Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଜିଓ,ଏୟାରଟେଲ୍ ଏବଂ ଭୋଡ଼ାଫୋନ୍ ଗ୍ରାହକଙ୍କ ପାଇଁ ଖୁସି ଖବର : ମିଳିବ ୮୪ଜିବିର ହାଇ ସ୍ପିଡ ଇଣ୍ଟରନେଟ୍ ଡାଟା

11/04/2020 at 4:38 PM

ନୂଆଦିଲ୍ଲୀ ୧୧/୪: କରୋନା ଭାଇରସ୍ ଲକଡାଉନ୍ ଯୋଗୁଁ ଲୋକେ ଘରୁ କାମ କରିବାକୁ ବାଧ୍ୟ ହେଉଛନ୍ତି। ଏହି ସମୟରେ ଇଣ୍ଟରନେଟର ବ୍ୟବହାର ମଧ୍ୟ ପୂର୍ବ ଅପେକ୍ଷା ଅଧିକ ହୋଇଯାଇଛି। ଏପରି ପରିସ୍ଥିତିରେ ଯେଉଁମାନଙ୍କ ଘରେ ଓ୍ବାଇ-ଫାଇ କନେକ୍ସନ୍ ନାହିଁ ସେମାନେ ନିଜ ଫୋନରେ ହିଁ ଲାପଟପରେ ଇଣ୍ଟରନେଟ୍ କନେକ୍ଟ କରିପାରିବେ। ଅଫିସରେ କାମ କରିବା ପାଇଁ ଆପଣଙ୍କୁ ଦ୍ରୃତ ସ୍ପିଡ ଏବଂ ଅଧିକ ଡାଟାର ଆବଶ୍ୟକତା ରହିଥାଏ। ଏପରି କ୍ଷେତ୍ରରେ ଆପଣଙ୍କୁ ପ୍ରିପେଡ ପ୍ଲାନର ଅଧିକ ଆବଶ୍ୟକତା ରହିଥାଏ। ଆମେ ଆପଣଙ୍କୁ ରିଲାଏନ୍ସ ଜିଓ,ଏୟାରଟେଲ ଏବଂ ଭୋଡ଼ାଫୋନର ଏପରି ପ୍ଲାନ୍ ବିଷୟରେ କହିବା ଯାହା ୮୪ଜିବି ଡାଟା ଦେଇଥାଏ।

ରିଲାଏନ୍ସ ଜିଓ : କମ୍ପାନୀର ପୋର୍ଟଫୋଲିଓରେ କେବଳ ଏପରି ଏକ ପ୍ଲାନ୍ ରହିଛି ଯାହା ୟୁଜର୍ସଙ୍କୁ ୩ଜିବି ଡାଟା ପ୍ରତିଦିନ ଦେଇଥାଏ। ଏହାର ମୂଲ୍ୟ ୩୪୯ଟଙ୍କା। ଏହି ପ୍ଲାନରେ ୟୁଜର୍ସଙ୍କୁ ପ୍ରତିଦିନ ୩ଜିବି ଡାଟା ସମେତ ଜିଓ ଟୁ ଜିଓ ଅନଲିମିଟେଡ କଲିଂର ସୁବିଧା ମିଳିଥାଏ। ଏହା ସହିତ ଅନ୍ୟ ନେଟଓ୍ବାର୍କରେ କଲ୍ କରିବା ପାଇଁ ୧୦୦୦ ନନଜିଓ ମିନିଟ୍ ମିଳିଥାଏ। ଏହା ବ୍ୟତୀତ ୧୦୦ଟି ଏସଏମଏସ୍ ପ୍ରତିଦିନ ମିଳୁଛି। ଏହା ସହିତ ଜିଓ ଆପର କମ୍ପ୍ଲିମେଣ୍ଟ୍ରି ସବସ୍କ୍ରିପ୍ସନ ମଧ୍ୟ ଦିଆଯାଉଛି। ଏହି ପ୍ଲାନର ବୈଧତା ୨୮ଦିନ।

ଏୟାରଟେଲର ୮୪ଜିବିର ଡାଟା ପ୍ଲାନ୍ : କମ୍ପାନୀ ୩୯୮ଟଙ୍କାର ପ୍ଲାନ୍ ଅଫର କରୁଛି। ଏଥିରେ ୟୁଜର୍ସଙ୍କୁ ୨୮ଦିନର ବୈଧତା ଦିଆଯାଉଛି। ଏହା ସହିତ ୩ଜିବି ଡାଟା ମଧ୍ୟ ଦିଆଯାଉଛି। ଏହା ସହିତ ୧୦୦ଟି ଏସଏମଏସ ପ୍ରତିଦିନ ଏବଂ ଯେକୌଣସି ନେଟଓ୍ବାର୍କକୁ ଅନଲିମିଟେଡ କଲିଂର ସୁବିଧା ଦିଆଯାଉଛି। ଏଥିରେ Airtel Xstream, Hellotunes, Wynk Music, Shaw Academy ଏବଂ FASTag ରେ ୧୫୦ଟଙ୍କାର କ୍ୟାଶବ୍ୟାକ୍ ଭଳି ଅତିରିକ୍ତ ଫ୍ରି ଆକ୍ସେସ୍ ମଧ୍ୟ ଦିଆଯାଉଛି।

   Related Posts