Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୦୫ କରୋନା ସଂକ୍ରମିତ, ୧୦୫୦୩୫୪ରେ ପହଞ୍ଚିଲା ସଂଖ୍ୟା
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୩କୁ ବୃଦ୍ଧି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୧୧ ମୃତ
  • ||
  • ଗୁଜୁରାଟରେ ଓମିକ୍ରନ ଗଞ୍ଜାମକୁ ବିପଦ : ବଢିବ ସଂକ୍ରମଣ ! ସତର୍କ କଲା ପ୍ରଶାସନ
  • ||
  • ଡ୍ରାଇଭରଙ୍କୁ ମାଗିଲେ ଲାଞ୍ଚ, ନଦେବାରୁ ଆକ୍ରମଣ କରି କଲେ ଲହୁଲୁହାଣ
  • ||
  • ଆଉ ବର୍ଷା ନାହିଁ, ବଦଳିବ ପାଗ : ୧୧ରୁ କମିଯିବ ଶୀତ
  • ||
  • ଆସୁଛନ୍ତି ପୁଟିନ : ମୋଦୀଙ୍କୁ ଭେଟିବେ, ବହୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ହେବ ଆଲୋଚନା
  • ||

କରୋନା ରୋଗୀଙ୍କ ଚିକିତ୍ସା ପାଇଁ ଆମେରିକାରେ ରେମଡେସିଭିରକୁ ମିଳିଲା ମଞ୍ଜୁରୀ

24/10/2020 at 11:52 AM

ଓ୍ବାଶିଂଟନ୍ ୨୪/୧୦: ଆମେରିକାର ଫୁଡ୍ ଆଣ୍ଡ ଡ୍ରଗ୍ ଆଡମିନିଷ୍ଟେ୍ରସନ (ଏଫଡିଏ) କରୋନା ଭାଇରସ ଚିକିତ୍ସା ପାଇଁ ଆଣ୍ଟିଭାଇରାଲ ଡ୍ରଗ ରେମଡେସିଭିରକୁ ପୂରାପୂରି ମଞ୍ଜୁରୀ ପ୍ରଦାନ କରିଛି। ପ୍ରଥମେ ଏହି ଔଷଧକୁ କେବଳ କୋଭିଡ-୧୯ରେ ପୀଡ଼ିତ ଗମ୍ଭୀର ରୋଗୀଙ୍କ ଇମରଜେନ୍ସି ବ୍ୟବହାର ପାଇଁ ଅନୁମତି ମିଳିଥିଲା। ମାତ୍ର ଏବେ ହସପିଟାଲରେ ଭର୍ତି ସମସ୍ତ ସଂକ୍ରମିତ ରୋଗୀଙ୍କୁ ଦେବା ପାଇଁ ମଞ୍ଜୁରୀ ମିଳିଛି। ଏହି ଔଷଧ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ ମଧ୍ୟ ଦିଆଯାଇଥିଲା। କାରଣ ସେତେବେଳେ ସେ କରୋନାରେ ଚିକିତ୍ସିତ ହେଉଥିଲେ।

ଆମେରିକା ଏଫଡିଏ ଦ୍ବାରା ମିଳିଥିବା ମଞ୍ଜୁରୀ ଏଥିପାଇଁ ଗୁରୁତ୍ବପୂଣ୍ଣ କାରଣ ପାଞ୍ଚ ଦିନ ତଳେ ବିଶ୍ବ ସ୍ବାସ୍ଥ୍ୟ ସଂଗଠନ ଏହି ଔଷଧ ଉପରେ ପ୍ରଶ୍ନ ଉଠାଇ ଥିଲା। ବିଣ୍ବ ସ୍ବାସ୍ଥ୍ୟ ସଂଗଠନର ସଲିଡରିଟି ଟ୍ରାଏଲର ଉଦ୍ଦେଶ୍ୟ ଥିଲା ଯେ ଚାରିଟି ଔଷଧ କରୋନା ଭାଇରସ ଉପଚାର ଦିଗରେ କେତେ ପ୍ରଭାବି। ପରୀକ୍ଷଣରୁ ଜଣାପଡ଼ିଲା ଟ୍ରାଏଲ ସମୟରେ ବ୍ୟବହୃତ ହୋଥିବା ରେମଡେସିଭିର, ହାଇଡ୍ରୋକ୍ସିକ୍ଲୋରୋକ୍ବିନ, ଲୋପିନାଭିର/ରେଟାନିଭର ଓ ଇଣ୍ଟରଫେରାନର କୋଭିଡ ରୋଗୀଙ୍କ ଉପରେ କମ୍ ପ୍ରଭାବ ଓ ବିଲକୁଲ ପ୍ରଭାବି ନ ଥିଲା।

ନାସନାଲ ଇନଷ୍ଟିଚ୍ୟୁଟ ଅଫ ହେଲଥ ଷ୍ଟଡିରେ ଦେଖାଯାଇଛି ଯେ ଏହା କରୋନା ରୋଗୀଙ୍କ ହସପିଟାଲରେ ରହିବା ସମୟକୁ କମ୍ କରୁଛି। ଏଫଡିଏ କହିଛି ୧୨ ବର୍ଷରୁ ଅଧିକ ବୟସ୍କ କେରାନା ରୋଗୀ ହସପିଟାଲରେ ଚିକିତ୍ସିତ ହେଉ ଥିଲେ ରେମଡେସିଭିରକୁ ବ୍ୟବହାର କରାଯାଇପାରିବ।

Gilead sciences ଇବୋଲା ଚିକିତ୍ସାରେ ଏହାକୁ ବିକଶିତ କରିଥିଲା। ଏବେ କିନ୍ତୁ କରୋନା କ୍ଷେତ୍ରରେ ପ୍ରଭାବି ହେବାରୁ ଏହାକୁ ବ୍ୟବହାର କରାଯାଉଛି। ମେ ମାସରେ ଦୁଇଟି ଅଧ୍ୟୟନରେ ଦେଖାଯାଇଥିଲା ଯେ ରେମଡେସିଭିରରୁ ହସପିଟାଲରେ ରୋଗୀଙ୍କ ରହିବା ସମୟ କମ ହୋଇଯାଏ । ଏହା ପରେ ଏଫଡିଏ ଇମରେଜନ୍ସି ଡ୍ରଗରେ ବ୍ୟବହାର କରିବା ଅନୁମତି ଦେଇଥିଲା।

   Related Posts