Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାଲିଗୁଡା : ପାରିବାରିକ କଳହ ନେଲା ଜୀବନ, ଚୈତନ୍ୟଙ୍କୁ ମାରିଦେଲେ ବାପା ଓ ୨ ଭାଇ
  • ||
  • ବାଙ୍କୀ : ବାଙ୍କୀ ହୁଳୁହୁଳା ପୋଲ ଉପରେ ପୁଣି ୨ ଫୁଟ ବନ୍ୟା ଜଳ ପ୍ରବାହିତ, ଯାତାୟାତ ବାଧାପ୍ରାପ୍ତ
  • ||
  • ଚାନ୍ଦବାଲି : ଚାନ୍ଦବାଲିର ୪ ପଞ୍ଚାୟତର ୧୦ଗୋଟି ଗାଁ ବନ୍ୟା ଘେରରେ, ୨ଟି ଗାଁ ବାହ୍ୟ ଜଗତରୁ ବିଚ୍ଛିନ୍ନ
  • ||
  • ଓଭରବ୍ରିଜ୍ ଉପରେ ବିରାଟ ଗାତ, ବିପଦସଙ୍କୁଳ ଅବସ୍ଥାରେ ଚଳାଚଳ କରୁଛି ଯାନବାହାନ
  • ||
  • ଚଣ୍ଡିଖୋଲ : ଗ୍ୟାସ୍ ଗାଡି ସହ ବାଇକ୍ ଧକ୍କା : ୨ ଗୁରୁତର, ଜାତୀୟ ରାଜପଥରେ ଗ୍ୟାସ୍ ଲିକ୍
  • ||
  • ମାଟି ଘରେ ଶୋଇଥିଲେ ବୃଦ୍ଧା, ହଠାତ ମାଡି ବସିଲା କାନ୍ଥ
  • ||
  • ଭୁବନେଶ୍ବର : ସିଲ୍ ହେଲା ଭୁବନେଶ୍ବର ତହସିଲ୍ ଓ ଉପଜିଲ୍ଲାପାଳ ଅଫିସ୍, କରୋନା ପଜିଟିଭ୍ ସଂଖ୍ୟା ବଢିବାରୁ ପଦକ୍ଷେପ
  • ||
  • ପାଟଣାଗଡ : ହାତୀ ଆକ୍ରମଣରେ ଜଣେ ମୃତ, ଜଣେ ଗୁରୁତର
  • ||
  • ମାତିଛନ୍ତି ହାତୀପଲ : ଜଳକ୍ରୀଡା ପରେ ଭାଙ୍ଗୁଛନ୍ତି ଘର, ନଷ୍ଟ କରୁଛନ୍ତି ଫସଲ
  • ||
  • କଟକ : ମୁଣ୍ଡଳୀରେ ବଢିଲା ମହାନଦୀ ଜଳସ୍ତର, ସେପଟେ ନରାଜରେ କାଠଯୋଡି ଜଳସ୍ତର ସାମାନ୍ୟ ବୃଦ୍ଧି
  • ||

ଭାରତରେ TikTok ବ୍ୟାନ୍ ପରେ ୬ ଆରବ ଡଲାରର କ୍ଷତି ସହିବ କମ୍ପାନୀ

4/07/2020 at 12:07 PM

ବେଜିଂ ୪।୭: ଭିଡିଓ ସୋସିଆଲ ମିଡିଆ ଆପ୍ ଟିକଟକ ଭାରତରେ ବ୍ୟାନ୍ ହେବା ପରେ ବାଇଟଡାନ୍ସ ଲିମିଟେଡ୍ କୁ ୬ ଅରବ ବିଲିୟନ ଡଲାରରୁ ଅଧିକ କ୍ଷତି ହେବ ବୋଲି ଆକଳନ କରାଯାଇଛି । ଟିକଟକ ବ୍ୟତୀତ କମ୍ପାନୀର ଅନ୍ୟ ଦୁଇଟି ଆପ୍ ଭିଗୋ ଭିଡିଓ ଏବଂ ହାଲୋକୁ ମଧ୍ୟ ଭାରତରେ ବ୍ୟାନ କରାଯାଇଛି ।

ସୂଚନାଯୋଗ୍ୟ ଯେ, ଭାରତ ସରକାର ସୋମବାର ଦିନ ଚୀନ୍‌ର ମୋଟ୍ ୫୯ଟି ଆପ୍ କୁ ବ୍ୟାନ୍ କରିଛନ୍ତି । ଏଥିରେ ଟିକଟକ, ୱେଗୋ ଭିଡିଓ, ହେଲୋ, ୟୁସି ବ୍ରାଉଜର, ୟୁସି ନ୍ୟୁଜ୍, ଓ୍ବିଚାଟ୍ ଏବଂ ସେୟାର ଚ୍ୟାଟ୍ ଭଳି ଲୋକପ୍ରିୟ ଆପ୍ ସାମିଲ ରହିଛି ।

ଦେଶର ସାର୍ବଭୌମତ୍ବ ତଥା ଅଖଣ୍ଡତା ତଥା ତଥ୍ୟ ସୁରକ୍ଷା ପ୍ରତି ବିପଦ ଥିବାକୁ ଦୃଷ୍ଟିରେ ରଖି ଭାରତ ସରକାର ଏହି ଆପକୁ ବନ୍ଦ କରି ଦେଇଛନ୍ତି । କିନ୍ତୁ ସରକାରଙ୍କ ଏହି ନିଷ୍ପତ୍ତିକୁ ଲଦାଖର ଗାଲଭାନ୍ ଘାଟିରେ ୧୫ ଜୁନ୍ ରେ ଭାରତ ଏବଂ ଚୀନ୍ ମଧ୍ୟରେ ହୋଇଥିବା ହିଂସାତ୍ମକ ବିବାଦ ସହ ଯୋଡାଯାଉଛି । ଏହି ସଂଘର୍ଷରେ ଭାରତୀୟ ସେନାର ୨୦ ଜଣ ସୈନିକ ସହିଦ ହୋଇଥିଲେ । ଚୀନର କାଇଶିନ ଗ୍ଲୋବାଲ ଡଟ୍ କମ୍ ବାଇଟଡାନ୍ସର ଜଣେ ବରିଷ୍ଠ ମ୍ୟାନେଜରଙ୍କ ଉଦ୍ଦେଶ୍ୟରେ କହିଛି ଯେ ୬ ଅରବ ଡଲାରର ଏହି କ୍ଷତି ଭାରତ ଦ୍ବାରା ବ୍ୟାନ୍ ଲଗାଯାଇଥିବା ଅନ୍ୟ ଚାଇନିଜ୍ ଆପ୍ ତୁଳନାରେ ଅଧିକ ହେବାର ସମ୍ଭାବନା ରହିଛି ।

ବାଇଟଡାନ୍ସ ଚୀନ୍ ର ଏକ ଉଦୀୟମାନ ପ୍ରଯୁକ୍ତିବିଦ୍ୟା କମ୍ପାନୀ । ଡାଟା ସୁରକ୍ଷା କାରଣରୁ ଭାରତ ବ୍ୟତୀତ ଏହାକୁ ଅନ୍ୟ କେତେକ ଦେଶରେ ସ୍ଥାନୀୟ ସରକାରଙ୍କ ବିରୋଧର ସମ୍ମୁଖୀନ ହୋଇଛି । ଏହି ରିପୋର୍ଟରେ ଭାରତର ୫୯ଟି ଚାଇନିଜ୍ ଆପ୍ ବ୍ୟାନ୍ କୁ ଅପ୍ରତ୍ୟାଶିତ କୁହାଯାଉଛି । ଏହା ଟିକଟକର ବିଶ୍ବସ୍ତରୀୟ ବିସ୍ତାରକୁ ଏକ ବଡ ଝଟକା ଦେବ ।

   Related Posts