Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଳାହାଣ୍ଡି : ମମିତା ମେହେର ହତ୍ୟା ଘଟଣା : ମହାଲିଙ୍ଗ୍ ଷ୍ଟାଡିୟମ୍‌ରେ ଅନୁଧ୍ୟାନ କଲେ ମହିଳା କମିଶନ ଅଧ୍ୟକ୍ଷା
  • ||
  • ଭୁବନେଶ୍ବର : ପୁରୀ ନୀଳାଚଳ ହୋଟେଲ ବିକ୍ରି ପାଇଁ ଚାଲିଥିଲା ଯୋଜନା, ୫୦ଲକ୍ଷ ଟଙ୍କା ହେରଫେର ଅଭିଯୋଗରେ ଜଣେ ଗିରଫ
  • ||
  • ଭୁବନେଶ୍ବର : ଶସ୍ତା ରାଜନୀତି କରୁଛି ବିଜେପି, ମମିତା ମେହେର ପ୍ରସଙ୍ଗକୁ ରାଜନୀତିର ରୂପ ଦିଆଯାଉଛି : ବିଜେଡି
  • ||
  • ଭଦ୍ରକ : ଏକତରଫା ପ୍ରେମ : ନାବାଳିକା ଯାଉଥିବା ବାଇକ୍‌କୁ ଗୋଇଠା ମାରି ଗଡାଇଦେଲେ ଯୁବକ, ଏସ୍‌ପିଙ୍କ ଦ୍ବାରସ୍ଥ ହେଲେ ମା’
  • ||
  • ବାରଙ୍ଗ : ନନ୍ଦନକାନନରେ ବିରଳ ହିମାଳୟ ଅଣ୍ଡିରା ଭାଲୁ ‘ମୋତି’ର ମୃତ୍ୟୁ, ୫କୁ ଖସିଲା ସଂଖ୍ୟା
  • ||
  • ଫୁଲବାଣୀ : କନ୍ଧମାଳକୁ ଛୁଇଁଲା ପହିଲି ଶୀତ, କୁହୁଡି ଚାଦରରେ ଢାଙ୍କି ହେଲାଣି ସହର
  • ||
  • କେନ୍ଦୁଝର : ଶିଶୁ କନ୍ୟାର ଉଲଗ୍ନ ମୃତଦେହ ଉଦ୍ଧାର, ବୁଧବାରଠୁ ଝୁମର ନାଚ ଦେଖିବାକୁ ଯାଇ ନିଖୋଜ ଥିଲେ
  • ||
  • ପାକିସ୍ତାନ ବିପକ୍ଷରେ ଭାରତ ଫେଭରେଟ୍, ବିଜୟ ସମ୍ଭାବନା ଅଧିକ : ଅନୁମାନ ଲଗାଇଲେ ମହମ୍ମଦ ଅମିର
  • ||
  • କଣ୍ଟାବାଞ୍ଜି : ଝରଣୀ ଗାଁରେ ମମିତା ମେହେରଙ୍କ ପରିବାରକୁ ଭେଟିଲେ ରାଜ୍ୟ ମହିଳା ଆୟୋଗ ଅଧ୍ୟକ୍ଷାଙ୍କ ସହ ୪ଜଣିଆ ଟିମ୍
  • ||
  • ପନିପରିବା ଖାଇଦେଉଛନ୍ତି ବାର୍‌ହା, ଚିନ୍ତାରେ ଚାଷୀ
  • ||

ଆସିଷ୍ଟାଣ୍ଟ କଲେକ୍ଟର କାହିଁକି କଲେ ଆତ୍ମହତ୍ୟା ? ଜିଲ୍ଲାପାଳଙ୍କୁ ଦାୟୀ କଲେ ସମ୍ପର୍କୀୟ

24/03/2019 at 6:48 PM

ରାୟଗଡା ୨୪|୩: ରାୟଗଡା ଉପ-ଜିଲ୍ଲାପାଳଙ୍କ କାର୍ଯ୍ୟାଳୟର ସହକାରୀ କଲେକ୍ଟର ଶିବ ପ୍ରସାଦ ପାଣିଗ୍ରାହୀଙ୍କ ଆତ୍ମହତ୍ୟା ଅଭିାଯୋଗ । ଆଜି ସକାଳେ କୌଣସି କାରଣରୁ ମାତ୍ରାଧିକ କୁଇନାଇନ୍ ବଟିକା ଖାଇ ସେ ଗୁରୁତର ଅସୁସ୍ଥ ହୋଇପଡିଥିଲେ । ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି । ଉପରିସ୍ଥ ଅଧିକାରୀଙ୍କ ଚାପରେ ଅତିଷ୍ଠ ହୋଇ ସେ ଏଭଳି ପଦକ୍ଷେପ ନେଇଥିବା ତାଙ୍କ ସଂପର୍କୀୟ ଅଭିଯୋଗ କରିଥିବା ବେଳେ ଜିଲ୍ଲାପାଳ ଏବଂ ଅତିରିକ୍ତ ଜିଲ୍ଲାପାଳ ଏହାକୁ ଅସ୍ବୀକାର କରିଛନ୍ତି ।

କ’ଣ ହୋଇପାରେ ସହକାରୀ ଜିଲ୍ଲାପାଳଙ୍କ ମୃତ୍ୟୁର କାରଣ ? କେଉଁ କାରଣରୁ ମାତ୍ରାଧିକ କୁଇନାଇନ୍ ଖାଇଲେ ବରିଷ୍ଠ ORS ଅଧିକାରୀ ? କର୍ମ କ୍ଷେତ୍ରର ଚାପ ନା ପାରିବାରିକ ସମସ୍ୟା ? ରାୟଗଡ଼ା ଉପଜିଲ୍ଲାପାଳଙ୍କ କାର୍ଯ୍ୟାଳୟର ସହକାରୀ ଜିଲ୍ଲାପାଳ ଶିବ ପ୍ରସାଦ ପାଣିଗ୍ରାହୀଙ୍କ ଆତ୍ମହତ୍ୟାକୁ ନେଇ ଏମିତି ପ୍ରଶ୍ନ ଉଠିଛି । ରବିବାର ସକାଳେ ସରକାରୀ ବାସଭବନରେ ମାତ୍ରାଧିକ କୁଇନାଇନ୍ ଖାଇ ଅସୁସ୍ଥ ହୋଇପଡିଥିଲେ ଶିବ ପ୍ରସାଦ । ତାଙ୍କୁ ତୁରନ୍ତ ରାୟଗଡ଼ା ହସ୍ପିଟାଲରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କର ମୃତ୍ୟୁ ହୋଇଛି । ଅଫିସ୍ ରେ କାର୍ଯ୍ୟଚାପରେ ଅତିଷ୍ଠ ହୋଇ ସେ ଏଭଳି ଚରମ ପଦକ୍ଷେପ ନେଇଥିବା ତାଙ୍କ ସଂପର୍କୀୟ ଅଭିଯୋଗ କରିଛନ୍ତି । ଏଥିପାଇଁ ଅତିରିକ୍ତ ଜିଲ୍ଲାପାଳ ସୁଧାକର ଶବରଙ୍କୁ ଦାୟୀ କରାଯାଇଛି ।

୩ ବର୍ଷ ହେଲା ରାୟଗଡ଼ାରେ କାର୍ଯ୍ୟରତ ଥିଲେ ୫୬ ବର୍ଷିୟ ଶିବ ପ୍ରସାଦ । ତହସିଲଦାର ଓ ପରେ ସହକାରୀ ଜିଲ୍ଲାପାଳ ହୋଇଥିଲେ । ଏବେ ନିଜାରତ୍, ନିର୍ବାଚନ ସହ ୩ ଟି ଗୁରୁତ୍ବପୂର୍ଣ୍ଣ ଦାୟିତ୍ବରେ ଥିଲେ । ୩ ଝିଅଙ୍କ ମଧ୍ୟରୁ ୨ ଜଣ ବିବାହିତ । ସେମିତି କିଛି ପାରିବାରିକା ଅଶାନ୍ତି ବା ସମସ୍ୟା ନଥିଲା ବୋଲି ସଂପର୍କୀୟ କହିଛନ୍ତି । ସେପଟେ ମାନସିକ ଚାପ କଥାକୁ ଅସ୍ବୀକାର କରିଛନ୍ତି ଅତିରିକ୍ତ ଜିଲ୍ଲାପାଳ । ଜିଲ୍ଲାପାଳ ପ୍ରମୋଦ କୁମାର ବହେରା ମଧ୍ୟ ଅଭିଯୋଗକୁ ଖଣ୍ଡନ କରିଛନ୍ତି । ତେବେ ଘଟଣାର ତଦନ୍ତ କରାଯିବ ବୋଲି ଜିଲ୍ଲାପାଳ କହିଛନ୍ତି ।

ଅତ୍ୟଧିକ କର୍ମଚାପ ବା ଉପରିସ୍ଥ ଅଧିକାରୀଙ୍କ ଚାପ ସହିନପାରି ଆତ୍ମହତ୍ୟା କରିବା ନୂଆ ନୁହେଁ । ପୂର୍ବରୁ ୨୦୧୫ ଫେବୃଆରୀରେ ତତ୍କାଳୀନ ଜିଲ୍ଲା ମଙ୍ଗଳ ଅଧିକାରୀ ଧନେଶ୍ବର ପୃଷ୍ଟି ନିଜ କାର୍ଯ୍ୟାଳୟରେ ଆତ୍ମହତ୍ୟା କରିଥିଲେ ।ସୁଇସାଇଡ ନୋଟରେ ତତ୍କାଳୀନ ଜିଲ୍ଲାପାଳଙ୍କୁ ଦାୟୀ କରିଥିଲେ । ତେଣୁ ଶିବପ୍ରସାଦଙ୍କ ସଂପର୍କୀୟ ଆଣିଥିବା ଅଭିଯୋଗର ଉପଯୁକ୍ତ ତଦନ୍ତ ହେଲେ ସତ ପଦାକୁ ଆସିପାରନ୍ତା ।

   Related Posts