Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଫୁଟବଲର ଡିଏଗୋ ମାରାଡୋନାଙ୍କ ପରଲୋକ, ୩ ଦିନ ପୂର୍ବେ ପାଳିଥିଲେ ୬୦ତମ ଜୟନ୍ତୀ
  • ||
  • ଦୈନିକ ଆକ୍ରାନ୍ତ ତୂଳନାରେ ଆଜି କମିଲା ସୁସ୍ଥ ସଂଖ୍ୟା, ୨୪ ଘଣ୍ଟାରେ କରୋନାରୁ ଆରୋଗ୍ୟ ହେଲେ ୭୨୮
  • ||
  • ଯୋଡାମୁଣ୍ଡ ଶିଶୁ କାଳିଆର ମୃତ୍ୟୁ, ଏସସିବିରେ ଦୀର୍ଘ ଦିନ ଧରି ଥିଲେ ଚିକିତ୍ସାଧୀନ, ସୁସ୍ଥ ଅଛି ଜଗା
  • ||
  • ପରିବାର ପାଇଁ ଏତିକି ସମ୍ପତ୍ତି ଛାଡି ଯାଇଛନ୍ତି କଂଗ୍ରେସର ଚାଣକ୍ୟ ଅହମଦ ପଟେଲ
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୬ କରୋନା ସଂକ୍ରମିତ ପ୍ରାଣ ହରାଇଲେ, ମୃତକଙ୍କ ସଂଖ୍ୟା ୧୬୮୭ରେ ପହଞ୍ଚିଲା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୭୩୦ କରୋନା ସଂକ୍ରମିତ, ୩୧୬୦୦୧ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

ଘର କିଣୁଥିବା ଲୋକଙ୍କ ପାଇଁ ବଡ ଖବର : ଜିଏସଟି କାଉନସିଲ ବୈଠକରେ ସରକାରଙ୍କ ବଡ ଘୋଷଣା

24/02/2019 at 7:29 PM

ଦିଲ୍ଲୀ ୨୪/୨ : କେନ୍ଦ୍ର ସରକାର ଲୋକସଭା ନିର୍ବାଚନ ପୂର୍ବରୁ ଘର କିଣୁଥିବା ବ୍ୟକ୍ତିଙ୍କ ପାଇଁ ଏକ ବଡ ଘୋଷଣା କରିଛନ୍ତି | ସରକାର କିଛି ଦିନ ହେଲା ଜିଏସଟି କାଉନସିଲ ବୈଠକରେ ଘର କିଣାକୁ ନେଇ ଏକ ବଡ ଉପହାର ଦେବେ ବୋଲି ସଂକେତ ଦେଇଥିଲେ | ଆଜି ବସିଥିଲା ଜିଏସଟି କାଉନସିଲ ବୈଠକ | ବୈଠକରେ ଜିଏସଟି କାଉନସିଲ ନିର୍ମାଣାଧୀନ ପରିଯୋଜନାରେ ଘର ଉପରେ ଜିଏସଟି ଦର ୧୨ ପ୍ରତିଶତ ହ୍ରାସ କରି ୫ ପ୍ରତିଶତ କରିଛନ୍ତି | ଏହାଛଡା ଘର କିଣୁଥିବା ଲୋକଙ୍କ ପାଇଁ ମଧ୍ୟ ଜିଏସଟି ହ୍ରାସ କରାଯାଇଛି | କମ ଦରର ଘର ଉପରେ ଜିଏସଟି ୮ ପ୍ରତିଶତରୁ ହ୍ରାସ କରି ୧ ପ୍ରତିଶତ କରିଦିଆଯାଇଛି |


ଅର୍ଥମନ୍ତ୍ରୀ ଅରୁଣ ଜେଟଲୀ କହିଛନ୍ତି ଯେ, ଏବେ ଶସ୍ତା ଘର ଉପରେ ଜିଏସଟି ଦର ବିନା ଟ୍ୟାକ୍ସ ଇନପୁଟ କ୍ରେଡିଟର ୮ ପ୍ରତିଶତ ହ୍ରାସ କରାଯାଇ ୧ ପ୍ରତିଶତ କରାଯାଇଛି |


ଜିଏସଟି କାଉନସିଲ ବୈଠକରେ ଶସ୍ତା ଘରର ପରିଭାଷା ମଧ୍ୟ ନିର୍ଦ୍ଧାରଣ କରାଯାଇଛି | ମହାନଗରରେ ୪୫ ଲକ୍ଷ ଟଙ୍କା ପର୍ଯ୍ୟନ୍ତ ଘର ଏବଂ ୬୦ ବର୍ଗ ମିଟର କ୍ଷେତ୍ର ବିଶିଷ୍ଟ ଘର ଏହି ଶ୍ରେଣୀ ଅନ୍ତର୍ଭୁକ୍ତ | ଏହିଭଳି ସହରମାନଙ୍କରେ ୯୦ ବର୍ଗ ମିଟର ବିଶିଷ୍ଟ ଘର ଏହି ଶ୍ରେଣୀ ଅନ୍ତର୍ଭୁକ୍ତ | ଅବଶିଷ୍ଟ ବର୍ଗ ପାଇଁ ଜିଏସଟି ଦର ଏପ୍ରିଲ ୧ ତାରିଖରୁ ଲାଗୁ ହେବ |
ଅରୁଣ ଜେଟଲୀ କହିଛନ୍ତି ଯେ, ଜିଏସଟି ଦରରେ ହ୍ରାସ କରାଯିବା ନିଷ୍ପତ୍ତି ନିଶ୍ଚିତ ରୂପେ ଘର ନିର୍ମାଣ କ୍ଷେତ୍ରରେ ଲୋକଙ୍କୁ ଲାଭ ପ୍ରଦାନ କରିବ | ଲଟେରୀ ଉପରେ ଜିଏସଟି ସମ୍ବନ୍ଧୀୟ ଅନ୍ୟାନ୍ୟ ନିଷ୍ପତ୍ତି ସ୍ଥଗିତ ରଖାଯାଇଛି |

ଏଥିପାଇଁ ପୁଣିଥରେ ମନ୍ତ୍ରୀମାନଙ୍କ ସହ ବୈଠକ ହେବ | ଏବେ ରାଜ୍ୟ ସରକାରଙ୍କ ଦ୍ୱାରା ସଞ୍ଚାଳିତ ଲଟେରୀ ଯୋଜନା ଉପରେ ୧୨ ପ୍ରତିଶତ ଏବଂ ରାଜ୍ୟ ସରକାର ଦ୍ୱାରା ଅଧିକୃତ ଲଟେରୀ ଉପରେ ୨୮ ପ୍ରତିଶତ ଜିଏସଟି ଲାଗୁ କରାଯିବ | ରିୟଲ ଇଷ୍ଟେଟ ସେକ୍ଟର ଗତ କିଛି ବର୍ଷ ହେଲା ମାନ୍ଦା ଚାଲିଛି | ଯେଉଁଥିପାଇଁ ସରକାର ଜିଏସଟିରେ ହ୍ରାସ କରିଛନ୍ତି | ଜିଏସଟି ପରିଷଦ ଗୁଜରାଟର ଉପମୁଖ୍ୟମନ୍ତ୍ରୀ ନିତିନ ପଟେଲଙ୍କ ଅଧ୍ୟକ୍ଷତାରେ ରିୟଲ ଇଷ୍ଟେଟ କ୍ଷେତ୍ର ପାଇଁ ମନ୍ତ୍ରୀମାନଙ୍କ ସହ ବୈଠକ କରିଥିଲା |

   Related Posts