Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଯାଜପୁର ରୋଡ୍ : ଉପ-କାରାଗାରରେ ବିଚାରାଧୀନ କଏଦୀଙ୍କ ଆତ୍ମହତ୍ୟା, କାରଣ ଅସ୍ପଷ୍ଟ
  • ||
  • ଢେଙ୍କାନାଳ : ଜଙ୍ଗଲୀ ଜନ୍ତୁକୁ ମାରି ମାଂସ ଭାଗବଣ୍ଟା କଲେ, ଭାଗ ଛିଡିଲାନି ବୋଲି ଜଣଙ୍କୁ ମାରିଦେଲେ, ଅଭିଯୁକ୍ତ ଫେରାର
  • ||
  • ଚଣ୍ଡିଖୋଲ : କ୍ୟାବିନରୁ ୨ଶହ ଲିଟର ଡିଜେଲ ଜବତ, ଜଣେ ଗିରଫ
  • ||
  • ପଟ୍ଟାମୁଣ୍ଡାଇ : ନଦୀରେ ଭାସୁଛି କୁମ୍ଭୀରର ମୃତଦେହ, ମୃତ୍ୟୁର କାରଣ ଅସ୍ପଷ୍ଟ
  • ||
  • ଭଦ୍ରକ : ଗାଁ ମୁହାଁ ହାତୀ ପଲ, ଭୟଭୀତ ଗ୍ରାମବାସୀ, ପଡିଲା ତାଟି କବାଟ
  • ||
  • ମନ୍ଦିର ନିକଟରେ ପଡିଛି ଅଜଣା ଯୁବକ ମୃତଦେହ, ହତ୍ୟା ନା ଆଉ କିଛି ?
  • ||
  • କମୁଛି ମୃତ୍ୟୁସଂଖ୍ୟା : ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୩୮ ଜଣଙ୍କ ଜୀବନ
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୨୯୫୭ କୋଭିଡ୍ ପଜିଟିଭ୍ ଚିହ୍ନଟ
  • ||
  • ଅମାନବୀୟ : ଗୋଡାଇବାରୁ କୁକୁରକୁ ହତ୍ୟା, ଜଣେ ଗିରଫ
  • ||
  • ସ୍ନାନ ପୂର୍ଣ୍ଣିମା ପାଇଁ ପୁରୀରେ ୧୪୪ ଧାରା, ଆସନ୍ତାକାଲି ରାତି ୧୦ଟାରୁ ୨୫ ତାରିଖ ଭୋର ୨ଟା ପର୍ଯ୍ୟନ୍ତ କଟକଣା ଲାଗୁ
  • ||

ରାଜି ହେଲା ଆରବିଆଇ ; ଆର୍ଥିକ କ୍ଷେତ୍ରରେ ଋଣ ନିୟମ ହେବ କୋହଳ

20/11/2018 at 11:43 AM

ନୂଆଦିଲ୍ଲୀ ୨୦|୧୧:  ଆରବିଆଇ ବୋର୍ଡ ବୈଠକରେ ସରକାର ଓ ସର୍ବୋଚ୍ଚ ବ୍ୟାଙ୍କ ମଧ୍ୟରେ ରହିଥିବା ସବୁ ବିବାଦୀୟ ପ୍ରସଙ୍ଗର ସମାଧାନ ପାଇଁ ସହମତି ପ୍ରକାଶ ପାଇଛି। ଆର୍ଥିକ କ୍ଷେତ୍ରପାଇଁ ଅଧିକ ଅର୍ଥ ଏବଂ ଏମଏସଏମଇ ପାଇଁ ଅଧିକ ଋଣ ଦେବାକୁ ରାଜି ହୋଇଛନ୍ତି ସର୍ବୋଚ୍ଚ ବ୍ୟାଙ୍କ।

ଆରବିଆଇ ଭଣ୍ଡାରରୁ ବଳକା ଅର୍ଥ ସରକାରଙ୍କୁ ଦେବା ଲାଗି ରାଜି ହେଲା । ଆର୍ଥିକ କ୍ଷେତ୍ରରେ ଋଣ ନିୟମରେ କୋହଳ କରିବା ସହ ଏମଏସଏମଇ ପାଇଁ ଅଧିକ ଋଣ ଦେବାକୁ ସରକାରଙ୍କ ସହ ସହମତ ହୋଇଛି ।  ଆରବିଆଇ ଏବଂ ସରକାରଙ୍କ ମଧ୍ୟରେ ମତପାର୍ଥକ୍ୟ ନେଇ ଜୋରଦାର ହୋହଲ୍ଲା ହୋଇଥିବା ବେଳେ ଆରବିଆଇର ଧାରା ୭ ଲାଗୁ କରିବା ଲାଗି ଧମକ ଦେଇଥିଲେ କେନ୍ଦ୍ର ସରକାର ।  ଯାହା ଅନୁଯାୟୀ ସରକାରଙ୍କ ନିର୍ଦ୍ଦେଶ ମାନିବାକୁ ସର୍ବୋଚ୍ଚ ବ୍ୟାଙ୍କ ବାଧ୍ୟ । ବିବାଦ ଗୁମୁରି ଗୁମୁରି ରହିଥିବା ବେଳେ ବସିଥିଲା ଆରବିଆଇର ବୋର୍ଡ ବୈଠକ।  ଏଥିରେ ଅନେକ ବିବାଦୀୟ ପ୍ରସଙ୍ଗର ସମାଧାନ ପାଇଁ ସହମତି ପ୍ରକାଶ ପାଇଛି।  ଏଥର ବଳକା ଅର୍ଥକୁ ହସ୍ତାନ୍ତର କରିବାଲାଗି ସର୍ବୋଚ୍ଚ ବ୍ୟାଙ୍କ ଏକ କମିଟି ଗଠନ କରିବ । ଲଘୁ ଉଦ୍ୟୋଗରେ ୨୫ କୋଟି ଟଙ୍କା ପର୍ଯ୍ୟନ୍ତ ଋଣ ପୁନର୍ବିନ୍ୟାସ ପାଇଁ ଆରବିଆଇ ପ୍ରସ୍ତାବ ଉପରେ ବିଚାର କରିବ କହିଛି । ଏଥିସହିତ  ଖୋଲାବଜାର କାରବାର ମାଧ୍ୟମରେ ନଭେମ୍ବର ୨୨ସୁଦ୍ଧା ୮ ହଜାର କୋଟି ଟଙ୍କା ଛାଡିବାକୁ ଆରବିଆଇ ରାଜି ହୋଇଛି।

ବୈଠକରେ ଇକୋନୋମିକ୍ କ୍ୟାପିଟାଲ ଫ୍ରେମୱାର୍କ ଇସିଏଫ ନେଇ ଆଲୋଚନା ହୋଇଛି। ଏଥିପାଇଁ ଏକ କମିଟି ଗଠନ କରାଯିବ। ଏହି କମିଟିର ସଦସ୍ୟ, ସରକାର ଏବଂ ଆରବିଆଇ ମିଳିତଭାବେ ଆର୍ଥିକ ବ୍ୟାପାର ସମ୍ପର୍କରେ ନିଷ୍ପତ୍ତି ବୋଲି  ସ୍ଥିର ହୋଇଛି । ଆରବିଆଇର ଫାଇନାନସିଆଲ ସୁପରଭିଜନ ବୋର୍ଡ ପ୍ରମ୍ପଟ ଆକ୍ସନ ପିସିଏ ଫ୍ରେମୱାର୍କ ଏହାର ତଦାରଖ କରିବ । ଆରବିଆଇ ବଳକା ଅର୍ଥକୁ ସରକାରଙ୍କୁ ଦେବାକୁ ରାଜି ହେବାପରେ ମୋଦି ସରକାରଙ୍କ ବଜେଟ ଲକ୍ଷ୍ୟ ହାସଲ କରିବାର ବାଟ ସଫା ହୋଇଛି ।

   Related Posts