ବୁଧ ଗ୍ରହ ଫେବୃଆରୀ ୧୭ ତାରିଖରୁ କୁମ୍ଭରାଶିରେ ବକ୍ର ଗତି କରିବେ। ମାର୍ଚ୍ଚ ୧୦ ତାରିଖରେ ପୁଣି ସିଧା ଚାଲିବାକୁ ଲାଗିବେ। ତେବେ ବୁଧଙ୍କ ଏପରି ଗୋଚରର ପ୍ରଭାବ ସବୁ ରାଶି ଜାତକଙ୍କ ଉପରେ ରହିବ। ଏପ୍ରିଲ ୭ ତାରିଖରେ ବୁଧ ରାଶି ବଦଳାଇ ମୀନରେ ପ୍ରବେଶ କରିବେ। ତେବେ ସେ ପର୍ଯ୍ୟନ୍ତ ଆପଣଙ୍କ ଚନ୍ଦ୍ର ରାଶି ଉପରେ ବୁଧଙ୍କ ପ୍ରଭାବ କିପରି ରହିବ ଆସନ୍ତୁ ଜାଣିବା।
{"id":225290,"width":581,"height":579,"sizeSlug":"large"}ମେଷ : ଏହି ରାଶି ଜାତକଙ୍କ ଲାଗି ଆର୍ଥିକ ପ୍ରସଙ୍ଗରେ ସଫଳତା ମିଳିପାରେ। ମାତୁଳ ପକ୍ଷରୁ କିଛି ଉପହାର ମିଳିପାରେ। ତେବେ ରାସ୍ତାରେ ଯାତାୟାତ ବେଳେ ସାବଧାନତା ଅବଲମ୍ବନ କରନ୍ତୁ।
ବୃଷ : ବୁଧଙ୍କ ଏପରି ଚାଲ ଶେୟାର ବଜାରରେ ନିବେଶରୁ ଭଲ ଲାଭ ଦେଇପାରେ। ଆପଣଙ୍କ କାର୍ଯ୍ୟର ଉଚ୍ଚ ପ୍ରଶଂସା ହେବ। ତେବେ ସ୍ୱାସ୍ଥ୍ୟର ଧ୍ୟାନ ରଖିବା ସହ ଖର୍ଚ୍ଚ ଉପରେ ନିୟନ୍ତ୍ରଣ ରଖନ୍ତୁ। ପରିବାରରେ ଖୁସିର ମାହୋଲ ରହିବ।
ମିଥୁନ : ଆପଣଙ୍କ ଲାଗି ବୁଧ ବକ୍ରିହେବା ଯାତ୍ରାକାରକ ହୋଇପାରେ। ଆପଣଙ୍କ ମାନ ସମ୍ମାନରେ ବୃଦ୍ଧି ହେବା ସହ ଆୟର ନୂଆ ସ୍ରୋତ ଖୋଲିବ।
କର୍କଟ : ଲୋକଙ୍କ ସହ କଥାବାର୍ତ୍ତାରେ ସାବଧାନତା ଅବଲମ୍ବନ କରନ୍ତୁ। କାହାକୁ ଅପଶବ୍ଦ କୁହନ୍ତୁ ନାହିଁ। ଯାନବାହନ ଚଳାଇବା ବେଳେ ସାବଧାନତା ଅବଲମ୍ବନ କରନ୍ତୁ। ନେଣଦେଣରେ ସାବଧାନତା ଅବଲମ୍ବନ କରିବା ସହ କାଗଜପତ୍ର କାମରେ କାହା ପ୍ରତି ଆଖୁମୁଜି ବିଶ୍ୱାସ କରନ୍ତୁ ନାହିଁ।
ସିଂହ : ବୁଧଙ୍କ ପ୍ରଭାବରୁ କାର୍ଯ୍ୟକ୍ଷେତ୍ରରେ ଆପଣଙ୍କୁ ଉତ୍ସାହପ୍ରଦ ଫଳ ମିଳିବ। ନୂଆ ବାହନ ଅଥବା ଅଚଳ ସମ୍ପତ୍ତି କ୍ରୟ କରିବାର ଯୋଗ ସୃଷ୍ଟି ହୋଇଛି। ଦାମ୍ପତ୍ୟ ଜୀବନ ଲାଗି ସମୟ ଅନୁକୂଳ।
କନ୍ୟା : ସ୍ୱାସ୍ଥ୍ୟର ପୁରା ଧ୍ୟାନ ରଖନ୍ତୁ। କାର୍ଯ୍ୟକ୍ଷେତ୍ରରେ ଅଧିକ ପରିଶ୍ରମରୁ ସଫଳତା ମିଳିବାର ଆଶା କରାଯାଏ।
ତୁଳା : ସନ୍ତାନ ସନ୍ତତିଙ୍କ ଲାଗି ଚିନ୍ତାକାରକ ହୋଇପାରେ। ବେପାର ବଣିଜରେ କଡା ପ୍ରତିଦ୍ୱନ୍ଦ୍ୱୀତାର ସମ୍ମୁଖୀନ ହେବାକୁ ପଡିପାରେ। ଇଛା ନଥାଇ ଯାତ୍ରା କରିବାକୁ ପଡିବ। ବାକ୍ ସଞ୍ଜମ ରଖନ୍ତୁ ନଚେତ ବିବାଦୀୟ ପରିସ୍ଥିତି ଉପୁଜିପାରେ।
ବିଛା : କାର୍ଯ୍ୟକ୍ଷେତ୍ରରେ କାମକୁ ନେଇ ଉତ୍ତେଜନାମୂଳକ ପରିସ୍ଥିତିର ସମ୍ମୁଖୀନ ହେବାକୁ ପଡିପାରେ। ବୁଧଙ୍କ ଯୋଗୁ ଦେବା ନେବା ବେଳେ ସତର୍କତା ଅବଲମ୍ବନ କରିବାକୁ ପଡିବ। ଯାନବାହନରେ ତ୍ରୁଟି ଯୋଗୁ ଖର୍ଚ୍ଚାନ୍ତ ହେବାକୁ ପଡିପାରେ। ମାଙ୍କ ସ୍ୱାସ୍ଥ୍ୟକୁ ନେଇ ଚିନ୍ତିତ ରହିପାରନ୍ତି।
ଧନୁ : ବୁଧଙ୍କ ବକ୍ରି ହେବା ଆପଣଙ୍କ ପରାକ୍ରମରେ ବୃଦ୍ଧି କରିବ। ସାନ ଭାଇ,ଭଉଣୀଙ୍କ ସହଯୋଗ ପାଇବେ। ଏହି ସମୟରେ ଅଧିକ ପରିଶ୍ରମ ପଡିବ ଓ ସେହି ଅନୁସାରେ ଆୟରେ ମଧ୍ୟ ବୃଦ୍ଧି ହେବ। ଯଦି ଆପଣ ପାଠ ପଢୁଛନ୍ତି ପରୀକ୍ଷାରେ ନିଶ୍ଚିତ ସଫଳ ହେବେ।
ମକର : ସ୍ୱାସ୍ଥ୍ୟ ଉପରେ ପ୍ରତିକୂଳ ପ୍ରଭାବ ପଡିବାର ସମ୍ଭାବନା ରହିଛି। ବାକ୍ ସଞ୍ଜମତା ରକ୍ଷା କରନ୍ତୁ। ଧନହାନୀର ସମ୍ଭାବନା ରହିଛି। କୌଣସି ଅନୈପଚାରିକ ସ୍ରୋତରୁ ଧନାଗମର ସୂଚନା ମିଳେ।
କୁମ୍ଭ :ରାଶିରେ ବୁଧ ବକ୍ରି ହେଉଥିବାରୁ ଜାତକଙ୍କୁ ମିଶ୍ରିତ ଫଳ ମିଳିବ। କାର୍ଯ୍ୟରେ ବିଳମ୍ବ ହୋଇପାରେ। ବୈବାହିକ ଜୀବନରେ ତାଳମେଳ ରହି ନପାରେ। ସନ୍ତାନକୁ ନେଇ ଚିନ୍ତାରେ ପଡିପାରନ୍ତି। ସ୍ୱାସ୍ଥ୍ୟରେ ମଧ୍ୟ ପ୍ରଭାବ ପଡିବ। ତେବେ ନିବେଶରୁ ଲାଭ ପାଇବେ।
ମିନ : ଧନ ଲାଭର ପ୍ରବଳ ଯୋଗ ଉପୁଜିଛି। ଅଚାନକ ଯାତ୍ରା କରିବାକୁ ପଡିପାରେ। ଚାକିରୀରେ ସ୍ଥାନ ପରିବର୍ତ୍ତନର ଆଶଙ୍କା କରାଯାଉଛି।