ଭୁବନେଶ୍ବର ୧୫|୫: ମେ ୨୩ରେ ଗଣତି । ୧୯ ସିଂହାସନ ଲାଗି ଆସିବ ଫଳ । ଏହା ପୂର୍ବରୁ କେଉଁ ଦଳ କେତେ ଆସନ ଜିତିବ ତାକୁ ନେଇ ଆରମ୍ଭ ହୋଇଯାଇଛି ଆଲୋଚନା । ବିଜେପି ବିଧାୟକ ପ୍ରଦୀପ ପୁରୋହିତ କହିଛନ୍ତି ତାଙ୍କ ଦଳ ୮୬ ବିଧାନସଭା ଆସନରେ ନିଶ୍ଚିତ ଜିତୁଛି । ୧୬ ସାଂସଦ ଆସନ ବି ଦଳ ହାତେଇବ । ଏପରିକି ବିଜେଡି ତାଙ୍କ ସହ ସାମିଲ ହେବାକୁ ବାଧ୍ୟ ବୋଲି ପୁରୋହିତ କହିଛନ୍ତି । ସେପଟେ ବିଜେଡି ସାଂସଦ ପ୍ରତାପ ଦେବ କହିଛନ୍ତି, ବିଜେଡି ସରକାର କରିବା ସୁନିଶ୍ଚିତ । ନବୀନଙ୍କ ଭାବମୂର୍ତ୍ତି ଦଳକୁ ପୁଣି ସଫଳତା ଆଣିଦେବ । ଅନ୍ୟପକ୍ଷରେ ପିସିସି ସଭାପତି ନିରଞ୍ଜନ ପଟ୍ଟନାୟକ କହିଛନ୍ତି, ଦଳ କେତେ ସିଟ୍ ଜିତିବ ଆକଳନ କରିନି । କିନ୍ତୁ ପୂର୍ବ ଅପେକ୍ଷା ଭଲ କରିବ ।