Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାତ୍ୟା ଅପ୍‌ଡେଟ୍‌: ସାମ୍ଭାବ୍ୟ ବାତ୍ୟାକୁ ଦୃଷ୍ଟିରେ ରଖି ବାତିଲ୍‌ ହେଲା ଟ୍ରେନ୍‌
  • ||
  • ଶେଷରେ ରଦ୍ଦ ହେଲା ତିନି କୃଷି ଆଇନ, ବିଧେୟକ ଉପରେ ମୋହର ମାରିଲେ ରାଷ୍ଟ୍ରପତି ରାମନାଥ କୋବିନ୍ଦ
  • ||
  • ପଞ୍ଜାବ ନିର୍ବାଚନ ପୂର୍ବରୁ ବିଜେପିକୁ ବଡ଼ ସଫଳତା, ପଦ୍ମ ଧରିଲେ ଶିରୋମଣି ଅକାଳି ଦଳର ମନଜିନ୍ଦର ସିଂହ
  • ||
  • ନୂଆ କୋଭିଡ୍‌ ଭାରିଆଣ୍ଟକୁ ନେଇ ସଚେତନ ରହିବାକୁ ଅପିଲ୍‌ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||
  • ଜୁନିୟର ହକି ବିିଶ୍ୱକପ୍‌: ସେମିରେ ପ୍ରବେଶ କଲା ଫ୍ରାନ୍ସ
  • ||
  • ବଙ୍ଗୋମୁଣ୍ଡା ଆଇଆଇସିଙ୍କୁ କୋର୍ଟ ଚାଲାଣ କଲା ଭିଜିଲାନ୍ସ
  • ||
  • ଖଣ୍ଡପଡା : କଲେଜ ସମ୍ମୁଖରୁ ୨ ଛାତ୍ରୀଙ୍କୁ ଉଠାଇନେଲେ ଦୁର୍ବୃତ୍ତ, ପ୍ରତିବାଦରେ ଛାତ୍ରଛାତ୍ରୀଙ୍କ ରାସ୍ତାରୋକ
  • ||
  • ଭୁବନେଶ୍ବର : ୪ କୋଚ୍‌ଙ୍କୁ ବାଧ୍ୟତାମୂଳକ ଅବସର, ଅପାରଗତା ଓ ଦାୟିତ୍ବରେ ଅବହେଳା ପାଇଁ କାର୍ଯ୍ୟାନୁଷ୍ଠାନ
  • ||
  • ଗ୍ରାହକଙ୍କୁ ପୁଣି ମହଙ୍ଗା ମାଡ, ସିଲିଣ୍ଡର ପିଛା ୧୦୦ ଟଙ୍କା ବଢିଲା
  • ||
  • ସାନଖେମୁଣ୍ଡି : ବିଲରେ ପଡିଛି ନରକଙ୍କାଳ, ଧାନ କାଟିବା ବେଳେ ଦେଖିଲେ ଲୋକେ
  • ||

ପେଟିଏମ ପେମେଣ୍ଟ ବ୍ୟାଙ୍କକୁ RBIଙ୍କ ଜରିମନା ନିର୍ଦ୍ଦେଶ, ଜାଣନ୍ତୁ ଫାଇନ ଲାଗିଛି କେତେ?

21/10/2021 at 2:35 PM

ମୁମ୍ବାଇ ୨୧।୧୦:  ଭାରତୀୟ ରିଜର୍ଭ ବ୍ୟାଙ୍କ (ଆରବିଆଇ) ନିୟମ ଉଲ୍ଲଂଘନ ଲାଗି ପେଟିଏମ ପେମେଣ୍ଟ ବ୍ୟାଙ୍କ( ପିପିବିଏଲ)କୁ ଜରିମନା ନିର୍ଦ୍ଦେଶ ଦେଇଛନ୍ତି। ଆରବିଆଇଙ୍କ ପେମେଣ୍ଟ ଏଣ୍ଡ ସେଟେଲମେଣ୍ଟ ସିଷ୍ଟମ ଆକ୍ଟ ୨୬(୨)ର ଉଲ୍ଲଂଘନ ଲାଗି ପିପିବିଏଲକୁ ୧ କୋଟି ଟଙ୍କା ଜରିମନା ନିର୍ଦ୍ଦେଶ ଦିଆଯାଇଛି। ମାମଲାରେ ଆରବିଆଇ ଏକ ବୟାନ ମଧ୍ୟ ଜାରି କରିଛନ୍ତି। ଏଥିରେ ଚୂଡ଼ାନ୍ତ ପ୍ରାଧିକରଣ ସାର୍ଟିଫିକେଟ୍ ପ୍ରଦାନ ନିମନ୍ତେ ପିପିବିଏଲଙ୍କ ଆବେଦନ ଯାଞ୍ଚ କରିବା ବେଳେ ପ୍ରଦତ ତଥ୍ୟ ବାସ୍ତବିକତାକୁ ଦର୍ଶାଉ ନଥିବା ଜଣାପଡିଥିଲା। 

ପିପିବିଏଲଙ୍କ ତଥ୍ୟ ପେମେଣ୍ଟ ଏଣ୍ଡ ସେଟେଲମେଣ୍ଟ ସିଷ୍ଟମ ଆକ୍ଟ ଧାରା ୨୬(୨) ସ୍ପଷ୍ଟ ଉଲ୍ଲଂଘନ ବୋଲି ବୁଝା ଯାଇଥିବା। ଏଣୁ ଆରବିଆଇ ନୋଟିସ୍ ଜାରି କରିଥିଲେ। ବ୍ୟକ୍ତିଗତ ଶୁଣାଣିରେ ଗ୍ରହଣ କରାଯାଇଥିବା ଲିଖିତ ଉତ୍ତର ଓ ମୌଖିକ ସୂଚନା ସମୀକ୍ଷା ପରେ ଆରବିଆଇଙ୍କ ଅଭିଯୋଗ ସତ୍ୟାପିତ ହୋଇଛି। ଏଣୁ ପିପିବିଏଲ ଉପରେ ୧ କୋଟି ଟଙ୍କା ଜରିମନା ଲାଗି ନିର୍ଦ୍ଦେଶ ଦିଆଯାଇଛି। ସେହିପରି ଆରବିଆଇ ଅନ୍ୟଏକ ମାମଲାରେ ୱେଷ୍ଟର୍ଣ୍ଣ ୟୁନିୟନ ଆର୍ଥିକ ସେବା ବିରୋଧରେ ମଧ୍ୟ କାର୍ଯ୍ୟାନୁଷ୍ଠାନ କରିଛନ୍ତି।

ଏହି ଆର୍ଥିକ ସେବା ବିରୋଧରେ ୨୭.୮ ଲକ୍ଷ ଟଙ୍କା ଜରିମନା କରାଯାଇଛି। ମନି ଟ୍ରାନ୍ସଫର ସ୍କିମ୍ (ଏମଟିଏସଏସ୍)ରେ ୱେଷ୍ଟର୍ଣ୍ଣ ୟୁନିୟନ ନିୟମ ଉଲ୍ଲଂଘନ କରିଥିବାର ଆରବିଆଇଙ୍କ ନଜରକୁ ଆସିଥିଲା। କୌଣସି ଏକ ଆର୍ଥିକ ବର୍ଷରେ ୩୦ଟି ରିମିଟାନ୍ସ ନିମନ୍ତେ ଅନୁମତି ଲାଗି ୱେଷ୍ଟର୍ଣ୍ଣ ୟୁନିୟନ ବିରୋଧରେ ଏହି କାର୍ଯ୍ୟାନୁଷ୍ଠାନ ହୋଇଛି। ନିକଟ ଅତୀତରେ ଆରବିଆଇ ଭାରତୀୟ ଷ୍ଟେଟବ୍ୟାଙ୍କ (ଏସବିଆଇ)ଙ୍କୁ ମଧ୍ୟ ଜରିମନା କରିଥିଲେ। ଆରବିଆଇଙ୍କ ନିୟାମକୀୟ ନିର୍ଦ୍ଦେଶ ପାଳନରେ ଅବହେଳା ଲାଗି ଏସବିଆଇଙ୍କ ଉପରେ କେନ୍ଦ୍ରୀୟ ବ୍ୟାଙ୍କ ୧ କୋଟି ଟଙ୍କା ଜରିମନା କରିଥିଲେ। 

   Related Posts