Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଚାକିରୀ ନାଁରେ ଠକେଇ: ଲକ୍ଷେ ୩୦ ହଜାର ନେଇ ନିଯୁକ୍ତି ପତ୍ର ଦେଇଛନ୍ତି, କିନ୍ତୁ ଦରମାର ଦେଖା ନାହିଁ

6/02/2020 at 8:13 PM

ନବରଙ୍ଗପୁର୬/୨: ଚାକିରୀ ନାଁରେ ଠକେଇ । ଅଭିଯେ।ଗ ଆସିଛି ନବରଙ୍ଗପୁର ଜିଲ୍ଲା ପାପଡାହାଣ୍ଡି ଅଞ୍ଚଳରୁ। ଚାକିରୀ କରାଇଦେବା ନାମରେ ନିରୀହ ଯୁବକ ମାନଙ୍କ ଠାରୁ ଲକ୍ଷାଧିକ ଟଙ୍କା ଠକେଇ ହୋଇଥିବା ଅଭିଯୋଗ ହୋଇଛି । ଅଭିଯୋଗ ଅନୁସାରେ ଶରତ ଖଣ୍ଡପାଣୀ ନାମକ ଜଣେ  ଯୁବକ  ଚାକିରୀ କରାଇଦେବାକୁ କହି ପାପଡାହାଣ୍ଡି ଅଞ୍ଚଳର ୩ ଜଣ ଯୁବକ ଘାଟଗୁଡା ଗାଁ ର ନିଳାମ୍ବର ଦଣ୍ଡସେନ, ସରିଶପଦର ଗାଁ ର ନରହରୀ ଭତ୍ରା ଓ ପୁଷ୍କର ଭତ୍ରାଙ୍କ ଠାରୁ ମେ।ଟା ଅଙ୍କର ଟଙ୍କା ଠକେଇ କରିଛି । ନିଳାମ୍ବର ଦଣ୍ଡସେନ ଙ୍କ ଠାରୁ ୭୦ ହଜାର ଟଙ୍କା ,  ନରହରୀ ଭତ୍ରାଙ୍କ ଠାରୁ ୪୦ ହଜାର ଓ ପୁଷ୍କର ଭତ୍ରାଙ୍କ ଠାରୁ ୨୦ ହଜାର ଟଙ୍କା ନେଇଥିଲେ। 

ଏହି ୩ ଜଣ ଯୁବକଙ୍କୁ ଶରତ  ଭୂବନେଶ୍ବରରେ “ଓଏସଇସିଏଆରଡି”  ନାମକ ଏକ  ସଂସ୍ଥାକୁ ଆଣିଥିଲେ। ସେମାନଙ୍କୁ ଉକ୍ତ ସଂସ୍ଥା ରେ ନିଯୁକ୍ତି ପତ୍ର ବି ଦିଆଗଲା। ସେଠାରେ ଉକ୍ତ ସଂସ୍ଥା ପକ୍ଷରୁ କୁହାଗଲା ଯେ ଚାଷୀଙ୍କୁ  ସୋଲାର, ବିହନ , କୀଟ ନାଶକ ଓୌଷଧ , ନଳକୂପ ଖୋଳାଇବେ ଏବଂ କୃଷି ଯନ୍ତ୍ରପାତି ଦିଆଯିବ । ସେମାନଙ୍କୁ ପ୍ରଥମ ୩ ମାସ ମାସିକ ୫ ହଜାର । ପରେ ବର୍ଷେ ପର୍ଯ୍ୟନ୍ତ ୧୦ ହଜାର ଓ ୧ ବର୍ଷ ପରେ ସେମାନଙ୍କ ଅମାନତ ରାଶି ଦେବା ସହ ମାସିକ ୨୫ ହଜାର ଟଙ୍କା ପ୍ରଦାନ କରିବେ ବୋଲି କୁହାଗଲା।  କିନ୍ତୁ ପରେ ସେମାନଙ୍କୁ ଦରମା ମିଳିଲାନି । ଏବାବଦରେ ଯେ।ଗାଯେ।ଗ କରିବାକୁ କେହି ଧରାଛୁଆଁ ଦେଉନାହାନ୍ତି। ଶେଷରେ ନିରାଶ ହେ।ଇ ପାପଡାହାଣ୍ଡି ଥାନା ରେ ଏତଲା ଦେଇଛନ୍ତି। ଏତଲା ଆଧାରରେ  ଶରତ ଖଣ୍ଡପାଣୀ ଥାନା କୁ ଆଣି ତଦନ୍ତ କରୁଛି ପୋଲିସ ।

   Related Posts