Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : ଛିଡିଲାନି ଭାଗବଣ୍ଟା, ଦୁଇ ପିସ୍ ମାଂସ ପାଇଁ ଆତ୍ମହତ୍ୟା କଲେ ଭଉଣୀ
  • ||
  • କଟକ : ରେଭେନ୍ସା ବିଶ୍ବବିଦ୍ୟାଳୟର ନୂତନ କୁଳପତି ହେଲେ ପ୍ରଫେସର ସଞ୍ଜୟ ନାୟକ
  • ||
  • ଭୁବନେଶ୍ବର : ନାବାଳିକା ଗଣଦୁଷ୍କର୍ମ ମାମଲା, ଅପ୍ରେଲ ୫ରେ ଚୂଡାନ୍ତ ଶୁଣାଣି
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ଆଉ ୧୫୪ କୋଭିଡ୍ ସଂକ୍ରମିତ, ୩୩୪୦୨୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ମେ’ ରେ ହେବ କଂଗ୍ରେସର ଅଧ୍ୟକ୍ଷ ପଦ ପାଇଁ ନିର୍ବାଚନ, ସିଡବ୍ଲ୍ୟୁସି ବୈଠକ ପରେ ବଡ ଘୋଷଣା କଲା ଦଳ
  • ||
  • ହୁ ହୁ ହୋଇ ବଢୁଛି ତୈଳଦର, ମୁମ୍ବାଇରେ ୯୧ ଟଙ୍କା ଉପରେ ପେଟ୍ରୋଲ ଦାମ୍
  • ||
  • ରାଉରକେଲା : ନିଆଁ ପୁଇଁବା ହେଲା କାଳ, ଦଳିଦେଲା ଦନ୍ତା, ଚାଲିଗଲା ଜୀବନ
  • ||
  • ଝଲସିବ ଅର୍କ କ୍ଷେତ୍ର : ନୂଆ ରୂପ ପାଇବ କୋଣାର୍କ ସୂର୍ଯ୍ୟ ମନ୍ଦିର, ପର୍ଯ୍ୟଟକଙ୍କୁ ମିଳିବ ବିଶ୍ୱସ୍ତରୀୟ ସୁବିଧା
  • ||
  • ଆଜି ବସୁଛି କଂଗ୍ରେସର ସିଡବ୍ଲ୍ୟୁସି ବୈଠକ, ଅଧ୍ୟକ୍ଷ ନିର୍ବାଚନ ନେଇ ହେବ ଆଲୋଚନା !
  • ||
  • ଏଥର ନିଜ ସ୍କୁଲରେ ଛାତ୍ରଛାତ୍ରୀ ଦେବେ ମାଟ୍ରିକ ପରୀକ୍ଷା, ୨ ଘଣ୍ଟାରେ ଲେଖିବାକୁ ପଡିବ ଉତ୍ତର
  • ||

ବନ୍ଦ ହେବାର ୨ ଦିନ ପୂର୍ବରୁ ଓଭର ସବସ୍କ୍ରାଇବ୍ ହେଲା ରିଲାଏନ୍ସ ‘ରାଇଟ୍ ଇସ୍ୟୁ’, ନିବେଶରେ ହେବ ନୂଆ ରେକର୍ଡ

1/06/2020 at 8:43 PM

ମୁମ୍ବାଇ ୧।୬: ଦେଶର ପ୍ରମୁଖ ଉଦ୍ୟୋଗ ରିଲାଏନ୍ସ ଇଣ୍ଡଷ୍ଟ୍ରିଜ୍ ଦୀର୍ଘ  ୩୦ ବର୍ଷ ପରେ ମେ ୨୦ ତାରିଖରେ ପ୍ରଥମ ଥର ରାଇଟ୍ ଇସ୍ୟୁ କରିଥିଲେ। ୩ ଜୁନରେ ଇସ୍ୟୁ ବନ୍ଦ ହେବାକୁ ଯାଉଥିବା ବେଳେ ଏବେ ଓଭର ସବସ୍କ୍ରାଇବ୍ ହୋଇଯାଇଛି। ଅର୍ଥାତ ରିଲାଏନ୍ସ ଇଣ୍ଡଷ୍ଟ୍ରିଜ୍ ଯେତିକି ଆଶା କରିନଥିଲେ ତାହାଠାରୁ ଆହୁରି ଅନେକ ଗୁଣା ଅଧିକ ନିବେଶ ହାସଲ କରିଛନ୍ତି।

ନିବେଶର ଆକାର ଅନୁସାରେ ଏବେ ଆବେଦନକାରୀଙ୍କ ସଂଖ୍ୟା ୧.୧ଗୁଣା ଅଧିକ ହୋଇଗଲାଣି। ଇସ୍ୟୁ ବନ୍ଦ ହେବାକୁ ଆହୁରି ୨ ଦିନ ବାକି ଅଛି, ଏଣୁଏହା ଆହୁରି ଗୁଣିତକ ହେବ ବୋଲି ଏବେ ଆକଳନ କରାଗଲାଣି। ରିଲାଏନ୍ସ ଇଣ୍ଡଷ୍ଟ୍ରିଜ୍ ୫୩ ହଜାର ୧୨୫କୋଟି ଟଙ୍କା ସଂଗ୍ରହ ଲାଗି ଏହି ରାଇଟ୍ ଇସ୍ୟୁ କରିଥିଲେ। ଏଥିପାଇଁ ୪୨.୨୬କୋଟି ଶେୟାର ଅଫର କରିଥିଲେ। ତେବେ ସୋମବାର ଶେୟାର ବଜାରରୁ ମିଳୁଥିବା ସୂଚନାରୁ ଏବେ ସୁଦ୍ଧା୪୬.୦୪କୋଟି ଶେୟାର ଲାଗି ଆବେଦନ ମିଳିସାରିଲାଣି। ଅର୍ଥାତ୍ ରିଲାଏନ୍ସ ଆବଶ୍ୟକ କରୁଥିବା ନିବେଶ ଠାରୁ ବି ଅଧିକ ହାସଲ କରିଥିବା ବେଳେ ଚାହିଦାକୁ ଦେଖି ବଜାରରେ ଶେୟାର ମୂଲ୍ୟ ମଧ୍ୟ ଢେର ବଢିଛି।

ସାଧାରଣତଃ ଏଭଳି ରାଇଟ୍ ଇସ୍ୟୁରେ ସଂସ୍ଥାଗତ ନିବେଶକମାନେ ଶେଷ ଦିନରେ ଶେୟାର ଲାଗି ଅନୁମତି ପ୍ରଦାନ କରନ୍ତି।  ହେଲେ ଓଭର ସବସ୍କ୍ରାଇବ୍ ହେବା ଆଶାତୀତ ନିବେଶ ଲାଗି ଏବେ  ପ୍ରୋତ୍ସାହିତ କରିବ ବୋଲି ଆଶା କରାଯାଉଛି। ରିଲାଏନ୍ସର ୨୫ଲକ୍ଷରୁ ଅଧିକ ରିଟେଲ ଶେୟାରଧାରୀ ଥିବା ବେଳେ ୧ହଜାର ୭୦୦ରୁ ଅଧିକ ସଂସ୍ଥାଗତ ନିବେଶକ ଅଛନ୍ତି। ଯେଉଁମାନଙ୍କ ମଧ୍ୟରେ ଉଭୟ ଘରୋଇ ଓ ବିଦେଶୀ ନିବେଶକ ମଧ୍ୟ ଅଛନ୍ତି। ଏହା ପୂର୍ବରୁ ୨୦୧୯ ମସିହାରେ ଏୟାରଟେଲ ଭୋଡାଫୋନ ୫ରୁ ୮ ପ୍ରତିଶତ ଓଭର ସବସ୍କ୍ରାଇବ୍ ହୋଇଥିଲେ। ତେବେ କରୋନା କାଳରେ ରିଲାଏନ୍ସ ଓଭର ସବସ୍କ୍ରାଇବ୍ ହେବା ଓ ତାହାବି ୧୦ ପ୍ରତିଶତ ଉପରେ ଏକ ନୂଆ କିର୍ତ୍ତିମାନ ବୋଲି ବିଚାର କରାଯାଉଛି।

   Related Posts