ଦେବଗଡ ୧୨।୫: ଦେବଗଡ ସହରରେ ଜଣେ ଅସହାୟ ବ୍ୟକ୍ତି ଗତ କିଛି ଦିନ ହେଲା ଏଣେତେଣେ ଘୁଷୁଡି ଘୁଷୁଡି ବୁଲୁଥିବା ଦେଖିବାକୁ ମିଳିଛି । ତାଙ୍କ ଡାହାଣ ଗୋଡଟି ଭାଙ୍ଗି ଯାଇଛି । ତାଙ୍କର ଏଭଳି ଅସହାୟତା ଦେଖି ନ୍ୟୁଜ୍ ସେଭେନ୍ ରଦେବଗଡ ପ୍ରତିନିଧି ପ୍ରଣବ ଗୁରୁ ତାଙ୍କ ସହ କଥା ହୋଇଥିଲେ ଏବଂ ତାଙ୍କ ପରିଚୟ ଜାଣିବାକୁ ଚେଷ୍ଟା କରିଥିଲେ ।
ଅସହାୟ ବ୍ୟକ୍ତି ଜଣଙ୍କ ତାଙ୍କ ନାମ ସୟଦ ସଲିମୁଦ୍ଦିନ କହିଛନ୍ତି । ତାଙ୍କ ଘର ଯାଜପୁର ଜିଲ୍ଲାର ହାତିଆ ଗୋପାଳପୁର ବୋଲି କହିଛନ୍ତି । ଏହି ବ୍ୟକ୍ତିଙ୍କୁ ଯଦି କେହି ଜାଣିଛନ୍ତି ତେବେ ନ୍ୟୁଜ୍ ସେଭେନ୍ ସହ ଯୋଗାଯୋଗ କରି ତାଙ୍କୁ ତାଙ୍କ ନିଜ ପରିବାର ପାଖରେ ପହଞ୍ଚିବା ପାଇଁ ସହଯୋଗ କରନ୍ତୁ ।