ନୂଆଦିଲ୍ଲୀ୨୪|୭: ୨୦୧୯ ବିଶ୍ବକପ ପରେ ଭାରତୀୟ ଟିମର ଅଧିନାୟକ ବିରାଟ କୋହଲିଙ୍କ ନେତୃତ୍ବକୁ ନେଇ ଚାରିଆଡେ ଚର୍ଚ୍ଚା ଲାଗି ରହିଛି। ଭାରତୀୟ ଟିମର ପ୍ରଶାସନିକ ଅଧିକାରୀ ଓ ଟିମ ଇଣ୍ଡିଆର ପୂର୍ବତନ କ୍ରିକେଟରମାନେ ବିରାଟଙ୍କ ନେତୃତ୍ବକୁ ନେଇ ମଧ୍ୟ ସମାଲୋଚନା କରିଛନ୍ତି।
ବିରାଟ କୋହଲିଙ୍କ ବଦଳରେ ରୋହିତ ଶର୍ମାଙ୍କୁ ଟିମ ଇଣ୍ଡିଆର ଅଧିନାୟକ କରିବା ପାଇଁ ପୂର୍ବତନ କ୍ରିକେଟରମାନେ ବିସିସିଆଇକୁ ପରାମର୍ଶ ଦେଇଥିଲେ। ବିରାଟଙ୍କ ଅଧିନାୟକତ୍ବ ଉପରେ ଭାରତୀୟ ଖେଳାଳୀ ରବି ଚନ୍ଦ୍ରନ ଅଶ୍ବିନ ପ୍ରତିକ୍ରିୟା ରଖିଛନ୍ତି। ସୂଚନାଯୋଗ୍ୟ ଯେ, ଏକ ଜାତୀୟ ଗଣମାଧ୍ୟମରେ ସାକ୍ଷାତକାର ଦେବା ସମୟରେ ରବି ଚନ୍ଦ୍ରନ ଅଶ୍ବିନ କହିଛନ୍ତି, ଧୋନୀ ସମସ୍ତଙ୍କଠାରୁ ଉଚ୍ଚମାନର ଅଧିନାୟକ ତେଣୁ ତାଙ୍କ ସହ ଆଉ କାହାକୁ ତୁଳନା କରିବା ଉଚିତ ନୁହେଁ।
ସେ ଆହୁରି ମଧ୍ୟ କହିଛନ୍ତି, ସାଥୀ ଖେଳାଳିଙ୍କୁ ପଡ଼ିଆରେ ମାର୍ଗଦର୍ଶକ ଭାବେ ସେ ଗାଇଡ୍ କରିଥାନ୍ତି। ଏହି କ୍ଷମତା କେବଳ ଧୋନୀଙ୍କ ପାଖରେ ରହିଛି। ସେହିପରି ବିରାଟଙ୍କୁ ଅଧିନାୟକତ୍ବ ନେଇ କହିଥିଲେ, ବିରାଟ ଟିକେ ଆଗ୍ରେସିଭ ମାଇଣ୍ଡ ତେଣୁ ବିରାଟଙ୍କୁ ଧୋନୀଙ୍କ ସହ ତୁଳନା କରିବା ଠିକ୍ ନୁହେଁ।