Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୯ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଆରମ୍ଭ ହେଲା କୋଭିଡ୍ ଟିକାକରଣ, ୧୬୧ କେନ୍ଦ୍ରରେ ଚାଲିଛି ଟିକାଦାନ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୭୮ କୋଭିଡ୍ ସଂକ୍ରମିତ, ୩୩୩୧୨୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ ଖସୁଛି କରୋନା ଗ୍ରାଫ୍, ଗତ ୨୪ଘଣ୍ଟାରେ ୧୫୧୫୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଘାଟିରେ ଦୁର୍ଘଟଣା : ଟ୍ରକକୁ ସାମ୍ନା ପଟୁ ପିଟିଲା ବାଇକ୍‌, ଚାଲିଗଲା ଶଳା-ଭିଣୋଇଙ୍କ ଜୀବନ
  • ||
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||

ଦେଶରେ ପ୍ରଚଣ୍ଡ ଗ୍ରୀଷ୍ମ ଲହରି, ରାଜସ୍ଥାନ ଚୁରୁରେ ପାରଦ ପହଞ୍ଚିଲା ୫୧ ଡିଗ୍ରିରେ, ଜନଜୀବନ ଅସ୍ତବ୍ୟସ୍ତ

1/06/2019 at 8:54 PM

ନୂଆଦିଲ୍ଲୀ ୧।୬:  ସାରା ଦେଶରେ ପ୍ରଚଣ୍ଡ ଗ୍ରୀଷ୍ମ ଲହରି ଜାରି ଥିବା ବେଳେ ଆଜି ରାଜସ୍ଥାନ ଚୁରୁରେ ତାପମାତ୍ରା ପହଞ୍ଚିଛି ୫୧ଡିଗ୍ରି ସେଲସିୟସରେ। ତେବେ ସନ୍ଧ୍ୟାରେ ସାମାନ୍ୟ ବର୍ଷା ଯୋଗୁ ଲୋକଙ୍କୁ ତାତିରୁ ଆଶ୍ବସ୍ତି ମିଳିଛି। ଲଗାତାର ତାପମାତ୍ରା ବୃଦ୍ଧି ଯୋଗୁ ପାଣିପାଗ ବିଭାଗ ଏନସିଆର ସମେତ ଦିଲ୍ଲୀରେ ରେଡ ଆଲର୍ଟ ଜାରି କରିଛନ୍ତି। ଆଜି ରାଜଧାନୀ ଦିଲ୍ଲୀରେ ଦିନର ତାପମାତ୍ରା ୪୬ଡିଗ୍ରିରେ ପହଞ୍ଚିଥିବା ବେଳେ ଜୁନ ୩ ତାରିଖ ପର୍ଯ୍ୟନ୍ତ ଏଭଳି ତାପମାତ୍ରା ଜାରି ରହିବ ବୋଲି ପାଣିପାଗ ବିଭାଗ ସତର୍କତା ଜାରି କରିଛନ୍ତି।

ପଞ୍ଜାବ, ହରିୟାଣା ଓ ୟୁପିରେ ତାପମାତ୍ରା ୪୪ରୁ ୪୫ ଡିଗ୍ରିରେ ପହଞ୍ଚିଛି । ସେପଟେ ଚଣ୍ଡିଗଡ ତାପମାତ୍ରା ୪୪ ଡିଗ୍ରିରେ ପହଞ୍ଚିଥିବା ବେଳେ ହରିୟାଣା ନାରନୋଲରେ ଆଜି ତାପମାତ୍ରା ସର୍ବାଧିକ ୪୭ ଡିଗ୍ରି ସେଲସିୟସ ରେକର୍ଡ କରାଯାଇଛି। ପଶ୍ଟିମ ଭାରତର ରାଜସ୍ଥାନ ଶ୍ରୀଗଙ୍ଗାନଗର ୪୯.୪ ଡିଗ୍ରି ସେଲସିୟସ ରେକର୍ଡ କରାଯାଇଥିବା ବେଳେ ୧୯୪୪ ମସିହା ପରେ ଏଠାରେ ଦ୍ବିତୀୟବାର ଏଭଳି ଗରମ ପଡିଥିବା କହିଛନ୍ତି ପାଣିପାଗ ବିଭାଗ।

ସେହିପରି ଦକ୍ଷିଣ ଭାରତରେ ଭୀଷଣ ଗ୍ରୀଷ୍ମ ଅନୁଭୂତ ହେଉଥିବା ବେଳେ ତେଲେଙ୍ଗାନାରେ ଅଂଶୁଘାତ ମୃତ୍ୟୁ ସଂଖ୍ୟା ଆଜି ୧୭ରେ ପହଞ୍ଚିଛି । ଗତ ୨୨ ଦିନ ହେଲା ଜାରୀ ତାପପ୍ରବାହ ଯୋଗୁ ରାଜ୍ୟରେ ଏବେ ହାହାକାର ପଡିଛି।   ପଡୋଶୀ ଓଡିଶାର ଉପକୂଳ ଜିଲ୍ଲାମାନଙ୍କରେ ବଢିବଢି ଚାଲିଥିବା ତାପମାତ୍ରା ୩୧ ମେ ସନ୍ଧ୍ୟାପରେ ସାମାନ୍ୟ ନିୟନ୍ତ୍ରିତ ହୋଇଛି। ତେବେ ଆଭ୍ୟନ୍ତରିଣ ଓ ପଶ୍ଚିମ ଓଡିଶା ଏବେ ମଧ୍ୟ ଜଳୁଛି । ଭିଷଣ ଗ୍ରୀଷ୍ମ ପ୍ରବାହ ଯୋଗୁ ସାରା ଦେଶରେ ଜନଜୀବନ ଅସ୍ତବ୍ୟସ୍ତ ହୋଇପଡିଛି। ଲୋକେ ଦିନବେଳା ପଦାକୁ ବାହାରିବା ବନ୍ଦ କରିଦେଇଥିବା ବେଳେ ରାସ୍ତାଘାଟ ଶୁନଶାନ ହୋଇଯାଉଛି।

   Related Posts