Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଫୁଟବଲର ଡିଏଗୋ ମାରାଡୋନାଙ୍କ ପରଲୋକ, ୩ ଦିନ ପୂର୍ବେ ପାଳିଥିଲେ ୬୦ତମ ଜୟନ୍ତୀ
  • ||
  • ଦୈନିକ ଆକ୍ରାନ୍ତ ତୂଳନାରେ ଆଜି କମିଲା ସୁସ୍ଥ ସଂଖ୍ୟା, ୨୪ ଘଣ୍ଟାରେ କରୋନାରୁ ଆରୋଗ୍ୟ ହେଲେ ୭୨୮
  • ||
  • ଯୋଡାମୁଣ୍ଡ ଶିଶୁ କାଳିଆର ମୃତ୍ୟୁ, ଏସସିବିରେ ଦୀର୍ଘ ଦିନ ଧରି ଥିଲେ ଚିକିତ୍ସାଧୀନ, ସୁସ୍ଥ ଅଛି ଜଗା
  • ||
  • ପରିବାର ପାଇଁ ଏତିକି ସମ୍ପତ୍ତି ଛାଡି ଯାଇଛନ୍ତି କଂଗ୍ରେସର ଚାଣକ୍ୟ ଅହମଦ ପଟେଲ
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୬ କରୋନା ସଂକ୍ରମିତ ପ୍ରାଣ ହରାଇଲେ, ମୃତକଙ୍କ ସଂଖ୍ୟା ୧୬୮୭ରେ ପହଞ୍ଚିଲା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୭୩୦ କରୋନା ସଂକ୍ରମିତ, ୩୧୬୦୦୧ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଦ୍ୱିତୀୟ AIIMS ପ୍ରତିଷ୍ଠା ପାଇଁ ପ୍ରସ୍ତାବ, କେନ୍ଦ୍ର ସ୍ୱାସ୍ଥ୍ୟ ସଚିବଙ୍କୁ ଚିଠି ଲେଖିଲେ ମୁଖ୍ୟ ଶାସନ ସଚିବ
  • ||
  • ପୁରୀ : ବାହାର ଭକ୍ତଙ୍କୁ ପୁରୀ ମନା, ନାଗାର୍ଜୁନ ବେଶ ପାଇଁ ଜିଲ୍ଲା ପ୍ରଶାସନର କଟକଣା
  • ||
  • ଭିଜିଲାନ୍ସ ଜାଲରେ ଓଡିଶା ବନୀକରଣ ଅତିରିକ୍ତ ପିସିସିଏଫ୍, ଭୁବନେଶ୍ବରର ୫ଟି ଓ ମୁମ୍ବାଇ ଏବଂ ପୁନେର ୭ଟି ସ୍ଥାନରେ ଚଢାଉ
  • ||
  • କଂଗ୍ରେସର ବରିଷ୍ଠ ନେତା ଅହମଦ ପଟେଲଙ୍କ ପରଲୋକ : କରୋନାରେ ସଂକ୍ରମିତ ହୋଇ ଚାଲିଥିଲା ଚିକିତ୍ସା
  • ||

ରିୟାଙ୍କୁ ଶନିବାର ପୁଣି ଜେରା କଲା ସିବିଆଇ, ହୋଇପାରେ ପଲିଗ୍ରାଫ୍ ଟେଷ୍ଟ୍, ଡ୍ରଗ୍ସ୍ ଲିଙ୍କ୍ ନେଇ ଚାଲିଛି ଖୋଳତାଡ

29/08/2020 at 7:30 PM

ଭୁବନେଶ୍ୱର, ୨୯|୦୮:  ସୁଶାନ୍ତ ସିଂ ରାଜପୁତ ମୃତ୍ୟୁ ମାମଲାରେ ତନାଘନା ଜାରି । ଏହି ମାମଲାରେ ସୁଶାନ୍ତଙ୍କ ଗାର୍ଲଫ୍ରେଣ୍ଡ ଚକ୍ରବର୍ତ୍ତୀଙ୍କୁ ପଚରା ଉଚରା କରିଛି ସିବିଆଇ । ୮ ଘଣ୍ଟା ଧରି ଜେରା କରାଯାଇଥିଲା । ଶୁକ୍ରବାର ରିୟାଙ୍କ ଭାଇ ସୌଭିକ୍‌ଙ୍କୁ ୧୪ ଘଣ୍ଟା ପଚରା ଉଚରା କରିଥିବା ବେଳେ ତାଙ୍କ ବାପା ଇନ୍ଦ୍ରଜିତ୍‌ ଚକ୍ରବର୍ତ୍ତୀଙ୍କୁ ଗତକାଲି ଇଡି ଜେରା କରିଥିଲା ।

ରିୟାଙ୍କୁ ସିବିଆଇ ଜେରା । ଦୀର୍ଘ ୮ ଘଣ୍ଟା ଧରି ମାରାଥନ ଜେରା କଲା ସିବିଆଇ । ସୁଶାନ୍ତ ସିଂ ରାଜପୁତ ମୃତ୍ୟୁ ମାମଲାରେ ଗାର୍ଲଫ୍ରେଣ୍ଡ ରିୟା ଚକ୍ରବର୍ତ୍ତୀଙ୍କୁ ଜେରା କରିବାକୁ ନୋଟିସ୍ କରିଥିଲା ସିବିଆଇ । ଦିନ ୧୦ଟାରେ ଡିଆରିଡିଓ ସିବିଆଇର ଅସ୍ଥାୟୀ କାର୍ଯ୍ୟାଳୟରେ ପହଞ୍ଚିଥିଲେ ରିୟା । ସିବିଆଇ ଟିମ୍‌ର ନେତୃତ୍ବ ନେଉଥିବା ନୁପୁର ପ୍ରସାଦ ଜେରା କରିଥିଲେ । ବିଭିନ୍ନ ପ୍ରସଙ୍ଗରେ ସିବିଆଇ ରିୟାଙ୍କୁ ଗୁଡେଇ ତୁଡେଇ ପ୍ରଶ୍ନ କରିଥିଲା । ଜୁନ୍ ୮ରେ କଣ ଘଟିଥିଲା ? ସୁଶାନ୍ତଙ୍କ ମୃତ୍ୟୁ ଖବର କେମିତି ଓ କେତେବେଳେ ପାଇଲେ ? ସୁଶାନ୍ତଙ୍କ ମୃତ୍ୟୁ ପୂର୍ବରୁ ତାଙ୍କ ସହ ସଂପର୍କ କମେତି ଥିଲା? ତାଙ୍କ ପରିବାର ସହ ସଂପର୍କ କେମିତି ଥିଲା ଏମତି ୨ ରୁ ୩ ଦଫାରେ ପ୍ରଶ୍ନ କରିଥିଲା ସିବିଆଇ ଟିମ୍‌ । ରିୟାଙ୍କ ସହ ସୁଶାନ୍ତଙ୍କ ସହ ରହୁଥିବା ସାଙ୍ଗ ସିଦ୍ଧାର୍ଥ ପିଠାନୀ ଏବଂ ହାଉସ୍ ମ୍ୟାନେଜର ସାମୁଏଲ୍‌ ମିରାଣ୍ଡା ବି ଡିଆରଡିଓ ଗେଷ୍ଟ ହାଉସ୍‌ରେ ପହଞ୍ଚିଥିଲେ ।  ସିଦ୍ଧାର୍ଥ ପିଠାନୀଙ୍କୁ କିଛି ସମୟ ଧରି ବି ଜେରା କରିଥିଲା ସିବିଆଇ ।

ଶୁକ୍ରବାର ସିବିଆଇ ରିୟାଙ୍କ ଭାଇ ସୌଭିକ୍ ଚକ୍ରବର୍ତ୍ତୀଙ୍କୁ ପ୍ରାୟ ୧୦ ଘଣ୍ଟାରୁ ଅଧିକ ସମୟ ଧରି ପଚରା ଉଚରା କରିଥିଲା । ସେହିପରି ରିୟାଙ୍କ ବାପା ଇନ୍ଦ୍ରଜିତ ଚକ୍ରବର୍ତ୍ତୀଙ୍କୁ ଗତକାଲି ଇଡ଼ି ବି ଜେରା କରିଥିଲା । ଗତ ଆଠ ଦିନ ଭିତରେ ସିବିଆଇ ଏହି ମାମଲାରେ ସମ୍ପୃକ୍ତ ଥିବା ଅନ୍ୟ ବ୍ୟକ୍ତିଙ୍କୁ ପଚରା ଉଚରା କରିବା ସହ ତଦନ୍ତ ମଧ୍ୟ ଜାରି ରଖିଛି । ସେପଟେ ଆଜି ଏହି ମାମଲାରେ ଗୌରବ ଆର୍ଯ୍ୟଙ୍କୁ ପଚରା ଉଚରା ପାଇଁ ନୋଟିସ କରିଛି ଇଡ଼ି । ଗୌରବ ଆର୍ଯ୍ୟଙ୍କୁ ଅଗଷ୍ଟ ୩୧ ତାରିଖରେ ଇଡ଼ି ଅଫିସରେ ପହଞ୍ଚିବା ପାଇଁ କୁହାଯାଇଛି । ପୂର୍ବରୁ ରିୟା ଚକ୍ରବର୍ତ୍ତୀ  ଓ ଗୌରବ ଆର୍ଯ୍ୟାଙ୍କ ହ୍ବାଟସ୍‌ ଆପ୍‌ ଚାଟ ଭାଇରାଲ ହୋଇଥିଲା ।

ରିୟାଙ୍କୁ ଖୁବ୍‌ ଶୀଘ୍ର ପଲିଗ୍ରାଫ ଟେଷ୍ଟ କରିବାକୁ ଯୋଜନା କରୁଛି ସିବିଆଇ । ତେବେ ଏଥିପାଇଁ ସିବିଆଇକୁ କୋର୍ଟଙ୍କ ଅନୁମତି ନେବାକୁ ପଡିବ । ସେହିଭଳି ଏନସିବି ସୁଶାନ୍ତ ମୃତ୍ୟୁ ମାମଲାରେ ଡ଼୍ରଗସ୍ ଲିଙ୍କ ନେଇ ତଦନ୍ତ କରୁଛି ।

   Related Posts