Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କାମେଶ୍ୱର ମନ୍ଦିରରୁ ଚୋରି, ଦାନବାକ୍ସ ଭାଙ୍ଗି ଟଙ୍କା ଲୁଟିନେଲେ ଦୁର୍ବୃତ୍ତ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୩୫୮ କୋଭିଡ୍ ପଜିଟିଭ୍
  • ||
  • ନବୀନ @ ୭୬, ଶୁଭେଚ୍ଛା ଜଣାଇଲେ ପ୍ରଧାନମନ୍ତ୍ରୀ ମୋଦୀ
  • ||
  • ୭୬ ବର୍ଷରେ ପାଦ ଦେଲେ ନବୀନ, କରୋନା ମହାମାରୀ ପାଇଁ ପାଳିବେନି ଜନ୍ମଦିନ
  • ||
  • ଶାରଦୀୟ ଦୁର୍ଗାପୂଜା ଶେଷ, ଶନିବାର ଧରାପୃଷ୍ଠରୁ ବିଦାୟ ନେବେ ମା
  • ||
  • ହାଟରୁ ଫେରୁଥିବା ବେଳେ ବୃଦ୍ଧାଙ୍କୁ ଗଣଦୁଷ୍କର୍ମ, ଘରେ ଛାଡିଦେବେ କହି ଇଜ୍ଜତ ଲୁଟିଲେ ୮ ସଇତାନ
  • ||
  • କଟକ : କଟକରେ ଏନ୍‌କାଉଣ୍ଟର, ଦୁର୍ଦ୍ଦାନ୍ତ ଅପରାଧୀ ରାକେଶ ଆହତ
  • ||

୫୦୦ ଏବଂ ୨୦୦୦ ଟଙ୍କିଆ ନୋଟ୍‌ରୁ ମହାତ୍ମା ଗାନ୍ଧୀଙ୍କ ଫଟୋ ହଟାଇବାକୁ ଦାବି, ପ୍ରଧାନମନ୍ତ୍ରୀ ମୋଦୀଙ୍କୁ ଚିଠି ଲେଖିଲେ କଂଗ୍ରେସ ବିଧାୟକ

7/10/2021 at 8:29 PM

ନୂଆଦିଲ୍ଲୀ ୦୭/୧୦ : କଂଗ୍ରେସର ଜଣେ ବିଧାୟକ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଏକ ଚିଠି ଲେଖିଛନ୍ତି । ଚିଠିରେ ଏଭଳି କିଛି ଲେଖିଛନ୍ତି ଯାହାକୁ ଦେଖିଲେ ଯେ କେହି ବି ଆଶ୍ଚର୍ଯ୍ୟ ହୋଇଯିବେ । ରାଜସ୍ଥାନ ସାନଗଡ୍‌ର କଂଗ୍ରେସ ବିଧାୟକ ଭାରତ ସିଂହ କୁନ୍ଦନପୁର, ମୋଦୀଙ୍କୁ ଚିଠି ଲେଖି କହିଛନ୍ତି, ‘୨୦୧୯ ମସିହା ଜାନୁଆରୀ ମାସରୁ ୨୦୨୦ ମସିହା ଡିସେମ୍ବର ମାସ ମଧ୍ୟରେ ପ୍ରାୟ ୬୧୬ଟି ଭ୍ରଷ୍ଟାଚାର ମାମଲା ରୁଜୁ ହୋଇଛି । ତେଣୁ ଏଭଳି ଭ୍ରଷ୍ଟାଚାର ଶାସନ ମଧ୍ୟରେ ଗାନ୍ଧୀଜୀଙ୍କୁ ଅସମ୍ମାନ କରାନଯାଉ ।’  

ମୋଦୀଙ୍କୁ ଲେଖିଥିବା ଚିଠିରେ ସେ ଆହୁରି ଲେଖିଛନ୍ତି, ‘ଉଚ୍ଚ ମୂଲ୍ୟଯୁକ୍ତ ନୋଟ୍‌ଗୁଡିକରୁ ଗାନ୍ଧୀଜୀଙ୍କ ଫଟୋ ହଟାଯାଉ । ଗାନ୍ଧୀଙ୍କ ଫଟୋ କେବଳ ୫, ୧୦, ୨୦, ୫୦, ୧୦୦ ଏବଂ ୨୦୦ ଟଙ୍କିଆ ନୋଟ୍‌ରେ ରହିବା ଉଚିତ । କାରଣ ଗରିବ ଲୋକମାନେ ଏହି ନୋଟ୍ ଗୁଡିକର ଅଧିକ ବ୍ୟବହାର କରନ୍ତି । ମହାତ୍ମା ଗାନ୍ଧି ଜୀବନ ସାରା କେବଳ ବେସାହାରା ଲୋକମାନଙ୍କ ପାଇଁ କାମ କରୁଥିଲେ । ମୋର କେନ୍ଦ୍ର ସରକାରଙ୍କୁ ପରାମର୍ଶ ଯେ, ଦୟାକରି ଗାନ୍ଧୀଙ୍କ ଫଟୋ ୫୦୦ ଏବଂ ୨୦୦୦ ଟଙ୍କିଆ ନୋଟ୍‌ରେ ନକରନ୍ତୁ ।’

ସେ ଆହୁରି ମଧ୍ୟ କହିଛନ୍ତି, ଗତ ୭୫ ବର୍ଷ ହେଲା ଦେଶର ସବୁ ସ୍ଥାନରେ ଭ୍ରଷ୍ଟାଚାର ଢେର୍‌ ବଢିଛି । ମହାତ୍ମା ଗାନ୍ଧୀ ସତ୍ୟର ପ୍ରତୀକ ଥିଲେ ଏବଂ ତାଙ୍କର ଫଟୋ ୫୦୦ ଏବଂ ୨୦୦୦ ଟଙ୍କିଆ ନୋଟ୍‌ରେ ଛପାଯାଇଥିଲା । କିନ୍ତୁ ଦୁର୍ଭାଗ୍ୟ ଯେ, ବଡ ବଡ ନୋଟ୍‌ରେ ଗାନ୍ଧୀଗୀଙ୍କ ଫଟୋ ରହୁଛି ଯେଉଁଗୁଡିକୁ ଭ୍ରଷ୍ଟାଚାର ଏବଂ ଦୁର୍ନୀତିରେ ବ୍ୟବହାର କରାଯାଉଛି । ସେଥିପାଇଁ ୫ ଶହ ଏବଂ ୨ ହଜାର ଟଙ୍କିଆ ନୋଟ୍‌ରୁ ମହାତ୍ମା ଗାନ୍ଧୀଙ୍କ ଫଟୋକୁ ବାଦ୍‌ ଦିଆଯାଉ ।

   Related Posts