଇଥିବା ଦ୍ବାଦଶ ଶ୍ରେଣୀ ଛାତ୍ରୀଙ୍କୁ ଗଣଦୁଷ୍କର୍ମ ଘଟଣାରେ ପୋଲିସ ଜଣଙ୍କୁ ଗିରଫ କରିଛି । ତେବେ ମୁଖ୍ୟ ଅଭିଯୁକ୍ତମାନେ ଏବେବି ଫେରାର ଅଛନ୍ତି ।

ଗିରଫ ବ୍ୟକ୍ତି ହେଲେ ଦୀନ ଦୟାଲ । ସେ ଏକ ଟ୍ୟୁବ୍ଓ୍ବେଲ ସଂସ୍ଥାର ମାଲିକ । ଏହି ଟ୍ୟୁବ୍ଓ୍ବେଲ ସେଣ୍ଟରରେ ଛାତ୍ରୀଙ୍କୁ ଗଣଦୁଷ୍କର୍ମ କରାଯାଇଥିଲା । ସେଥିପାଇଁ ଦୀନ ଦୟାଲଙ୍କୁ ଅପରାଧିକ ଷଡଯନ୍ତ୍ରକାରୀ ଭାବେ ଗିରଫ କରାଯାଇଛି ।

ସୂଚନାଯୋଗ୍ୟ ଯେ, ଏହି ଘଟଣାର ଅଭିଯୁକ୍ତମାନଙ୍କୁ ଧରିବା ପାଇଁ ପୋଲିସ ପକ୍ଷରୁ ୧୦ଟି ସ୍ବତନ୍ତ୍ର ଟିମ୍ ଗଠନ କରାଯାଇଛି । ୩ଜଣ ମୁଖ୍ୟ ଅଭିଯୁକ୍ତଙ୍କ ଫଟୋ ପୋଲିସ ଜାରି କରିଛି । ଅଭିଯୁକ୍ତଙ୍କୁ ଧରାଇଦେବାରେ ସହାୟତା କଲେ ଲକ୍ଷେ ଟଙ୍କା ପୁରସ୍କାର ଦିଆଯିବ ବୋଲି ମଧ୍ୟ ପୋଲିସ ଘୋଷଣା କରିଛି ।

୩ଜଣ ଅଭିଯୁକ୍ତ ହେଲେ ପଙ୍କଜ, ମନୀଷ ଏବଂ ନିଶୁ । ଏମାନଙ୍କ ମଧ୍ୟରୁ ପଙ୍କଜ ଜଣେ ସାମରିକ କର୍ମଚାରୀ ଓ ସେ କୋଟାରେ ଅବସ୍ଥାପିତ ବୋଲି ପୋଲିସ ସ୍ପଷ୍ଟ କରିଛି । ଏହି ଗଣ ଦୁଷ୍କର୍ମ ଘଟଣାରେ ସାମରିକ କର୍ମଚାରୀ ସମ୍ପୃକ୍ତ ବୋଲି ଜଣାପଡିବା ପରେ ଜୟପୁରଠାରେ ଅବସ୍ଥାପିତ ଦକ୍ଷିଣ-ପଶ୍ଚିମ କମାଣ୍ଡର ମୁଖ୍ୟ ଲେଫନାଣ୍ଟ ଜେନେରାଲ ଚେରିସ୍ ମାଥସନ କହିଛନ୍ତି ଯେ, ଅଭିଯୁକ୍ତଙ୍କୁ ଧରିବାରେ ସାମରିକବାହିନୀ ପୋଲିସକୁ ସହଯୋଗ କରିବ । ଏଥିସହ ସାମରିକ ନିୟମ ଅନୁଷ୍ଠାନରେ ସଂପୃକ୍ତ ସାମରିକ କର୍ମଚାରୀଙ୍କ ବିରୋଧରେ ମଧ୍ୟ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।

ଅନ୍ୟପକ୍ଷରେ ଛାତ୍ରୀଙ୍କୁ ଅପହରଣ କରିବା ପରେ ବ୍ୟବହାର ହୋଇଥିବା କାରକୁ ପୋଲିସ ଜବତ କରିଛି । ପୀଡିତାଙ୍କ ଡାକ୍ତରୀ ଚିକିତ୍ସାରେ ଅବହେଳା କରିଥିବା ଅଭିଯୋଗରେ ଦୀନ୍ ଦୟାଲ ହସ୍ପିଟାଲର ଡାକ୍ତରଙ୍କୁ ମଧ୍ୟ ପୋଲିସ ଗିରଫ କରିଛି ।

ଏହି ଦୁଷ୍କର୍ମ ଘଟଣା ପାଇଁ ପିଡୀତାଙ୍କ ପରିବାରକୁ ଦିଆଯାଇଥିବା କ୍ଷତିପୂରଣ ଚେକକୁ ପିଡୀତାଙ୍କ ମା ଆଜି ଫେରାଇ ଦେଇଛନ୍ତି । ସେ କହିଛନ୍ତି ଯେ, ନ୍ୟାୟ ଦରକାର, ପଇସା ନୁହେଁ । ଘଟଣାକୁ ୫ଦିନ ବିତି ଯାଇଥିଲେ ମଧ୍ୟ ଏଯାଏଁ ଅଭିଯୁକ୍ତମାନଙ୍କୁ ପୋଲିସ ଧରିନପାରିବା ନେଇ ଅସନ୍ତୋଷ ପ୍ରକାଶ କରିଛନ୍ତି ।

ସୂଚନାଯୋଗ୍ୟ ଯେ ଦ୍ବାଦଶ ଶ୍ରେଣୀରେ ଟପ୍ପର ହୋଇ ସରକାରଙ୍କ ଦ୍ବାରା ସମ୍ବର୍ଦ୍ଧିତ ହୋଇଥିବା ଛାତ୍ରୀ କନୈନ ବସଷ୍ଟପରେ ଠିଆ ହୋଇଥିବାବେଳେ ତାଙ୍କୁ ଅପହରଣ କରିନେଇଥିଲେ ୩ ଦୁର୍ବୃତ୍ତ । ଏମାନେ ଛାତ୍ରୀଙ୍କୁ ନିଶା ଦେଇ ଗଣଦୁଷ୍କର୍ମ କରିଥିଲେ । ପରେ ପୁଣି କନୈନ ବସଷ୍ଟପରେ ଛାଡିଦେଇ ଚାଲିଯାଇଥିଲେ ।
ଛାତ୍ରୀଙ୍କୁ ଦୁଷ୍କର୍ମ ନେଇ ହରିଆଣା ରାଜନୀତି ମଧ୍ୟ ସରଗରମ ହୋଇଉଠିଛି । ବିରୋଧୀ ମୁଖ୍ୟମନ୍ତ୍ରୀଙ୍କ ଇସ୍ତଫା ଦାବି କରିଛନ୍ତି ।

   Related Posts