Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୃଷକଙ୍କ ପରି ଆମକୁ ମଧ୍ୟ ଦେବାକୁ ପଡିବ ବଳିଦାନ, ତେବେ ଯାଇ ଜାମ୍ମୁ-କାଶ୍ମୀରରେ ଲାଗୁ ହେବ ୩୭୦: ଫାରୁକ ଅବଦୁଲ୍ଲା
  • ||
  • ମଙ୍ଗଳବାର କଥା ହେବେ ପୁଟିନ୍ ଓ ବାଇଡେନ୍, ୟୁକ୍ରେନ ହେବ ମୁଖ୍ୟ ପ୍ରସଙ୍ଗ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୨କୁ ବୃଦ୍ଧି
  • ||
  • ମାଆର ସାହସ ଆଗରେ ହାରିଲା ବାଘ, ନିଜ ପୁଅକୁ ମୃତ୍ୟୁ ମୁଖରୁ ଛଡାଇ ଆଣିଲେ ମହିଳା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୭୯୬ ମୃତ
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୮୯ କରୋନା ସଂକ୍ରମିତ, ୧୦୫୦୨୪୯ରେ ପହଞ୍ଚିଲା ସଂଖ୍ୟା
  • ||
  • ୟୁକ୍ରେନ ଉପରେ ଆକ୍ରମଣ କରିବ ଋଷ ! ପୁଟିନଙ୍କ ଦେଢ ଲକ୍ଷରୁ ଅଧିକ ସୈନ୍ୟ ଅଛନ୍ତି ପ୍ରସ୍ତୁତ
  • ||
  • ଜାନୁଆରୀ-ଫେବୃଆରୀ ମଧ୍ୟରେ ଭାରତରେ ଆସିବ ତୃତୀୟ ଲହର, ଓମିକ୍ରନ୍ ସାଜିବ ବାହକ : ଦାବି କଲେ ବିଶେଷଜ୍ଞ
  • ||
  • ଚାଲିଥିଲା ଧାନ ଚୋରା ଚାଲାଣ, ୨୨୦ ବସ୍ତା ଜବତ କଲା ଯୋଗାଣ ବିଭାଗ
  • ||
  • ଜଓ୍ୱାଦ ଦୁର୍ବଳ, ଟଳିଲା ବଡ ବିପଦ : ପୁରୀଠୁ ୨୭୦ କିମି ଦୂରରେ କେନ୍ଦ୍ରୀଭୂତ
  • ||

କୋଲକାତାକୁ ହରାଇ ପଏଣ୍ଟ ତାଲିକାର ତୃତୀୟ ସ୍ଥାନରେ ବାଙ୍ଗାଲୋର, ଶୀର୍ଷରେ ମୁମ୍ବାଇ ଇଣ୍ଡିଆନ୍ସ

13/10/2020 at 4:00 PM

ଦୁବାଇ, ୧୩।୧୦:  ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ସୋମବାର ଖେଳାଯାଇଥିବା ମୁକାବିଲାରେ କୋଲକାତା ନାଇଟ ରାଇଡର୍ସଙ୍କୁ ୮୨ ରନର ବିଶାଳ ବ୍ୟବଧାନରେ ପରାସ୍ତ କରିଛି । ଏହି ମ୍ୟାଚରେ ବାଙ୍ଗାଲୋରର ଏବି ଡିଭିଲର୍ସ ମାତ୍ର ୩୩ ବଲରୁ ବିସ୍ଫୋରକ ୭୩ ରନ୍ କରିଥିଲେ । ଏହି ବିଜୟ ସହ ବାଙ୍ଗାଲୋର ୧୦ ପଏଣ୍ଟ ପାଇ ତାଲିକାର ତୃତୀୟ ସ୍ଥାନକୁ ଉତୀନ୍ନ ହୋଇଛି । ସେହିପରି ମ୍ୟାଚରେ ହାରିବା ପରେ କେକେଆର ତାଲିକାର ଚତୁର୍ଥ ସ୍ଥାନକୁ ଖସି ଆସିଛି । କେକେଆର ୮ ପଏଣ୍ଟ ପାଇଛି ।

ଆଜିଯାଏଁ ଗୋଟିଏ ହେଲେ ଆଇପିଏଲ ଟ୍ରଫି ହାସଲ କରିନଥିବା ଆରସିବି ଚଳିତ ସିଜିନରେ ଭଲ ପ୍ରଦର୍ଶନ କରିଛି । ପ୍ରଥମେ କିଛି ମ୍ୟାଚ୍ ହାରିବା ପରେ ଦଳ ଏବେ ଲାଗତର ଭାବେ ବିଜୟ ହାସଲ କରୁଛି । ଆରସିବି ଏବେ ଦିଲ୍ଲୀ କ୍ୟାପିଟାଲ୍ସ ଓ ମୁମ୍ବାଇ ଇଣ୍ଡିଆନ୍ସକୁ ମଧ୍ୟ ଚ୍ୟାଲେଞ୍ଜ୍ ଦେଉଛି ।

ଏବେସୁଦ୍ଧା ଆରସିବି ଖେଳିଥିବା ୭ଟି ମ୍ୟାଚରୁ ୫ଟିରେ ବିଜୟଲାଭ କରିଛି । ୧୦ ପଏଣ୍ଟ ଓ -୦.୧୧୬ ନେଟ୍ ରନ୍ ରେଟ୍ ସହ ଦଳ ତାଲିକାରେ ତୃତୀୟ ସ୍ଥାନରେ ପହଁଚିଛି । ସେହିପରି କୋଲକାତା ୭ଟି ମ୍ୟାଚରୁ ୪ଟିରେ ବିଜୟ ହାସଲ କରି ଚତୁର୍ଥ ସ୍ଥାନରେ ରହିଛି । କେକେଆରର ନେଟ୍ ରନ୍ ରେଟ୍ ହେଉଛି -୦.୫୭୭ ।

ପଏଣ୍ଟ ତାଲିକାର ଶୀର୍ଷରେ ରହିଛି ମୁମ୍ବାଇ ଇଣ୍ଡିଆନ୍ସ । ଦଳ ୭ଟି ମ୍ୟାଚରୁ ୫ଟିରେ ବିଜୟ ଲାଭ କରି ୧୦ ପଏଣ୍ଟ ପାଇଛି । ଦଳର ନେଟ୍ ରନ୍ ରେଟ୍ ହେଉଛି  ୧.୩୨୭ । ଦିଲ୍ଲୀ କ୍ୟାପିଟାଲର ଦ୍ୱିତୀୟ ସ୍ଥାନରେ ରହିଛି । ଦିଲ୍ଲୀର ପଏଣ୍ଟ ୧୦ ହେଲେ ମଧ୍ୟ ନେଟ୍ ରନ୍ ରେଟରେ ମୁମ୍ବାଇଠାରୁ କମ୍ ରହିଛି । ଦିଲ୍ଲୀର ନେଟ୍ ରନ ରେଟ୍ ହେଉଛି ୧.୦୩୮ ।

ଅନ୍ୟ ଟିମ୍ ମଧ୍ୟରେ ସନ ରାଇଜର୍ସ ହାଇଦ୍ରାବାଦ ପଞ୍ଚମ ସ୍ଥାନରେ, ରାଜସ୍ଥାନ ଷଷ୍ଠ, ଚେନ୍ନାଇ ସୁପର କିଙ୍ଗସ ସପ୍ତମ ଓ କିଙ୍ଗସ୍ ଏକାଦଶ ପଞ୍ଜାବ ଅଷ୍ଟମ ସ୍ଥାନରେ ରହିଛି ।  

   Related Posts