Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : STF ପଞ୍ଝାରେ ବ୍ରାଉନସୁଗାର ବେପାରୀ, ୧କୋଟିରୁ ଅଧିକ ଟଙ୍କାର ଧଳାଜହର ଜବତ
  • ||
  • କଳାହାଣ୍ଡି : ମହାଲିଙ୍ଗ୍ ସନସାଇନ୍ ପବ୍ଲିକ୍ ସ୍କୁଲରେ ପ୍ରଶାସନର ତଦନ୍ତ, କାଗଜପତ୍ର ଯାଞ୍ଚ ସହ ଆୟବ୍ୟୟ ଅଟକଳର ଚାଲିଛି ଖୋଳତାଡ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୨୪ କୋଭିଡ୍ ପଜିଟିଭ୍
  • ||
  • ଟି୨୦ ବିଶ୍ୱକପ : ସୁପର-୧୨ରେ ଶ୍ରୀଲଙ୍କା, ୭୦ରନରେ ଆୟରଲ୍ୟାଣ୍ଡକୁ ଦେଲା ମାତ୍
  • ||
  • +୩ରେ ଲକ୍ଷେ ସିଟ୍ ଖାଲି, ଗୁରୁବାର ସ୍ପଟ୍ ଆଡମିଶନ ପାଇଁ ଆବେଦନ
  • ||
  • ରାଜ୍ୟରେ ଖରାଟିଆ ପାଗ, ୨୩ ସୁଦ୍ଧା ଫେରିଯିବ ମୌସୁମୀ
  • ||
  • ରାଜଧାନୀରେ ରହିବନି ମୁକୁଳା ଡ୍ରେନ୍ : ଦୁଇ ପାର୍ଶ୍ୱରେ ଲାଗିବ ତାରଜାଲି, ସମ୍ପ୍ରସାରଣ ହେବ ସଙ୍କୁଚିତ ନାଳ
  • ||

ବିରାଟଙ୍କ ଅପରାଜିତ ଅର୍ଦ୍ଧଶତକ, ୮ ଓ୍ୱିକେଟରେ ବାଙ୍ଗାଲୋରଠୁ ହାରିଲା ରାଜସ୍ଥାନ

3/10/2020 at 7:21 PM

ଦୁବାଇ, ୦୩ ।୧୦:   ଆଇପିଏଲ ୨୦୨୦ରେ ଶନିବାର ମୁହାଁମୁହିଁ ହୋଇଛନ୍ତି ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଓ ରାଜସ୍ଥାନ । ଏହି ମ୍ୟାଚରେ ୮ ଓ୍ୱିକେଟରେ ବିଜୟ ଲାଭ କରିଛି ବାଙ୍ଗାଲୋର । ଟସ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିବା ରାଜସ୍ଥାନ ନିର୍ଧାରିତ ୨୦ ଓଭରରେ ୧୫୪ ରନ୍ କରିଥିଲେ । ଜବାବରେ ବାଙ୍ଗାଲୋର ବିରାଟ କୋହଲିଙ୍କ ଅପରାଜିତ ଅର୍ଧଶତକ ବଲରେ ମାତ୍ର ୨ ଓ୍ୱିକେଟ୍ ହରାଇ ଟାର୍ଗେଟ ହାସଲ କରି ନେଇଥିଲା ।

ପ୍ରଥମେ ବ୍ୟାଟିଂ କରିଥିବା ରାଜସ୍ଥାନ ପକ୍ଷରୁ ଜୋସ୍ ବଟଲର୍ ଓ ଷ୍ଟିଭ୍ ସ୍ମିଥ୍ କ୍ରିଜକୁ ଓହ୍ଲାଇଥିଲେ । ତେବେ ସ୍ମିଥ୍ ମାତ୍ର ୫ ରନ୍ କରି ପ୍ୟାଭିଲିୟମ ଫେରିଥିଲେ । ଏହାପରେ ବଟଲର୍ ମଧ୍ୟ ବଡ ସ୍କୋର କରି ନପାରି ୨୨ ରନରେ ଆଉଟ ହୋଇଥିଲେ । ସେହିପରି ସଞ୍ଜୁ ସାମସନ ମଧ୍ୟ ୪ ଓ ରବିନ ଉଥାପ୍ପା ୧୭ ରନ୍ କରି ପ୍ୟାଭିଲିୟନ ଫେରିଥିଲେ । ଦଳ ସଙ୍କଟରେ ପଡି ଯାଇଥିଲା । ତେବେ ମହିପାଲ ଲୋମୋର ଓ ରିୟାନ ପ୍ରୟାଗ ଦଳକୁ ସମ୍ମାନଜନକ ସ୍ଥିତିକୁ ନେଇ ଆଉଟ ହୋଇଥିଲେ । ଲୋମୋର ୪୭ ରନ୍ କରିଥିବା ବେଳେ ରିୟାନ ୧୬ ରନ୍ କରି ଆଉଟ ହୋଇଥିଲେ ।  ତେବେ ଶେଷଆଡକୁ ରାହୁଲ ତେଓ୍ୱାତିଆ ଓ ଜୋଫ୍ରା ଆର୍ଚର ଦ୍ରୁତ ୨୪ ଓ ୧୬ ରନ୍ କରିଥିଲେ ।  ଫଳରେ ଦଳ ନିର୍ଦ୍ଧାରିତ ୨୦ ଓଭରରେ ୬ ଓ୍ୱିକେଟ୍ ହରାଇ ୧୫୪ ରନ୍ କରିବାକୁ ସକ୍ଷମ ହୋଇଥିଲା ।

ତେବେ ବାଙ୍ଗାଲୋର ବୋଲର ଆରମ୍ଭରୁ ରାଜସ୍ଥାନ ବ୍ୟାଟସମ୍ୟାନଙ୍କ ଉପରେ ପ୍ରଭାବ ବିସ୍ତାର କରିଥିଲେ । ହାତଖୋଲି ଖେଳିବାକୁ ସୁଯୋଗ ଦେଇ ନଥିଲେ । ବାଙ୍ଗାଲୋର ପକ୍ଷରୁ ୟୁଜବେନ୍ଦ୍ର ଚହଲ ତିନୋଟି ଓ୍ୱିକେଟ୍ ନେଇଥିବା ବେଳେ ଇସୁରୁ ଉଦାନା ୨ଟି ଓ ନବଦୀପ ସାଇନି ଗୋଟିଏ ଓ୍ୱିକେଟ୍ ନେଇଥିଲେ ।

ତେବେ ୧୫୫ ରନର ବିଜୟ ଲକ୍ଷ୍ୟକୁ ପିଛା କରୁଥିବା ବାଙ୍ଗାଲୋର ସହଜରେ ଏହି ମ୍ୟାଚ୍ ଜିତି ନେଇଥିଲା । ଅଧିନାୟକ ବିରାଟ କୋହଲି ଫର୍ମକୁ ଫେରିବା ସହ ଦ୍ରୁତ ଅର୍ଧଶତକ ହାସଲ କରିଥିଲେ । ସେ ୫୩ ବଲରୁ ୭୨ ରନ୍ କରିଥିଲେ । ଅନ୍ୟମାନଙ୍କ ମଧ୍ୟରେ ଦେବଦତ ପାଡିକଲ ୬୩ ଓ ଏବି ଡିଭିଲର୍ସ ୧୨ ରନ୍ କରିଥିଲେ ।

ରାଜସ୍ଥାନ ପକ୍ଷରୁ ଜୋଫ୍ରା ଆର୍ଚର ଓ ଶ୍ରେୟସ ଆୟର ଗୋଟିଏ ଲେଖାଏଁ ଓ୍ୱିକେଟ୍ ନେଇଥିଲେ ।

   Related Posts