ନୂଆଦିଲ୍ଲୀ ୦୭/୧୦: ରାମାୟଣ ସମ୍ବନ୍ଧୀୟ ରହସ୍ୟ ବିଷୟରେ ଜାଣିବାକୁ ସମସ୍ତଙ୍କର ଆଗ୍ରହ ଥାଏ। ବିଶ୍ୱାସ କରାଯାଏ ଯେ ଆଜି ମଧ୍ୟ ଶ୍ରୀଲଙ୍କାରେ ରାମାୟଣ ଏବଂ ଭଗବାନ ରାମଙ୍କ ସହ ଜଡିତ ଅନେକ ଚିହ୍ନ ଏବଂ ପ୍ରମାଣ ରହିଛି, ଯାହା ବିଷୟରେ ସମସ୍ତେ ଜାଣିବାକୁ ଚାହାଁନ୍ତି। ଏହି ସ୍ଥାନ ଭଗବାନ ଶ୍ରୀ ରାମ ଏବଂ ରାବଣ ସହିତ ଜଡିତ ଅନେକ ସତ୍ୟ କହିଥାଏ। ଏକ ଅନୁସନ୍ଧାନ ଦାବି କରିଛି ଯେ ଏଠାରେ ପ୍ରାୟ ୫୦ଟି ସ୍ଥାନ ଅଛି ଯାହା ରାମାୟଣ ସହିତ ଜଡିତ। ଏହି ଅନୁସନ୍ଧାନ ଅନୁଯାୟୀ ଆଜି ମଧ୍ୟ ପାହାଡରେ ନିର୍ମିତ ଗୁମ୍ଫାରେ ରାବଣର ମୃତଦେହ ସୁରକ୍ଷିତ ଅଛି। ଏହି ଗୁମ୍ଫା ଶ୍ରୀଲଙ୍କାର ରାଗଲାର ଘଞ୍ଚ ଜଙ୍ଗଲରେ ଅବସ୍ଥିତ।
{"width":621,"height":419}ସୂଚନା ଅନୁଯାୟୀ,ଯେଉଁ ଗୁମ୍ଫାରେ ରାବଣର ଶବ ରଖାଯାଇଛି, ତାହା ରାଗଲା ଜଙ୍ଗଲରେ ୮ ହଜାର ଫୁଟ ଉଚ୍ଚରେ ଅବସ୍ଥିତ। ଏଠାରେ ରାବଣର ଶରୀରକୁ ମମି କରି ଏକ କଫିନରେ ରଖାଯାଇଛି। ଏହା ଉପରେ ଏକ ସ୍ୱତନ୍ତ୍ର ପ୍ରକାରର ଲେପ ପ୍ରୟୋଗ କରାଯାଇଛି, ଯେଉଁ କାରଣରୁ ଏହା ହଜାର ହଜାର ବର୍ଷ ଧରି ରୁରକ୍ଷିତ ରହିପାରିବ।
{"width":620,"height":419}ଏହି ଅନୁସନ୍ଧାନ ଶ୍ରୀଲଙ୍କାର ଅନ୍ତର୍ଜାତୀୟ ରାମାୟଣ ଅନୁସନ୍ଧାନ କେନ୍ଦ୍ର ଦ୍ୱାରା କରାଯାଇଛି। ଅନୁସନ୍ଧାନ ଅନୁଯାୟୀ, ରାବଣର ଶବକୁ ୧୮ ଫୁଟ ଲମ୍ବ ଏବଂ ୫ ଫୁଟ ଚଉଡା ବିଶିଷ୍ଟ ଏକ କଫିନରେ ରଖାଯାଇଛି। ଏହା ମଧ୍ୟ କୁହାଯାଏ ଯେ ଏହି କଫିନ୍ ତଳେ ରାବଣର ଅମୂଲ୍ୟ ଧନ ରଖାଯାଇଛି। ଏହି ଭଣ୍ଡାରକୁ ଏକ ଭୟଙ୍କର ସର୍ପ ଏବଂ ଅନେକ ଭୟଭୀତ ପ୍ରାଣୀ ଜଗି ରହିଛନ୍ତି।
{"width":638,"height":431}କୁହାଯାଏ, ଯେତେବେଳେ ପ୍ରଭୁ ରାମ ରାବଣଙ୍କୁ ହତ୍ୟା କରିଥିଲେ, ସେତେବେଳେ ସେ ତାଙ୍କ ଶବକୁ ଶେଷ ରୀତିନୀତି ପାଇଁ ବିଭିଷଣକୁ ଦେଇଥିଲେ। କିନ୍ତୁ ବିଭିଷଣ ସିଂହାସନ ଗ୍ରହଣ କରିବାକୁ ତତ୍ପର ହୋଇ ରାବଣର ଶେଷ ରୀତିନୀତି କରିନଥିଲେ ଏବଂ ଶବକୁ ସେପରି ଛାଡିଦେଇଥିଲେ। ଏହା ପରେ ନାଗକୁଳର ଲୋକମାନେ ରାବଣଙ୍କ ମୃତଦେହକୁ ସାଙ୍ଗରେ ନେଇଯାଇଥିଲେ, କାରଣ ସେମାନେ ବିଶ୍ୱାସ କରୁଥିଲେ ଯେ ରାବଣର ମୃତ୍ୟୁ କ୍ଷଣସ୍ଥାୟୀ, ସେ ପୁନର୍ବାର ଜୀବିତ ହୋଇଯିବେ। କିନ୍ତୁ ତାହା ହୋଇ ନଥିଲା। ଏହା ପରେ ସେ ରାବଣର ମୃତ ଶରୀରକୁ ମମି କରିଥିଲେ, ଯାହାଦ୍ୱାରା ଏହା ବର୍ଷ ବର୍ଷ ଧରି ସୁରକ୍ଷିତ ରହିପାରିବ।