Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ପରଲୋକରେ ବରିଷ୍ଠ ଅଭିନେତା ରବି ମିଶ୍ର
  • ||
  • ସାଲେପୁର : ସାଲେପୁରରେ ନାବାଳିକାଙ୍କୁ ଦୁଷ୍କର୍ମ ଅଭିଯୋଗ
  • ||
  • ଝାରସୁଗୁଡା : ପ୍ରେମୀଯୁଗଳଙ୍କ ଆତ୍ମହତ୍ୟା ଘଟଣା , ଚିକିତ୍ସାଧିନ ଅବସ୍ଥାରେ ପ୍ରେମିକାଙ୍କ ମୃତ୍ୟୁ, ପୂର୍ବରୁ ଜୀବନ ହାରିଥିଲେ ପ୍ରେମିକ
  • ||
  • ବ୍ରହ୍ମପୁର : ଗୁଳି ମାଡରେ ବେଗୁନିଆପଡା ବ୍ଲକ୍ ପୂର୍ବତନ ଅଧ୍ୟକ୍ଷ ଦେବେନ୍ଦ୍ର ସାହୁଙ୍କ ମୃତ୍ୟୁ
  • ||
  • କଳାହାଣ୍ଡି : ୧୦ଲକ୍ଷ ଟଙ୍କାର ବାଘ ଛାଲ ଜବତ, ୨ ଗିରଫ
  • ||
  • ୨ଦିନରେ ଦୁଇ ଜୀବନ : ଢେଙ୍କାନାଳରେ ହାତୀ ଆକ୍ରମଣରେ ପୁଣି ଜଣେ ମୃତ
  • ||
  • ଭାରସାମ୍ୟ ହରାଇ କାର୍‌-ଟାଟା ମ୍ୟାଜିକ ଉପରେ ଓଲଟିଲା ଟ୍ରକ, ଚାଲିଗଲା ୧୩ଜଣଙ୍କ ଜୀବନ
  • ||

ଏଇମାନେ କେବେ ହୋଇଥିଲେ ନିର୍ଯ୍ୟାତନାର ଶିକାର : ନବୀନଙ୍କଠୁ ପ୍ରତିଶୋଧ ନେବାକୁ ଏବେ ଓହ୍ଲାଇଛନ୍ତି ନିର୍ବାଚନୀ ମଇଦାନକୁ

24/03/2019 at 3:37 PM

ଭୁବନେଶ୍ବର ୨୪|୩ (ମିହିର ରଂଜନ ଆଚାର୍ଯ୍ୟ) : ୨୦୧୯  ନିର୍ବାଚନର ଏବେ ଗୋଟିଏ ଫର୍ମୁଲା ଜଳଜଳ ହୋଇ ଦିଶୁଛି, ତାହା ହେଉଛି ପ୍ରତିଶୋଧ । ଅଧିକାଂଶ ବ୍ୟକ୍ତି ଏବେ ଏହି ମହାଭାରତରେ ଖାସ୍‌ ପ୍ରତିଶୋଧ ନେବା ଲାଗି ମୈଦାନରେ ପହଞ୍ଚିଛନ୍ତି। ଆଉ ଏହି ପ୍ରତିଶୋଧର ସବୁ ତୀର ବିଜେଡି ଆଡ଼େ ଯାଉଛି।

ପ୍ରତିଶୋଧ ନିଆଁରେ ଜଳୁଥିଲେ ଆଉ ଏବେ ମଉକା ଦେଖି ଆସିଛନ୍ତି ୧୯ ମହାଭାରତରେ ସାମିଲ ହୋଇଛନ୍ତି। ରଥାରୁଢ଼ ହୋଇ ଏବେ ନେବେ ପ୍ରତିଶୋଧ। ଦୀର୍ଘ ଦିନ ତଳୁ ମିଳିଥିବା ଅପମାନର ଘାକୁ ଏମାନେ ଲୁଚାଇ ରଖିଥିଲେ କିନ୍ତୁ ଏବେ ଏମାନେ ପ୍ରତିଶୋଧ ପାଇଁ ପହଞ୍ଚିଛନ୍ତି। ଏହି ନେତାମାନଙ୍କ ତାଲିକାରେ ପ୍ରଥମେ ତ ଆସିବେ ଦାମ ରାଉତ ।

ନିର୍ବାଚନ ତାରିଖ ଘୋଷଣା ହେବା ପରଠାରୁ ଏହି ବରିଷ୍ଠ ନେତା କହି ବୁଲୁଛନ୍ତି ତାଙ୍କର ଗୋଟିଏ ମିଶନ ନବୀନ ପଟ୍ଟନାୟକଙ୍କୁ ହରାଇବେ। ସେଥିପାଇଁ ବିଜେପୁରରୁ ନବୀନ ପ୍ରାର୍ଥୀ ଘୋଷଣା ହେବା ପରେ ପରେ ଦାମ ପହଞ୍ଚିଯାଇଥିଲେ ବିଜେପୁର । ଏପରିକି ପତ୍ନୀ ବିୟୋଗର ଦୁଃଖକୁ ଅଣ୍ଟିରେ ପୁରେଇ ଦାମ ନିର୍ବାଚନ ମୈଦାନରେ ଗର୍ଜନ କରୁଛନ୍ତି ନବୀନଙ୍କୁ ହରାଇବା ପାଇଁ।

ପ୍ରତିଶୋଧ ନେବା ପାଇଁ ଆଜି ଆଜି ପଦ୍ମ ଧରିବାକୁ ଆସୁଛନ୍ତି ପୂର୍ବତନ ପୋଲିସ ଡିଜି ପ୍ରକାଶ ମିଶ୍ର। ୨୦୧୪ ନିର୍ବାଚନ ବେଳେ ପ୍ରକାଶ ମିଶ୍ର ପୋଲିସ ଡିଜି ଥିଲେ। ଜଣେ ସଫଳ ପୋଲିସ ଅଧିକାରୀ ଭାବେ ପ୍ରକାଶ ମିଶ୍ରଙ୍କ ଦକ୍ଷତା ଉପରେ କେହି ପ୍ରଶ୍ନ କରିପାରିବେନି। କିନ୍ତୁ ରାଜ୍ୟ ସରାକରଙ୍କୁ ତାଙ୍କୁ ଯେଉଁଭଳି ଭାବେ ବିଦା କରିଥିଲେ ବସ ଜଗିବାକୁ ପଠାଇଥିଲେ ଏବେ ପ୍ରକାଶ ତାର ବଦଲା ନେବାକୁ ଆସିଛନ୍ତି ନିର୍ବାଚନ ମୈଦାନକୁ। ସେ କୁଆଡ଼େ କଟକରୁ ଲୋକସଭା ପ୍ରାର୍ଥୀ ହେବେ।

ପ୍ରତିଶୋଧର ତୃତୀୟ ଚେହେରା ବି ଅପରାଜିତା ଷଡ଼ଙ୍ଗୀ ଏକଥା ଅସ୍ବୀକାର କରିହେବନି। ଆଇଏଏସ ଅଧିକାରୀ ଭାବେ ତାଙ୍କର ଦକ୍ଷତାକୁ ସବୁଠାରେ ପ୍ରଶଂସା କରାଯାଇଛି। ତେବେ ସେ ମଧ୍ୟ  ଅତିଷ୍ଠ ହୋଇ କେନ୍ଦ୍ରକୁ ଡେପୁଟେସନରେ ଯାଇଥିଲେ । ଆଉ ଏବେ ଆସିଛନ୍ତି ନିର୍ବାଚନ ମୈଦାନକୁ ।

ଅଶ୍ବିନୀ ପୂଜାହାରୀ, ଭିମସାରର ପୂର୍ବତନ ନିର୍ଦ୍ଦେଶକ। ନିଜ ଡିସିପ୍ଲିନ ପାଇଁ ପ୍ରତିଷ୍ଠା ପାଇଥିବା ଅଶ୍ବିନୀ ପୂଜାହାରୀ କିନ୍ତୁ ନିଜ ପଦରୁ ଯେଉଁଭଳି ଭାବେ ବିଦା ହେଲେ ଏବେ ସେ ସେହି ଅପମାନର ଘାକୁ ନେଇ ନିର୍ବାଚନ ମୈଦାନକୁ ଓହ୍ଲାଇଛନ୍ତି। ପ୍ରଥମେ ସେ ବିଜେପିରେ ଯୋଗ ଦେବେ ବୋଲି ଶୁଣାଯାଉଥିଲା ଏବେ ସେ କଂଗ୍ରେସରେ ଯୋଗ ଦେବେ। ସମ୍ବଲପୁରରୁ ପ୍ରାର୍ଥୀ ହେବେ।

ତାଛଡ଼ା ପ୍ରତିଶୋଧ ପାଇଁ  ଦଳ ଛାଡ଼ିଛନ୍ତି ବହୁ ନେତା ସେମାନଙ୍କ ନାଁ ଗୋଟିଏ ସ୍ଥାନରେ ତ ନେଇହେବନି। ଯେଉଁମାନଙ୍କୁ ଟିକେଟ ନମିଳୁଛି ସେମାନେ ତୁରନ୍ତ ମହାଭାରତର ଗୋଟିଏ ପକ୍ଷ ଛାଡ଼ି ଅନ୍ୟ ପକ୍ଷରେ ସାମିଲ ହେଉଛନ୍ତି।

ପ୍ରତିଶୋଧର ଏହି ବ୍ୟାଖ୍ୟା ଆଉ ଏକ ନାଁ ନନେଲେ ହୁଏତ ଅଧାର ରହିଯିବ। ଯିଏକି ଦିଲ୍ଲୀ ଯାଇ ବିଜେପି ଟୋପି ପିନ୍ଧି ଉପସଭାପତି ହୋଇଛନ୍ତି। ଆଉ ଏବେ କେନ୍ଦ୍ରାପଡ଼ା ମୈଦାନରୁ ଲମ୍ଫ ପ୍ରଦାନ କରିଛନ୍ତି। ନିଜ କାଟତି ଦେଖାଇବାକୁ। ବୈଜୟନ୍ତ ପଣ୍ଡା। ପୂର୍ବରୁ ସେ ଦଳ ଦମ୍ଭରେ ଜିତିଥିଲେ ନା ନିଜ ଦମ୍ଭରେ ଜିତିଥିଲେ ତାହା ୨୦୧୯ ଫଳାଫଳ କହିବ।

   Related Posts