Monday, June 24, 2019

News7

Prameya News7, News7 Odia, Odisha Latest News, Odisha Current Headlines, Odisha News Online

ଜିଓ ଗ୍ରାହକଙ୍କ ପାଇଁ ଖୁସି ଖବର, ୩୯୯ ଟଙ୍କାର ପ୍ଲାନ୍ କେତେ ଟଙ୍କାରେ ମିଳିବ ଜାଣନ୍ତୁ…

ନୂଆଦିଲ୍ଲୀ ୨୨|୧୨: ଗତ ଦୁଇ ବର୍ଷ ମଧ୍ୟରେ ଟେଲିକମ୍ କ୍ଷେତ୍ରରେ ବହୁ ପରିବର୍ତ୍ତନ ହେଉଛି । ରିଲାଏନ୍ସ ଜିଓର ପ୍ରବେଶ ଭାରତର ଟେଲିକମ୍ କ୍ଷେତ୍ରରେ ଇଣ୍ଟରନେଟ୍ ଏବଂ କଲିଂ ପ୍ଲାନ୍ ର ମୂଲ୍ୟ ହ୍ରାସ ପାଇଥିବା ଦେଖିବାକୁ ମିଳିଛି । ଜିଓ କାରଣରୁ ଅନ୍ୟ ଟେଲିକମ୍ କମ୍ପାନୀ ନିଜର ସମସ୍ତ ପୁରୁଣା ମହଙ୍ଗା ପ୍ଲାନ୍ ବନ୍ଦ କରି ଶସ୍ତା ପ୍ଲାନ୍ ଗ୍ରାହକମାନଙ୍କ ପାଇଁ ଉପଲବ୍ଧ କରାଇଛନ୍ତି ।

ଜିଓ ତାର ଗ୍ରାହକମାନଙ୍କୁ ଗତ ୨ବର୍ଷ ମଧ୍ୟରେ ଶସ୍ତା ଅଫର ବ୍ୟତୀତ ମାଗଣା ଅଫର ଏବଂ ସର୍ଭିସ୍ ମଧ୍ୟ ଉପଲବ୍ଧ କରାଇଛି । ଯଦିଓ ଜିଓ ସବୁବେଳ ପାଇଁ ମାଗଣାରେ ଇଣ୍ଟରନେଟ୍ ଏବଂ କଲିଂ ଉପଲବ୍ଧ କରାଇପାରିଥାନ୍ତା ମାତ୍ର ଅନ୍ୟ ଟେଲିକମ୍ କମ୍ପାନୀମାନଙ୍କର ଅଭିଯୋଗ ପରେ ଟ୍ରାଇର ନିର୍ଦ୍ଦେଶ ଅନୁସାରେ ଜିଓକୁ ତାର ମାଗଣା ସର୍ଭିସକୁ ଫେରସ୍ତ ନେବାକୁ ପଡିଥିଲା । ଏହା ସତ୍ତ୍ବେ ଜିଓରୁ ଜିଓକୁ କଲ୍ ନିଶୁଳ୍କ ରହିଛି ।

ଏହା ବ୍ୟତୀତ ଜିଓ ୬୪ କେବିପିଏସର ସ୍ପିଡ୍ ର ଇଣ୍ଟରନେଟ୍ ସର୍ଭିସ୍ କୁ ମଧ୍ୟ ମାଗଣା କରିଛି । ରିଚାର୍ଜ ନକରି ଜିଓ ଗ୍ରାହକ ମାଗଣାରେ ଇଣ୍ଟରନେଟ୍ ଏବଂ କଲିଂର ଫାଇଦା ଉଠାଇପାରିବେ । ଜିଓ ଦ୍ବାରା ଗ୍ରାହକଙ୍କୁ ମାଗଣାରେ ଏକ ବର୍ଷର ଜିଓ ପ୍ରାଇମ୍ ମେମ୍ବରସିପ୍ ଉପଲବ୍ଧ କରାଯାଇଛି । ଏହାକୁ ୩୧ମାର୍ଚ୍ଚ ୨୦୧୯ ପର୍ଯ୍ୟନ୍ତ କୌଣସି ଶୁଳ୍କ ନଦେଇ ଆକ୍ଟିଭେଟ କରାଯାଇପାରିବ ।

ଜିଓ ନିକଟରେ ଗ୍ରାହକମାନଙ୍କ ପାଇଁ କ୍ୟାସବ୍ୟାକ୍ ଅଫର ଆଣିଛି । ଯେଉଁଥିରେ ୩୯୯ ଟଙ୍କାର ପ୍ଲାନ୍ ର ରିଚାର୍ଜ ଉପରେ ୪୦୦ଟଙ୍କାର କ୍ୟାସବ୍ୟାକ୍ ଜିଓ ଦ୍ବାରା ଦିଆଯାଉଛି । ଏହି କ୍ୟାସବ୍ୟାକ୍ ମାଇଁ ଜିଓ ଆପ୍ ରେ ଜିଓ କୁପନ୍ ଆକାରରେ ଦିଆଯିବ । ୮ଟି କୁପନ୍ ଦିଆଯିବ । ପ୍ରତି କୁପନର ମୂଲ୍ୟ ୫୦ ଟଙ୍କା ହେବ । ଯାହାକୁ ଆଗାମୀ ରିଚାର୍ଜରେ ବ୍ୟବହାର କରିପାରିବେ ।

ସେହିଭଳି ଅନ୍ୟ ଅଫରଟିକୁ ଜିଓ ଅନଲାଇନ୍ ରିଚାର୍ଜ ଏବଂ ପେମେଣ୍ଟ ଆପ୍ ଫୋନ୍ ପେ ସହ ବୁଝାମଣାରେ କରିଛି । ଯଦି ୩୯୯ ଅଥବା ତାଠାରୁ ଅଧିକ ମୂଲ୍ୟର ରିଚାର୍ଜ କରିଲେ ଗ୍ରାହକଙ୍କର ୧୦୦ଟଙ୍କା ପର୍ଯ୍ୟନ୍ତ ସଞ୍ଚୟ ହୋଇପାରିବ । ଯେଉଁଥିରେ ରିଚାର୍ଜ କରିବା ଦ୍ବାରା ୫୦ଟଙ୍କାର ରିହାତି ମାଇଁ ଜିଓ ଆପ୍ ମାଧ୍ୟମରେ ଦିଆଯିବ ଏବଂ ୫୦ଟଙ୍କାର କ୍ୟାସବ୍ୟାକ୍ ଫୋନ୍ ପେ ଓ୍ବାଲେଟରେ କ୍ୟାସବ୍ୟାକ୍ ରୂପରେ ଦିଆଯିବ । ଫଳରେ ୩୯୯ ଟଙ୍କାର ପ୍ଲାନ୍‌ର ମୂଲ୍ୟ ୨୯୯ ଟଙ୍କା ହେବ । ଯେଉଁଥିରେ ମାତ୍ର ୧୦୦ଟଙ୍କାରେ ପ୍ରତିମାସରେ ଗ୍ରାହକ ୪୨ଜିବି ଡାଟା ଏବଂ ଅସୀମିତ କଲ୍ କରିବାର ସୁବିଧା ପାଇପାରିବେ ।

1596 Views

   ସମ୍ବନ୍ଧିତ ଖବର