Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଜେଟ୍‌ ଡେ’ରେ ପାର୍ଲାମେଣ୍ଟ ଚଲୋ: ଆନ୍ଦୋଳନକାରୀ କୃଷକ ଦେଲେ ଡାକରା
  • ||
  • ଚିନ୍ତା ବଢାଇଲେଣି କୁଲଡିହା ହାତୀପଲ, ନଷ୍ଟ କରୁଛନ୍ତି ବ୍ୟାପକ ଫସଲ
  • ||
  • ଭୁବନେଶ୍ବର : ଫେବୃଆରୀ ୧୪ରୁ ରାଜ୍ୟରେ ଦ୍ବିତୀୟ ପର୍ଯ୍ୟାୟ ଟିକାକରଣ
  • ||
  • ଅନୁଗୋଳ : ଜିଲ୍ଲାପାଳଙ୍କ ଅଫିସ୍ ଆଗରେ ମା’ ଓ ପୁଅଙ୍କ ଆତ୍ମାହୁତି ଉଦ୍ୟମ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୦ କୋଭିଡ୍ ସଂକ୍ରମିତ, ୩୩୪୪୩୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ବ୍ରହ୍ମପୁର : ଟ୍ରାକ୍ଟର ସହ ବାଇକ୍ ଧକ୍କା, ଜଣେ ମୃତ, ୨ ଶ୍ରମିକ ଗୁରୁତର
  • ||
  • ଆନନ୍ଦପୁର : ଧାନ ଡୋଲି ଓଲଟିପଡି ସ୍ତ୍ରୀ ମୃତ, ସ୍ବାମୀ ଗୁରୁତର
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୨୦୩ କୋଭିଡ଼ ସଂକ୍ରମିତ ଚିହ୍ନଟ
  • ||
  • ବରଗଡ : ଭିଜିଲାନ୍ସ ଜାଲରେ ବରଗଡ ଜିଲ୍ଲା ଭଟଲି ବ୍ଲକ୍ କେଲେଙ୍ଗାପାଲିର ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ
  • ||
  • ଭୁବନେଶ୍ବର : ସାଲିଆ ସାହିରୁ ୫ଶହ ଲିଟରରୁ ଅଧିକ ଦେଶୀ ମଦ ଜବତ, ୯ ଅଭିଯୁକ୍ତ ଗିରଫ
  • ||

ବକ୍ସିଂ ଡେ ଟେଷ୍ଟ ଖେଳିବେ ରବୀନ୍ଦ୍ର ଜାଡେଜା ଓ ଶୁଭମାନ ଗିଲ୍ ? ବିସିସିଆଇ ଛାଡିଲା ଅଭ୍ୟାସର ଭିଡିଓ

23/12/2020 at 3:54 PM

ମେଲବୋର୍ଣ୍ଣ ୨୩।୧୨: ଆୟୋଜକ ଅଷ୍ଟ୍ରେଲିଆ ହାତରୁ ପ୍ରଥମ ଟେଷ୍ଟରେ ଶୋଚନୀୟ ପରାଜୟକୁ ଭୁଲି ଭାରତ ଡିସେମ୍ବର ୨୬ରେ ଆରମ୍ଭ ହେଉଥିବା ବକ୍ସିଂ ଡେ ଟେଷ୍ଟ ଖେଳିବାକୁ ପଡିଆକୁ ଓହ୍ଲାଇବ। ଏଥିପାଇଁ ଦଳ ଜୋରଦାର ଅଭ୍ୟାସ ଆରମ୍ଭ କରିଛି। ଦ୍ଵିତୀୟ ଟେଷ୍ଟ ମ୍ୟାଚ୍‌ରେ ଆଜିଙ୍କ୍ୟ ରାହାଣେ ଦଳର ଅଧିନାୟକ ସମ୍ଭାଳିବେ। ଆସନ୍ନପ୍ରସବା ପତ୍ନୀ ଅନୁଷ୍କାଙ୍କ ସହିତ ରହିବା ପାଇଁ ନିୟମିତ ଅଧିନାୟକ ବିରାଟ କୋହଲି ଭାରତ ଫେରି ସାରିଛନ୍ତି।

ବକ୍ସିଂ ଡେ ଟେଷ୍ଟରେ ଭାରତୀୟ ଦଳରେ କିଛି ବଡ ପରିବର୍ତ୍ତନ ଦେଖିବାକୁ ମିଳିପାରେ। ଏହାର ଝଲକ ବୁଧବାର ଅଭ୍ୟାସ ସେସନରେ ଦେଖିବାକୁ ମିଳିଛି। ଶୁଭମାନ ଗିଲ୍ ଓ ରବୀନ୍ଦ୍ର ଜାଡେଜା ନେଟ୍‌ରେ ବହୁତ ସମୟ ଝାଳ ବୁହାଇଛନ୍ତି। ଉଭୟଙ୍କୁ ଦ୍ଵିତୀୟ ଟେଷ୍ଟ ପାଇଁ ଦଳରେ ଚୟନ କରାଯାଇପାରେ।

ଗୋଲାପୀ ବଲ୍‌ରେ ଖେଳାଯାଇଥିବା ଅଭ୍ୟାସ ମ୍ୟାଚ୍‌ରେ ଶୁଭମାନ ଗିଲ୍ ୪୩ ଓ ୬୫ ରନ କରିବା ସତ୍ଵେ ବି ପୃଥ୍ଵୀ ସଙ୍କୁ ସୁଯୋଗ ଦିଆଯାଇଥିଲା। ହେଲେ ଗିଲ୍ ପ୍ରଥମ ଟେଷ୍ଟର ଉଭୟ ଇନିଂସରେ ଖାତା ଖୋଲିବାକୁ ବି ସକ୍ଷମ ହୋଇନଥିଲେ। ମୟଙ୍କ ଅଗ୍ରଓ୍ଵାଲଙ୍କ ସହିତ ଗିଲ୍ ଅଭ୍ୟାସ କରିଛନ୍ତି। କେଏଲ ରାହୁଲ ମଧ୍ୟ ନେଟ୍‌ରେ ସମୟ ବିତାଇଛନ୍ତି।

ଅଷ୍ଟ୍ରେଲିଆ ବିପକ୍ଷ  ପ୍ରଥମ ଟି-୨୦ ମ୍ୟାଚ୍‌ରେ ଆଘାତ ଲାଗିବାରୁ ଜାଡେଜା ବାକି ଦୁଇଟି ଟି-୨୦ ଓ ପ୍ରଥମ ଟେଷ୍ଟରୁ ବାଦ୍‌ ପଡିଥିଲେ। ଏବେ ଦ୍ଵିତୀୟ ଟେଷ୍ଟ ପୂର୍ବରୁ ଜାଡେଜା ନେଟ୍‌ରେ ଅଭ୍ୟାସ୍ ଆରମ୍ଭ କରିଛନ୍ତି। ସେ ପାଖାପାଖି ଗୋଟିଏ ଘଣ୍ଟା ଅଭ୍ୟାସ୍ କରିଛନ୍ତି। ଜାଡେଜା ଚେତେଶ୍ଵର ପୂଜାରାଙ୍କୁ ବୋଲିଂ କରିଛନ୍ତି।

   Related Posts