Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମାତ୍ର ୬୦ ସେକେଣ୍ଡରେ ଜଣାପଡିବ ଶରୀରର ରକ୍ତ ସର୍କରା, ଛୁଞ୍ଚିର ଭୟ ରହିବନି… ଆସିଗଲା ନୂଆ ମେସିନ୍
  • ||
  • ଖଲ୍ଲିକୋଟ : ପଞ୍ଚାୟତ ନିର୍ବାଚନ ପାଇଁ ଗଞ୍ଜାମ ଜିଲ୍ଲାର ଚୂଡାନ୍ତ ପ୍ରାର୍ଥୀ ତାଲିକା ପ୍ରକାଶ, ମୈଦାନରେ ୧୩ ହଜାର ୬୭୫ ପ୍ରାର୍ଥୀ
  • ||
  • ସମ୍ବଲପୁର : ଭୀମସାର ଡାକ୍ତରୀ ଛାତ୍ରୀଙ୍କ ଆତ୍ମହତ୍ୟା ଉଦ୍ୟମ, ଗୋଡ ଭାଙ୍ଗିବା ସହ ଶରୀରରେ ଲାଗିଛି ଆଘାତ
  • ||
  • ଭୁବନେଶ୍ବର : ଜାଲ୍‌ ପ୍ରମାଣପତ୍ର ଦେଇ ୩କୋଟି ୬୮ଲକ୍ଷ ଟଙ୍କା ଠକେଇ ଅଭିଯୋଗ, ପିଏନବି ପୂର୍ବତନ ମୁଖ୍ୟ ପରିଚାଳକ ସମେତ ୩ ଗିରଫ
  • ||
  • ଭୁବନେଶ୍ବର : କୋଭିଡ୍‌ର କେବେ ବି ଅନ୍ତ ହେବନାହିଁ : ସ୍ଵାସ୍ଥ୍ୟ ନିର୍ଦ୍ଦେଶକ
  • ||
  • ଭୁବନେଶ୍ବର : ରାଜ୍ୟରେ କରୋନା ସଂକ୍ରମଣ କମିବା ନେଇ ମିଳିଲାଣି ସଂକେତ : SRC
  • ||
  • ପୁରୀ : ମହିଳାଙ୍କ ଅଶ୍ଳୀଳ ଫଟୋ ଓ ଭିଡିଓ ଭାଇରାଲ୍ ପଡିଲା ମହଙ୍ଗା, ଅଭିଯୁକ୍ତ ଗିରଫ
  • ||
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୪୨କୁ ବୃଦ୍ଧି
  • ||
  • ରାଜ୍ୟରେ ପୁଣି ବଢିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୪୨୬ କୋଭିଡ୍ ପଜିଟିଭ୍, ୧୨୨୫୨୬୮ରେ ପହଞ୍ଚିଲା ସଂଖ୍ୟା
  • ||
  • କମିବ ତାପମାତ୍ରା, ୨୮ରୁ ବଢିବ ଶୀତ
  • ||

କରୋନା ମାଡ: ୩୦ ହଜାରରୁ କମ ବେତନ ପାଉଥିବା କର୍ମଚାରୀଙ୍କୁ ମାସକୁ ଦୁଇ ଥର ଦରମା ଦେବ ରିଲାୟନ୍ସ

25/03/2020 at 3:50 PM

ନୂଆଦିଲ୍ଲୀ ୨୫।୦୩:  କରୋନା ଭୂତାଣୁର ପ୍ରକୋପର ପ୍ରତିରୋଧ ପାଇଁ ବୁଧବାରଠୁ ସମଗ୍ର ଦେଶବ୍ୟାପୀ ୨୧ ଦିନିଆ ଲକଡାଉନ ଆରମ୍ଭ ହୋଇଛି। ଏହାକୁ ଦୃଷ୍ଟିରେ ରଖି ରିଲାୟନ୍ସ ଇଣ୍ଡଷ୍ଟ୍ରୀ ଅନେକ ବଡ ଘୋଷଣା କରିଛି। ଏଥିରୁ ଗୋଟିଏ ଘୋଷଣା ସେହି କର୍ମଚାରୀଙ୍କ ସହିତ ଜଡିତ ରହିଛି ଯାହାଙ୍କର ମାସିକ ଦରମା ୩୦ ହଜାର ଟଙ୍କା ରହିଛି। RIL କହିଛି ଯେ, ୩୦ ହଜାର ଟଙ୍କା ବା ସେଥିରୁ କମ  ବେତନ ପାଉଥିବା କର୍ମଚାରୀଙ୍କୁ ମାସରେ ଦୁଇ ଥରେ ବେତନ ଦିଆଯିବ।

କମ୍ପାନୀ ଦୁଇ ଥର ବୟାନ ଜାରି କହିଛି ଯେ, କମ ଦରମା ପାଉଥିବା ବ୍ୟକ୍ତିଙ୍କୁ ଆର୍ଥିକ ସମସ୍ୟାରୁ ବଞ୍ଚାଇବା ପାଇଁ କମ୍ପାନୀ ଏହି ନିଷ୍ପତ୍ତି ନେଇଛି। ଯାହା ଫଳରେ ମାସର ଦ୍ଵିତୀୟ ସପ୍ତାହ  ମଧ୍ୟରେ ଏହାର କର୍ମଚାରୀଙ୍କୁ ନଗଦ ସମସ୍ୟା ଭୋଗିବାକୁ ନପଡେ। ଯଦି କୌଣସି ଜରୁରୀକାଳୀନ ସ୍ଥିତି ଉପୁଜେ ତେବେ କର୍ମୀଙ୍କ ପାଖରେ ନଗଦ ଅର୍ଥ ଥିବ ଯାହାର ସେ ଉପଯୋଗ କରି ପାରିବେ।

କମ୍ପାନୀ କହିଛି ଯେ, ରିଲାୟନ୍ସ ପରିବାରର ୬ ଲକ୍ଷ ସଦସ୍ୟ କରୋନା ଭାଇରସ ଲଢେଇରେ ସଂପୂର୍ଣ୍ଣ ରୂପେ ପ୍ରସ୍ତୁତ  ଅଛନ୍ତି। ରିଲାୟନ୍ସ ଫାଉଣ୍ଡେସନ  ବିଏମସି ସହିତ ୧୦୦ ଶଯ୍ୟାର ହସ୍ପିଟାଲ ଦେଇଛି। ଏଥିରେ କେବଳ କରୋନା ସଂକ୍ରମିତଙ୍କ ଚିକିତ୍ସା କରାଯାଉଛି। ରିଲାୟନ୍ସ ନିକଟରେ କହିଥିଲା ଯେ, ଲକଡାଉନ କାରଣରୁ ଠିକାରେ କାମ କରୁଥିବା ଏବଂ ଅସ୍ଥାୟୀ ଭାବେ କାମ କରୁଥିବା ଯେଉଁ କର୍ମଚାରୀ କାମକୁ ଯାଇ ପାରୁ ନାହାନ୍ତି ସେମାନଙ୍କର ଦରମା ମଧ୍ୟ ଜାରି ରହିବ। ଏହା  ବ୍ୟତୀତ କମ୍ପାନୀ ରୋଟେସନ ଡ୍ୟୁଟି ଓ ଓ୍ଵାର୍କ ଫ୍ରମ ହୋମର ସୁବିଧା ମଧ୍ୟ ଦେଇଛି।

କରୋନା ଭାଇରସରେ ସମଗ୍ର ଦୁନିଆରେ ଏପର୍ଯ୍ୟନ୍ତ ୧୨ ହଜାରରୁ ଅଧିକ ଲୋକଙ୍କ ପ୍ରାଣହାନୀ ଘଟି ସାରିଛି। ଲକ୍ଷାଧିକ ଲୋକ ସଂକ୍ରମଣର ଶିକାର ହୋଇଛନ୍ତି। ଭାରତରେ ରୋଗୀଙ୍କ ସଂଖ୍ୟା ୫୦୦ ଅତିକ୍ରମ  କରିଥିବା ବେଳେ ୧୧ ଜଣଙ୍କ ମୃତ୍ୟୁ ଘଟିଛି।

   Related Posts