Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୪୨କୁ ବୃଦ୍ଧି
  • ||
  • ରାଜ୍ୟରେ ପୁଣି ବଢିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୪୨୬ କୋଭିଡ୍ ପଜିଟିଭ୍, ୧୨୨୫୨୬୮ରେ ପହଞ୍ଚିଲା ସଂଖ୍ୟା
  • ||
  • କମିବ ତାପମାତ୍ରା, ୨୮ରୁ ବଢିବ ଶୀତ
  • ||
  • ଆଜି ୭୩ ତମ ସାଧାରଣତନ୍ତ୍ର ଦିବସ, କୋଭିଡ କଟକଣାରେ ହେବ ପତାକା ଉତ୍ତୋଳନ
  • ||
  • ଦେଶ ପାଳୁଛି ୭୩ତମ ଗଣତନ୍ତ୍ର ଦିବସ, ରାଜପଥରେ ପ୍ରଦର୍ଶିତ ହେବ ୨୧ ପ୍ରଜ୍ଞାପନ ମେଢ
  • ||

କଟକ ମାଲଗୋଦାମର ହେବ ନବକଳେବର, ବାଧକ ସାଜିଛି ରେଳ ବିଭାଗ !

28/08/2019 at 7:18 PM

କଟକ ୨୮।୮ – କଟକ ମାଲଗୋଦାମର ନବକଳେବର ପାଇଁ ଜିଲ୍ଲା ପ୍ରଶାସନ ପ୍ରସ୍ତାବ ରଖିଛି ।  କିନ୍ତୁ  ରେଳ ବିଭାଗ ପାଖରେ ସମସ୍ୟା ରହିଛି ।  କାରଣ ମାଲଗୋଦାମ ରହିଥିବା ସ୍ଥାନର ପ୍ରାୟ ୮୦ ପ୍ରତିଶତ ରେଳ ବିଭାଗର ଅଛି । ଲିଜ ମିଆଦ ବୃଦ୍ଧି କରିବା ପରିବର୍ତ୍ତେ ଉକ୍ତ ସ୍ଥାନକୁ ନିଜ ଦଖଲରେ ନେବାଲାଗି ରେଳ ବିଭାଗ ତତ୍ପରତା ଦେଖାଇଛି । ଯାହାକୁ ନେଇ ମାମଲା କୋର୍ଟ ପର୍ଯ୍ୟନ୍ତ ମଧ୍ୟ ଯାଇଛି । ଏଭଳି ପରିସ୍ଥିତିରେ ଆପୋଷ ବୁଝାମଣା ଭିତରେ କିପରି ବିବାଦର ସମାଧାନ କରାଯାଇ ପାରିବ ସେଥିଲାଗି ପଦକ୍ଷେପ ନିଆଯିବ ବୋଲି ଜିଲ୍ଲାପାଳ କହିଛନ୍ତି ।

ପ୍ରାୟ ୭୦ ଏକର ପରିମିତ ସ୍ଥାନରେ ରହିଥିବା କଟକ ମାଲଗୋଦାମର ୮୦ ପ୍ରତିଶତ ଜାଗା ହେଉଛି ରେଳ ବିଭାଗର । ରେଳ ବିଭାଗ ଜାଗା ଖାଲି କରିବାକୁ ବ୍ୟବସାୟୀ ସଂଘକୁ ଏକାଧିକାର ନୋଟିସ କରିସାରିଛି । ମାମଲା କୋର୍ଟକୁ ଯାଇଛି । ଏଭଳି ପରିସ୍ଥିତିରେ ମାଲଗୋଦାମର ନବକଳେବର  ନେଇ ଜିଲ୍ଲା ପ୍ରଶାସନର ପ୍ରସ୍ତାବ ଉପରେ ପ୍ରଶ୍ନ ଉଠିବା ସ୍ବାଭାବିକ । ତଥାପି ରେଳବିଭାଗ ସହ ଆଲୋଚନା କରି ଆପୋଷ ବୁଝାମଣା ଦ୍ବାରା ସମାଧାନର ସୂତ୍ର ବାହାର କରାଯିବ ବୋଲି ଜିଲ୍ଲାପାଳ କହିଛନ୍ତି ।

କଟକ ମାଲଗୋଦାମ କେବଳ ଯେ ଏକ ବ୍ୟବସାୟ କେନ୍ଦ୍ର ତାହା ନୁହେଁ, ଏହା ଶତାଧିକ ଲୋକଙ୍କ  ଗୁଜୁରାଣ ମେଣ୍ଟାଇବାର ମାଧ୍ୟମ । ମାଲଗୋଦାମକୁ ନେଇ କୌଣସି ପ୍ରକାର ଅନିଶ୍ଚିତତା ଦେଖାଦିଏ ତାହେଲେ ଗୋଟେ ବଡ଼ ସମୁଦାୟ ଏହା ଦ୍ବାରା ପ୍ରଭାବିତ ହେବାର ଆଶଙ୍କା ବି ରହିଛି ।

 ପୂର୍ବରୁ ବଣିକ ସଂଘ ମାଲଗୋଦାମ ଜାଗା ବିବାଦକୁ ନେଇ କେନ୍ଦ୍ର ରେଳମନ୍ତ୍ରୀଙ୍କ ହସ୍ତକ୍ଷେପ ଲୋଡିଥିଲା । ସେଠାରୁ ମଧ୍ୟ ଏକ ଅନୁକୂଳ ପ୍ରତିଶ୍ରୁତି ମିଳିଥିବା ଜଣାପଡିଛି ।  ଏସବୁ ଭିତରେ କିନ୍ତୁ କଟକ ମାଲଗୋଦାମ୍‌ର ସମ୍ପ୍ରସାରଣ ଓ ନବୀକରଣ କାର୍ଯ୍ୟ  ନିହାତି ଦରକାର ।

   Related Posts