Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ସୁସ୍ଥ ହେଲେ ଆଉ ୫୭୩ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୨୮୦ ଡିସଚାର୍ଜ
  • ||
  • ଡ୍ରଗ୍ସ ଲିଙ୍କ୍ ମାମଲାରେ NCBରେ ହାଜର ହେଲେ ଅନନ୍ୟା ପାଣ୍ଡେ, ଆର୍ଯ୍ୟନ ସହ ହ୍ବାଟସଆପ୍‌ ଚାଟ୍‌କୁ ନେଇ ମାରାଥନ୍‌ ଜେରା
  • ||
  • ଭୁବନେଶ୍ୱର : STF ପଞ୍ଝାରେ ବ୍ରାଉନସୁଗାର ବେପାରୀ, ୧କୋଟିରୁ ଅଧିକ ଟଙ୍କାର ଧଳାଜହର ଜବତ
  • ||
  • କଳାହାଣ୍ଡି : ମହାଲିଙ୍ଗ୍ ସନସାଇନ୍ ପବ୍ଲିକ୍ ସ୍କୁଲରେ ପ୍ରଶାସନର ତଦନ୍ତ, କାଗଜପତ୍ର ଯାଞ୍ଚ ସହ ଆୟବ୍ୟୟ ଅଟକଳର ଚାଲିଛି ଖୋଳତାଡ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୨୪ କୋଭିଡ୍ ପଜିଟିଭ୍
  • ||
  • ଟି୨୦ ବିଶ୍ୱକପ : ସୁପର-୧୨ରେ ଶ୍ରୀଲଙ୍କା, ୭୦ରନରେ ଆୟରଲ୍ୟାଣ୍ଡକୁ ଦେଲା ମାତ୍
  • ||
  • +୩ରେ ଲକ୍ଷେ ସିଟ୍ ଖାଲି, ଗୁରୁବାର ସ୍ପଟ୍ ଆଡମିଶନ ପାଇଁ ଆବେଦନ
  • ||
  • ରାଜ୍ୟରେ ଖରାଟିଆ ପାଗ, ୨୩ ସୁଦ୍ଧା ଫେରିଯିବ ମୌସୁମୀ
  • ||
  • ରାଜଧାନୀରେ ରହିବନି ମୁକୁଳା ଡ୍ରେନ୍ : ଦୁଇ ପାର୍ଶ୍ୱରେ ଲାଗିବ ତାରଜାଲି, ସମ୍ପ୍ରସାରଣ ହେବ ସଙ୍କୁଚିତ ନାଳ
  • ||

ନେପାଳରେ ଭାରତୀୟ ମହିଳାଙ୍କ ନାଗରିକତା ସମ୍ବନ୍ଧୀୟ ଆଇନକୁ ନେଇ ବିରୋଧ ପ୍ରଦର୍ଶନ : ଶାସକ ଦଳ ସାଂସଦ ମଧ୍ୟ ମୋର୍ଚ୍ଚାରେ ସାମିଲ

22/06/2020 at 1:52 PM

ନୂଆଦିଲ୍ଲୀ ୨୨/୦୬ : ନେପାଳର ଶାସକ ଦଳ କମ୍ୟୁନିଷ୍ଟ ପାର୍ଟି ରବିବାର ଦିନ ନିଷ୍ପତ୍ତି ନେଇଥିଲା ଭାରତୀୟ ମହିଳା ନେପାଳୀ ନାଗରିକଙ୍କୁ ବିବାହ କଲେ ବିବାହର ୭ ବର୍ଷ ପରେ ମହିଳାଙ୍କୁ ନେପାଳର ନାଗରିକତା ପ୍ରାପ୍ତ ହେବ | ଏହି ନିଷ୍ପତ୍ତି ସଂସଦୀୟ ସମିତିରେ ବହୁମତ ସହ ପାରିତ ହେବାପରେ ନେପାଳରେ ହିଁ ଅସନ୍ତୋଷ ଦେଖାଦେଇଛି | ନେପାଳର ବିରୋଧୀ ଦଳର ଦଲିଲ ଓ ବିରୋଧକୁ ଖାରଜ କରି ଶାସକ ଦଳ ନାଗରିକତା ସମ୍ବନ୍ଧୀୟ ବିବାଦୀୟ ଆଇନ ପ୍ରକ୍ରିୟାକୁ ଆଗକୁ ବଢାଇଥିଲେ | ବର୍ତ୍ତମାନ ଏହି ଆଇନ ବିରୋଧରେ ନେପାଳରେ ବିରୋଧ ପ୍ରଦର୍ଶନ ଆରମ୍ଭ ହୋଇଛି | ନେପାଳ ମଘେସ କ୍ଷେତ୍ରର ୨ ସାଂସଦ ସରକାରଙ୍କ ଏହି ନିଷ୍ପତ୍ତିକୁ ବିରୋଧ କରିଛନ୍ତି | ଏହା ସତ୍ତ୍ୱେ ନେପାଳର ଓଲି ସରକାର ଏହି ଆଇନକୁ ଆଗାମୀ ଦୁଇ ଦିନ ମଧ୍ୟରେ ସଂସଦରେ ପାରିତ କରିବାକୁ ପ୍ରସ୍ତୁତି କରୁଛି | ସରକାରଙ୍କ ଦ୍ୱାରା ବିବାଦୀୟ ଆଇନକୁ ବିରୋଧ କରି ରବିବାର ଦିନ ଅନେକ ସ୍ଥାନରେ ଲୋକେ ବିରୋଧ ପ୍ରଦର୍ଶନ କରିଥିଲେ |

ନେପାଳ ପ୍ରଧାନମନ୍ତ୍ରୀ କେପି ଓଲିଙ୍କ ବିରୋଧରେ ଖୁବ ନାରାବାଜି ହୋଇଥିଲା ଏବଂ କୁଶ ପୁତ୍ତଳିକା ମଧ୍ୟ ଦାହ କରିଥିଲେ | ଅପରପକ୍ଷରେ ଶାସକ ଦଳ ହିଁ ବିବାଦୀୟ ଆଇନ ବିରୋଧରେ ସ୍ୱର ଉଠାଇଛନ୍ତି | ନେପାଳ କମ୍ୟୁନିଷ୍ଟ ପାର୍ଟିର ଦୁଇ ସାଂସଦ ଏବଂ ପୂର୍ବତନ ମନ୍ତ୍ରୀ ମାତୃକା ଯାଦବ ଓ ପ୍ରଭୁ ଶାହ ନିଜ ଦଳ ତଥା ନିଜ ସରକାରଙ୍କ ବିରୋଧରେ ମୋର୍ଚ୍ଚା ବାହାର କରିଛନ୍ତି | ଉଭୟ ଏକ ବୟାନ ଜାରି କରି ନୂଆ ନାଗରିକତା ଆଇନ ବଦଳାଇବାକୁ ଦାବି କରିଛନ୍ତି |

ରବିବାର ଦିନ ସଂସଦୀୟ ସମିତି ବୈଠକରେ ନେପାଳର ପ୍ରମୁଖ ବିରୋଧୀ ଦଳ ନେପାଳ କଂଗ୍ରେସ ଓ ଜନତା ସମାଜବାଦୀ ପାର୍ଟି ନେତା ଏହି ଆଇନକୁ ବିରୋଧ କରି ଏହାକୁ ସମ୍ବିଧାନ ବିରୋଧୀ ବୋଲି କହିଥିଲେ | ସଂସଦୀୟ ସମିତିରେ ନେପାଳୀ କଂଗ୍ରେସ ସାଂସଦ ଦିଲେନ୍ଦ୍ର ପ୍ରସାଦ ବଡୁ କହିଥିଲେ ଯେ ଏହା ସାମ୍ବିଧାନିକ ବିଷୟ ସହିତ ପାରିବାରିକ, ସାମାଜିକ, ସାଂସ୍କୃତିକ ସମ୍ପର୍କ ଉପରେ ଏହାର ସିଧାସଳଖ ପ୍ରଭାବ ପଡିବ | କେବଳ ସେତିକି ନୁହେଁ, ଏହି ଆଇନର ପ୍ରଭାବ ସାରା ଦେଶରେ ପଡିପାରେ ବୋଲି ସେ କହିଥିଲେ | ସେଥିପାଇଁ ଗମ୍ଭୀରତାର ସହ ଚିନ୍ତା କରି ବୁଝି ବିଚାରି ଏହି ବିଷୟ ଉପରେ ନିଷ୍ପତ୍ତି ନିଆଯାଉ ବୋଲି ସେ କହିଛନ୍ତି | ଜନତା ସମାଜବାଦୀ ପାର୍ଟି ସାଂସଦ ରାଜେନ୍ଦ୍ର ମହତୋ କହିଛନ୍ତି ଯେ ସରକାର ଆଣିଥିବା ଏହି ପ୍ରସ୍ତାବ ସମ୍ବିଧାନ ମର୍ମ ବିରୋଧୀ | ବିଦେଶୀ ନାଗରିକଙ୍କ ଉପରେ ଯେଉଁ ପ୍ରତିବନ୍ଧକ ଲଗାଯିବା ଉଚିତ ତାହା ସମ୍ବିଧାନରେ ଲଗାଇ ଦିଆଯାଇଛି ତାହେଲେ ସରକାର ଏହି ନୂଆ ପ୍ରତିବନ୍ଧକ କିଭଳି ଲଗାଇବେ |

   Related Posts