Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୟେମେନ ଗଣହତ୍ୟାକୁ ନିନ୍ଦା କଲା ଜାତିସଂଘ, ସାଉଦିର ବିମାନ ଆକ୍ରମଣରେ ନିହତ ହୋଇଥିଲେ ୭୦ ବିଦ୍ରୋହୀ
  • ||
  • ସୋର : ଟ୍ରକ୍ ସହ ଧକ୍କା ହୋଇ ନୟନଜୋରିକୁ ଓଲଟିଲା ବସ୍, ୫ ଜଣଙ୍କ ମୃତ୍ୟୁ, କିଛି ଲୋକ ଚାପି ହୋଇ ରହିଥିବା ସନ୍ଦେହ
  • ||
  • ଭଦ୍ରକରେ ବିଜେପିକୁ ଝଟ୍‌କା, ଦଳ ଛାଡିଲେ ଶତାଧିକ ବରିଷ୍ଠ ନେତା ଓ କର୍ମୀ
  • ||
  • ୨୦ ମହଲା କୋଠାରେ ଭୀଷଣ ଅଗ୍ନିକାଣ୍ଡ, ୧୫ ଆହତ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩ ଲକ୍ଷ ୩୭ ହଜାରରୁ ଅଧିକ କରୋନା ପଜିଟିଭ୍, ୪୮୮ ମୃତ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୧୪କୁ ବୃଦ୍ଧି
  • ||
  • ରାଜ୍ୟରେ ୯ ହଜାର ତଳକୁ ଖସିଲା ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୮୮୪୫ କୋଭିଡ୍ ପଜିଟିଭ୍, ୧୧୯୬୧୪୦ରେ ପହଞ୍ଚିଲା ସଂଖ୍ୟା
  • ||
  • ଭୁବନେଶ୍ବର : ଓଭରବ୍ରିଜ୍‌ରୁ ୩୦ଫୁଟ ତଳକୁ ଖସିଲା କାର୍, ଦୁର୍ଘଟଣାରେ ଗାଡି ଭାଙ୍ଗିରୁଜି ଚୁରମାର୍
  • ||
  • ଶନିବାର ଏହି ସବୁ ଜିଲ୍ଲାରେ ବର୍ଷା : ବଢିବ ତାପମାତ୍ରା, କମିବ ଶୀତ
  • ||
  • ଭୟଙ୍କର ଦୁର୍ଘଟଣା : ମହାନଦୀ ପୋଲରେ ବୋଲେରୋକୁ ପିଟିଲା ଟ୍ରକ୍, ୫ ମୃତ
  • ||

ରେଭେନ୍ସା ଦ୍ବିତୀୟ କ୍ୟାମ୍ପସରେ ହେବ ଅନ୍ତର୍ଜାତୀୟ ସ୍ତରର ହକି ଷ୍ଟାଡିୟମ୍

8/11/2019 at 4:04 PM

କଟକ ।୧୧: କଟକରେ ହେବ ଅନ୍ତର୍ଜାତୀୟ ସ୍ତରର ହକି ଷ୍ଟାଡିୟମ୍ । ରହିବ ଅନ୍ତର୍ଜାତୀୟ ସ୍ତରର ଭିତ୍ତିଭୂମୀ । ନରାଜ ନିକଟରେ ରେଭେନ୍ସାର ଦ୍ବିତୀୟ କ୍ୟାମ୍ପସରେ ହେବ ଏହି ଅନ୍ତର୍ଜାତୀୟ ସ୍ତରର ହକି ଷ୍ଟାଡିୟମ୍ । ଏ ନେଇ ସୂଚନା ଦେଇଛନ୍ତି କ୍ରୀଡା ମନ୍ତ୍ରୀ ତୁଷାରକାନ୍ତି ବେହେରା । ରେଭେନ୍ସା କୁଳପତିଙ୍କ ଅନୁରୋଧ ରକ୍ଷା କରି କଟକରେ ଏଭଳି ଏକ ହକି ଷ୍ଟାଡିୟମ୍ ପ୍ରତିଷ୍ଠା କରିବା ପାଇଁ ରାଜ୍ୟ ସରକାର ଯୋଜନା କରୁଛନ୍ତି ବୋଲି ମନ୍ତ୍ରୀ କହିଛନ୍ତି ।

କଟକ କ୍ରୀଡାର ଏନ୍ତୁଡିଶାଳ ହୋଇଥିଲେ ମଧ୍ୟ ଏଠାରେ ଅନ୍ତର୍ଜାତୀୟ ସ୍ତରର ହକି ଖେଳ ପାଇଁ ଏବେ ଭିତ୍ତିଭୂମୀ ନାହିଁ । ବିଶେଷ କରି ହକି ଖେଳ ପାଇଁ ଆବଶ୍ୟକ ହେଉଥିବା ଆଷ୍ଟ୍ରୋ ଟର୍ଫର ଏକ ଷ୍ଟାଡିୟମ୍ କଟକରେ କରିବା ପାଇଁ ବହୁ ଦିନରୁ ଦାବି ହୋଇ ଆସୁଥିଲା । ରେଭେନ୍ସା କୁଳପତି ଏ ବାବଦରେ କ୍ରୀଡା ମନ୍ତ୍ରୀ ତୁଷାରକାନ୍ତି ବେହେରାଙ୍କ ଦୃଷ୍ଟି ଆକର୍ଷଣ କରିବା ପରେ ରେଭେନ୍ସା ଦ୍ବିତୀୟ କ୍ୟାମ୍ପସରେ ଏହି ଅତ୍ୟାଧୁନିକ ହକି ଷ୍ଟାଡିୟମ୍ ପ୍ରତିଷ୍ଠା କରିବା ପାଇଁ ପ୍ରତିଶ୍ରୁତି ଦେଇଛନ୍ତି ମନ୍ତ୍ରୀ ।

କଟକ ନରାଜ ନିକଟରେ ରେଭେନ୍ସାର ଦ୍ବିତୀୟ କ୍ୟାମ୍ପସ୍ କାମ ଆରମ୍ଭ ହୋଇଛି । ଏହି କ୍ୟାମ୍ପସ୍ ରେ ହକି ଖେଳ ପାଇଁ ଉତ୍କୃଷ୍ଟ ଭିତ୍ତିଭୂମୀ ତିଆରି କରିବା ପାଇଁ ରେଭେନ୍ସା କୁଳପତି ଯୋଜନା ରଖିଛନ୍ତି । ଏଥିପାଇଁ କୁଳପତି କ୍ରୀଡା ମନ୍ତ୍ରୀଙ୍କ ସାହାଯ୍ୟ ଲୋଡିଥିଲେ । ଏ ନେଇ ଆଜି କ୍ରୀଡା ମନ୍ତ୍ରୀଙ୍କ ଘୋଷଣା କଟକକୁ ଅନ୍ତର୍ଜାତୀୟ ହକି ମାନଚିତ୍ରରେ ସ୍ଥାନ ଦେବ ବୋଲି ଆଶା ରଖିଛନ୍ତି କୁଳପତି ।

ପୂର୍ବରୁ ନାଲକୋ କପ୍ ହକି ଫାଇନାଲ୍ ମ୍ୟାଚ୍ ଅବସରରେ  ବାରବାଟୀ-କଟକ ବିଧାୟକ ଓ ହକି ଓଡିଶା ପକ୍ଷରୁ କଟକରେ ଆଷ୍ଟ୍ରୋ ଟର୍ଫର ଏକ ହକି ଷ୍ଟାଡିୟମ୍ ପ୍ରତିଷ୍ଠା ପାଇଁ ଦାବି ହୋଇଥିଲା ।

   Related Posts