Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାଲିଅନ୍ତାରେ ଜୁଆ ଆଡ୍ଡା ଉପରେ ଚଢାଉ, ୩ ଗିରଫ
  • ||
  • ଅନୁଗୋଳରେ କଣ୍ଟେନର-ଟ୍ରକ୍ ମୁହାଁମୁହିଁ ଧକ୍କା, ଟ୍ରକ୍ ଚାଳକ ମୃତ
  • ||
  • ଚାନ୍ଦବାଲିରେ ଟ୍ରେନ୍ ଲାଇନ୍‌ରୁ ମିଳିଲା ନାବାଳକଙ୍କ ମୃତଦେହ
  • ||
  • ପୁରୀରେ ୪ ବ୍ରାଉନସୁଗାର ବେପାରୀ ଗିରଫ, ୫.୩୨ ଗ୍ରାମ୍ ବ୍ରାଉନସୁଗାର ଜବତ
  • ||
  • ଅନୁଗୋଳରେ କଣ୍ଟେନର-ଟ୍ରକ୍ ମୁହାଁମୁହିଁ ଧକ୍କା, ଟ୍ରକ୍ ଚାଳକ ମୃତ
  • ||
  • ଷ୍ଟାଫ୍‌ନର୍ସ ମୌସୁମୀ ମିଶ୍ରଙ୍କ ସନ୍ଦେହଜନକ ମୃତ୍ୟୁ, ସହକର୍ମୀ କହିଲେ, ‘ତାଙ୍କୁ ହତ୍ୟା କରାଯାଛି’
  • ||
  • ଦିଲ୍ଲୀରେ ଭାଇ-ଭାଉଜଙ୍କୁ ହାଣି ଫିଙ୍ଗିଦେଲା ସାନ ଭାଇ, ୬୦କି.ମି. ଦୂରରୁ ଉଦ୍ଧାର ହେଲା ମୃତଦେହ
  • ||
  • ଯାଜପୁରରେ କାର୍‌-ଟ୍ରକ୍‌ ମୁହାଁମୁହିଁ ଧକ୍କା, ଯନ୍ତ୍ରୀଙ୍କ ସହ ଚାଲିଗଲା ୨ ଜଣଙ୍କ ଜୀବନ, ୨ ଗୁରୁତର
  • ||
  • ପଶ୍ଚିମବଙ୍ଗ-ବାଂଲାଦେଶକୁ ମୁହାଁଇଲା ଭୀଷଣ ଅବପାତ, ୫ ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷା ସମ୍ଭାବନା
  • ||
  • ମୁମ୍ବାଇ ସିଟି ସେଣ୍ଟର ମଲ୍‌ରେ ଭୟାବହ ଅଗ୍ନିକାଣ୍ଡ, ମଲ୍‌ରେ ଥିଲେ ପ୍ରାୟ ୩୦୦ ଲୋକ
  • ||

ସୁପ୍ରିମକୋର୍ଟରେ ପକ୍ଷ ରଖିଲେ ଆରବିଆଇ, କହିଲେ- ‘ଲୋନ ମୋରାଟୋରିୟମ ଅବଧି ବଢାଇବା ଆଉ ସମ୍ଭବ ନୁହେଁ’

10/10/2020 at 3:52 PM

ନୂଆଦିଲ୍ଲୀ ୧୦।୧୦: ଭାରତୀୟ ରିଜର୍ଭ ବ୍ୟାଙ୍କ(ଆରବିଆଇ) ଲୋନ ମୋରାଟୋରିୟମ ମାମଲାରେ ସୁପ୍ରିମକୋର୍ଟରେ ନୂତନ ସତ୍ୟପାଠ ଦାଖଲ କରିଛି। ଏଥିରେ ଆରବିଆଇ ନିଜର ପକ୍ଷ ରଖି କହିଛି କରୋନା ଭାଇରସ୍ ମହାମାରୀରେ  ପ୍ରଭାବିତ  କ୍ଷେତ୍ରକୁ ଅଧିକ ରିଲିଫ୍ ଦେବା ସମ୍ଭବ ନୁହେଁ। ବ୍ୟାଙ୍କ ଏହା ମଧ୍ୟ କହିଛି ଲୋନ ମୋରେଟୋରିୟମକୁ ଛଅ ମାସରୁ ଅଧିକ ସମୟ ବଢାଇବା ସମ୍ଭବ ନୁହେଁ। ଛଅ ମାସରୁ ଅଧିକ ଲମ୍ବା ମୋରାଟୋରିୟମ ଲୋନ ନେଇଥିବା ବ୍ୟକ୍ତିଙ୍କ କ୍ରେଡିଟ୍ ସ୍କୋରକୁ ପ୍ରଭାବିତ କରିପାରେ। ଏହାର ପରିଣାମସ୍ଵରୂପ ସମଗ୍ର ଋଣ ଅନୁଶାସନକୁ ସମାପ୍ତ କରାଯାଇପାରେ। ଏମିତି ହେଲେ ଅର୍ଥବ୍ୟବସ୍ଥାରେ ଋଣ ନିର୍ମାଣର ପ୍ରକ୍ରିୟା ଉପରେ ଗୁରୁତର ପ୍ରଭାବ ପଡିବ। ଏଥିରେ ଛୋଟ ଛୋଟ ଋଣ ନେଇଥିବା ଲୋକଙ୍କ ଉପରେ ନକରାତ୍ମକ ପ୍ରଭାବ ପଡିବ। କାରଣ କ୍ରେଡିଟ୍‌ ସ୍କୋର ଆଧାରରେ ହିଁ ଋଣ ଦେଉଥିବା ସଂସ୍ଥା ସେମାନଙ୍କୁ ପରବର୍ତ୍ତୀ ସମୟରେ ଋଣ ଦେବେ।

ଲୋନ ମୋରାଟୋରିୟମ ମାମଲାରେ ସୁପ୍ରିମକୋର୍ଟରେ ଆଗାମୀ ଶୁଣାଣି ଅକ୍ଟୋବର ୧୩ରେ ହେବ। ସୁପ୍ରିମକୋର୍ଟ ଗତ ସୋମବାର କହିଛନ୍ତି ସୁଧ ଉପରେ ସୁଧ ଛାଡକୁ ନେଇ କେନ୍ଦ୍ର ଦ୍ଵାରା ଦାଖଲ ସତ୍ୟପାଠ ସନ୍ତୋଷଜନକ ନୁହେଁ। କୋର୍ଟ ପୁଣି ଥରେ କେନ୍ଦ୍ର ସରକାର ଓ ଭାରତୀୟ ରିଜର୍ଭ ବ୍ୟାଙ୍କକୁ ନୂତନ ସତ୍ୟପାଠ ଦାଖଲ କରିବାକୁ ସର୍ବୋଚ୍ଚ ନ୍ୟାୟାଳୟ କହିଛନ୍ତି। ପ୍ରଥମ ଦାଖଲ ସତ୍ୟପାଠରେ କେନ୍ଦ୍ର ସରକାର ୨ କୋଟି ଟଙ୍କା ପର୍ଯ୍ୟନ୍ତ ଋଣ ଉପରେ ସୁଧ ଛାଡ କରିବ ବୋଲି କହିଥିଲା। ଏହାର ବୋଝ ନିଜେ କେନ୍ଦ୍ର ସରକାର ବହନ କରିବେ। ଏଥିରେ ସରକାରଙ୍କ ଉପରେ ଅତିରିକ୍ତ ୫୦୦୦ ରୁ ୭୦୦୦ କୋଟି ଟଙ୍କା ବୋଝଭାର ପଡିବ।

ସର୍ବୋଚ୍ଚ ନ୍ୟାୟାଳୟ ମାର୍ଚ୍ଚ ଓ ଅଗଷ୍ଟ ୩୧ ମଧ୍ୟରେ ମାସିକିଆ କିସ୍ତି ପୈଠ ଉପରେ ସୁଧ ଛାଡ କରିବା ଦାବିରେ ଦାଖଲ ଆବେଦନ ଉପରେ ଶୁଣାଣି କରିଛି। କୋଭିଡ୍-୧୯ ମହାମାରୀ କାରଣରୁ ଘୋଷିତ ଲକ୍‌ଡାଉନ୍‌କୁ ଆଖି ଆଗରେ ରଖି ଆରବିଆଇ ମୋନେଟୋରିୟମ ଘୋଷଣା କରିଥିଲା।

   Related Posts