ନୂଆଦିଲ୍ଲୀ ୨୨।୦୫: ଦେଶର ଅର୍ଥନିୀତି ନେଇ ଚିନ୍ତା ପ୍ରକାଶ କରିଛି RBI । ଅର୍ଥମନ୍ତ୍ରୀ ୨୦ଲକ୍ଷ ଟଙ୍କାର ପ୍ୟାକେଜ୍ ଘୋଷଣା କରିବା ପରେ ଏବେ ରିଜର୍ଭ ବ୍ୟାଙ୍କ ଅଫ ଇଣ୍ଡିଆ ଆର୍ଥିକ ନୀତି ନେଇ କିଛି ବଡ଼ ଘୋଷଣା କରିଛି । ରେପୋରେଟ୍ ରେ ୪୦ ବେସିସ୍ ପଏଣ୍ଟ ହ୍ରାସ ନେଇ ଘୋଷଣା କରିଛି RBI । ଏହା ସହିତ ଋଣ କିସ୍ତି ଉପରେ ୩ ମାସର ଅତିରିକ୍ତ ରିହାତି ଦିଆଯାଇଛି। ଅର୍ଥାତ୍ ଯଦି ଆପଣ ଆଗାମୀ ୩ ମାସ ପାଇଁ ତୁମର ଋଣର ଇଏମ୍ଆଇ ନ ଦିଅନ୍ତି, ତେବେ ବ୍ୟାଙ୍କ ପକ୍ଷରୁ କୌଣସି ଚାପ ପକାଇଯିବ ନାହିଁ ।
ରେପୋରେଟ୍ ୪.୪% ରୁ ହ୍ରାସ ପାଇ ୪% ହେବା ଫଳରେ EMI କିସ୍ତି ଶସ୍ତା ହେବ । ତେବେ ରିଭର୍ସ ରେପୋରେଟ୍ ରେ କୌଣସି ପରିବର୍ତ୍ତନ ହୋଇନାହିଁ । ୬ ବଡ଼ ରାଜ୍ୟରେ ଶିଳ୍ପ ଉତ୍ପାଦନ ବନ୍ଦ ହୋଇଛି । କରୋନା ସ୍ଥିତି ଯୋଗୁ ଆର୍ଥିକ ବ୍ୟବସ୍ଥାରେ ବଡ଼ କ୍ଷତି ହୋଇଛି । ବିଜୁଳି ଏବଂ ପେଟ୍ରୋଲିୟମ ଚାହିଦା ବେଶ କମିଛି । ଚଳିତ ବର୍ଷ ମୌସୁମୀ ସ୍ବାଭାବିକ ରହିବା ଅନୁମାନ କରାଯାଉଛି। କୃଷି ଉତ୍ପାଦନ ବୃଦ୍ଧି ହେଲେ ସମସ୍ତଙ୍କୁ ଫାଇଦା ମିଳିବ ବୋଲି RBI ଆଶା ପ୍ରକାଶ କରିଛି । ଲକଡାଉନରେ ଏହା ଦ୍ୱିତୀୟ ଥର ଯେତେବେଳେ ଆରବିଆଇ ରେପୋ ହାରରେ ପରିବର୍ତ୍ତନ କରିଛନ୍ତି | ଏହାପୂର୍ବରୁ ମାର୍ଚ୍ଚ ୨୭ ରେ ଆରବିଆଇ ଗଭର୍ଣ୍ଣର ୦.୭୫ ପ୍ରତିଶତ ହ୍ରାସ ଘୋଷଣା କରିଥିଲେ। ଏଥର ବ୍ୟାଙ୍କଗୁଡ଼ିକ ଋଣ ଉପରେ ସୁଧ ହାର ହ୍ରାସ କରିଛନ୍ତି। ଏହା ସ୍ପଷ୍ଟ ଯେ, ଏହି କାରଣରୁ, ଇଏମ୍ଆଇ ମଧ୍ୟ ପୂର୍ବ ତୁଳନାରେ ହ୍ରାସ ପାଇଛି ।
