Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୫ ବର୍ଷ ପରେ ଦୁର୍ଲଭ ନାଗାର୍ଜୁନ ବେଶରେ ସଜେଇ ହେବେ ଶ୍ରୀଜିଉ, ଆରମ୍ଭ ହେଲା ପ୍ରସ୍ତୁତି
  • ||
  • କୋଇଲା ଖଣି ଆବଣ୍ଟନ ଦୁର୍ନୀତି ମାମଲାରେ ପୂର୍ବତନ କେନ୍ଦ୍ର ମନ୍ତ୍ରୀ ଦିଲ୍ଲୀପ ରାୟଙ୍କୁ ମିଳିଲା ଜାମିନ
  • ||
  • ମାଲକାନଗିରି : ମାଟି ତଳୁ ବିପୁଳ ପରିମାଣର ଅସ୍ତ୍ରଶସ୍ତ୍ର ସହ ବିସ୍ଫୋରକ ସାମଗ୍ରୀ ଜବତ
  • ||
  • ରାଜନଗର : ଭୋଗ ଖାଇ ୧୫୦ ଅସୁସ୍ଥ, ୩୦ ଜଣଙ୍କ ଅବସ୍ଥା ଗୁରୁତର
  • ||
  • ପାରାଦୀପ : ସମୁଦ୍ରରେ ବୁଡିଗଲା ମାଛଧରା ଟ୍ରଲର, ୫ ମତ୍ସ୍ୟଜୀବୀ ଉଦ୍ଧାର, ୪ ନିଖୋଜ
  • ||
  • ରାଜ୍ୟରେ ଆଉ ୧୪ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ଆଉ ୧୪୮୦କରୋନା ସଂକ୍ରମିତ ଚିହ୍ନଟ
  • ||
  • ଟ୍ରେନ୍‌ରେ କଟି ବାପା-ଝିଅ-ପୁଅର ମୃତ୍ୟୁ, ଆତ୍ମହତ୍ୟା ସନ୍ଦେହ
  • ||
  • ବାଇକ୍‌କୁ ଧକ୍କାଦେଲା ହାଇଓ୍ୱା ଟ୍ରକ, ଆରୋହୀ ମୃତ
  • ||

ସଂକ୍ରମଣ ବଢିବା ସହ ବୃଦ୍ଧି ପାଉଛି ସୁସ୍ଥହାର, ଗୋଟିଏ ଦିନରେ ୯୨ ହଜାର ନୂଆ ମାମଲା ସହ ୧୧୩୬ ଜଣଙ୍କ ମୃତ୍ୟୁ

14/09/2020 at 11:58 AM

ନୂଆଦିଲ୍ଲୀ ୧୪/୦୯ : ଦେଶରେ କରୋନା ଆତଙ୍କ ଜାରି ରହିଛି । ଗୋଟିଏ ଦିନରେ ୯୨ ହଜାର ୭୧ ନୂଆ ମାମଲା ସାମ୍ନାକୁ ଆସିଛି । ଏହା ପୂର୍ବରୁ ସେପ୍ଟେମ୍ବର ୧୧ ତାରିଖରେ ରେକର୍ଡ ସଂଖ୍ୟକ ୯୭ ହଜାର ୫୭୦ ନୂଆ ମାମଲା ସାମ୍ନାକୁ ଆସିଥିଲା । ୨୪ ଘଣ୍ଟାରେ ୧୧୩୬ ଲୋକଙ୍କ ମୃତ୍ୟୁ ମଧ୍ୟ ହୋଇଥିଲା । ସେପ୍ଟେମ୍ବର ମାସରେ ଦେଶରେ ଲଗାତାର ହଜାରେରୁ ଅଧିକ ଲୋକଙ୍କ ମୃତ୍ୟୁ ହେଉଛି । ଦେଶରେ ସଂକ୍ରମିତଙ୍କ ସଂଖ୍ୟା ୪୮ ଲକ୍ଷ ପାର କରିସାରିଛି । ସଂକ୍ରମଣ ମାମଲାରେ ଆମେରିକା ସବୁଠାରୁ ଆଗରେ ରହିଛି । କିନ୍ତୁ ଆମେରିକା ତୁଳନାରେ ଭାରତରେ ପ୍ରତିଦିନ ଅଧିକ ନୂଆ ମାମଲା ସାମ୍ନାକୁ ଆସୁଛି । 

ସ୍ୱାସ୍ଥ୍ୟ ମନ୍ତ୍ରାଳୟ ସୂଚନା ଅନୁଯାୟୀ, ଦେଶରେ ମୋଟ କରୋନା ମାମଲା ୪୮ ଲକ୍ଷ ୪୬ ହଜାର ହୋଇସାରିଛି । ୭୯ ହଜାର ୭୨୨ ଜଣଙ୍କ ମୃତ୍ୟୁ ହୋଇସାରିଛି । ଦେଶରେ ବର୍ତ୍ତମାନ ୯ ଲକ୍ଷ ୮୬ ହଜାର ଆକ୍ଟିଭ୍ ମାମଲା ରହିଛି । ୩୭ ଲକ୍ଷ ୮୦ ହଜାର ଲୋକ ସୁସ୍ଥ ହୋଇସାରିଛନ୍ତି । ଆଇସିଏମଆର ଅନୁଯାୟୀ, ସେପ୍ଟେମ୍ବର ୧୩ ତାରିଖ ସୁଦ୍ଧା ୫ କୋଟି ୭୨ ଲକ୍ଷ ନମୁନା ଯାଞ୍ଚ କରାଯାଇଛି । ରବିବାର ଦିନ ୧୦ ଲକ୍ଷ ନମୁନା ଯାଞ୍ଚ କରାଯାଇଛି ।

ଏକ ଆଶ୍ଵସ୍ତିକର ଖବର ମଧ୍ୟ ରହିଛି । ମୃତ୍ୟୁହାର ଓ ଆକ୍ଟିଭ୍ ମାମଲା ଲଗାତାର ହ୍ରାସ ପାଉଛି । ମୃତ୍ୟୁହାର ହ୍ରାସ ପାଇ ୧.୬୪ ପ୍ରତିଶତ ହୋଇଛି । ଆକ୍ଟିଭ୍ ମାମଲା ମଧ୍ୟ ହ୍ରାସ ପାଇ ୨୧ ପ୍ରତିଶତ ହୋଇଛି । ସୁସ୍ଥହାର ବୃଦ୍ଧି ପାଇ ୭୮ ପ୍ରତିଶତ ହୋଇଛି । ଦେଶରେ ସୁସ୍ଥହାର ଲଗାତାର ବୃଦ୍ଧି ପାଉଛି |

ଦେଶରେ ସବୁଠାରୁ ଅଧିକ ଆକ୍ଟିଭ୍ ମାମଲା ମହାରାଷ୍ଟ୍ରରେ ରହିଛି । ହସ୍ପିଟାଲରେ ୨ ଲକ୍ଷରୁ ଅଧିକ ସଂକ୍ରମିତଙ୍କ ଚିକିତ୍ସା ଜାରି ରହିଛି । ସଂକ୍ରମଣ ମାମଲାରେ ଦ୍ୱିତୀୟ ସ୍ଥାନରେ ତାମିଲନାଡୁ, ତୃତୀୟରେ ଦିଲ୍ଲୀ, ଚତୁର୍ଥରେ ଗୁଜରାଟ ଓ ପଞ୍ଚମ ସ୍ଥାନରେ ପଶ୍ଚିମବଙ୍ଗରେ ରହିଛି । ଏହି ୫ ରାଜ୍ୟରେ ସବୁଠାରୁ ଅଧିକ ଆକ୍ଟିଭ୍ ମାମଲା ରହିଛି । ଆକ୍ଟିଭ୍ ମାମଲା ମଧ୍ୟଆରେ ଦୁନିଆରେ ଭାରତ ଦ୍ୱିତୀୟ ସ୍ଥାନରେ ରହିଛି । ମୃତ୍ୟୁ ମାମଲାରେ ଆମେରିକା ଓ ବ୍ରାଜିଲ ପରେ ତୁତୀୟ ସ୍ଥାନରେ ଭାରତ ରହିଛି ।

   Related Posts