Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପରୀ ହତ୍ୟା ମାମଲା, SIT ତଦନ୍ତରେ ହାଇକୋର୍ଟ ସନ୍ତୁଷ୍ଟ- ବିଜେଡି
  • ||
  • ଶଙ୍ଖ ନଦୀରେ ବୁଡ଼ି ଜଣେ ଯୁବକ ନିଖୋଜ, ୪ ଜଣ ହସ୍ପିଟାଲରେ ଭର୍ତ୍ତି
  • ||
  • ତାଳପଦର ବିଜୁ ସେତୁ ଭୁଶୁଡିବା ଘଟଣା: ଗ୍ରାମ୍ୟ ଉନ୍ନୟନ ବିଭାଗ ଏସ୍‌ଡିଓ ଅସିତ ପାତ୍ର ଗିରଫ
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୦ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୮୩ କୋଭିଡ୍ ସଂକ୍ରମିତ, ୩୩୩୩୧୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ କମୁଛି କୋଭିଡ଼ ସଂକ୍ରମଣ, ଗତ ୨୪ଘଣ୍ଟାରେ ୧୫,୧୪୪ କରୋନା ସଂକ୍ରମିତ ଚିହ୍ନଟ
  • ||
  • ଜୟପୁର : ଚଳନ୍ତା ବସ୍‌ରେ ଲାଗିଲା ବିଦ୍ୟୁତ ତାର ; ୬ ମୃତ , ୧୭ ଗୁରୁତର
  • ||
  • ଅପରେସନ ଗ୍ରୀନ କ୍ଲିନ, ପ୍ରାୟ ୧୨ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||

ଆସନ୍ତାକାଲି ଦଶହରା : ରାଜଧାନୀର ୫ଟି ସ୍ଥାନରେ ହେବ ରାବଣପୋଡି, କେବଳ ଆଲୋକ ବାଣ ହେବ ବ୍ୟବହାର

18/10/2018 at 6:04 PM

ଭୁବନେଶ୍ବର ୧୮|୧୦: ଆସନ୍ତାକାଲି ଦଶହରା । ଅଧର୍ମ ଉପରେ ଧର୍ମର ବିଜୟକୁ ଦଶହରା ଉତ୍ସବ ରୂପରେ ପାଳନ କରାଯାଏ । ଦଶହରାରେ ପ୍ରଭୁ ରାମଚନ୍ଦ୍ରଙ୍କ ହାତରେ ରାବଣଙ୍କ ନିଧନ ହୋଇଥିଲା । ତେଣୁ ଏହି ଦିନ ରାବଣ ପୋଡ଼ି ଉତ୍ସବ ପାଳିତ ହୋଇଥାଏ । ଏହାକୁ ନଜରରେ ରଖି ରାବଣ ପ୍ରତିମୂର୍ତ୍ତିରେ ଶେଷସ୍ପର୍ଶ ଦେଉଛନ୍ତି କାରିଗର । ସେପଟେ ଭୁବନେଶ୍ବରର ୫ଟି ସ୍ଥାନରେ ପାଳିତ ହେଉଥିବା ରାବଣ ପୋଡ଼ି ଉତ୍ସବ ପାଇଁ କମିଶନରେଟ୍‌ ପୋଲିସ ପକ୍ଷରୁ ବ୍ୟାପକ ବନ୍ଦୋବସ୍ତ କରାଯାଇଛି ।

ଦଶହରାରେ ପ୍ରଭୁ ରାମଚନ୍ଦ୍ରଙ୍କ ହାତରେ ରାବଣଙ୍କ ନିଧନ ହୋଇଥିବାରୁ ଏହି ଦିନ ରାବଣପୋଡ଼ି ଉତ୍ସବ ମଧ୍ୟ ପାଳନ ହୋଇଥାଏ । ଏଥି ପାଇଁ ଟ୍ବିନ୍‌ସିଟିରେ ବିଭିନ୍ନ ପୂଜା ମଣ୍ଡପ ପକ୍ଷରୁ ରାବଣ ପୋଡ଼ିର ଆୟୋଜନ କରାଯାଉଛି । ବୃହତ୍ତକାୟ ରାବଣ ପ୍ରତିମୂର୍ତ୍ତି ନିର୍ମାଣ କରିବା ସହ ଏଥିରେ ଶେଷ ସ୍ପର୍ଶ ଦେଉଛନ୍ତି କାରିଗର । ଏମିତି ଜଣେ କାରିଗର ହେଉଛନ୍ତି ପୁରୁଣା ଭୁବନେଶ୍ବରର ରାଜକିଶୋର ମହାପାତ୍ର । ଯାହାଙ୍କ ହାତ ତିଆରି ରାବଣ ଖୋର୍ଦ୍ଧା, ପୁରୀ ଜିଲ୍ଲାର ବିଭିନ୍ନ ପୂଜା ମଣ୍ଡପ ଗୁଡ଼ିକରେ ଶୋଭା ପାଆନ୍ତି । ଦୀର୍ଘ ୩୦ବର୍ଷ ହେଲାଣି ଏଇ କାମ କରିଆସୁଛନ୍ତି ରାଜକିଶୋର ।

ସେପଟେ ରାବଣପୋଡ଼ି ଓ ଆତସବାଜି ପ୍ରଦର୍ଶନ ଯୋଗୁଁ ପରିବେଶ ପ୍ରଦୂଷଣ ହେଉଥିବାରୁ ଏ ନେଇ ସୁପ୍ରିମକୋର୍ଟଙ୍କ କଟକଣା ରହିଛି । ବାଣ ଯୋଗୁଁ ଶବ୍ଦ ପ୍ରଦୂଷଣ ଓ ବାୟୁ ପ୍ରଦୂଷଣକୁ ନେଇ ଚିନ୍ତା ପ୍ରକଟ କରୁଛନ୍ତି ପରିବେଶବିତ୍‌ । ଫଳରେ କେବଳ ଆଲୋକିତ ହେଉଥିବା ବାଣ ବ୍ୟବହାର ପାଇଁ କମିଶନରେଟ ପୋଲିସ ପକ୍ଷରୁ ନିର୍ଦ୍ଦେଶ ଜାରି କରାଯାଇଛି । ଏଥି ସହିତ ବ୍ୟରିକେଡ ବ୍ୟବସ୍ଥା କରିବା ପାଇଁ ଆୟୋଜକମାନଙ୍କୁ କୁହାଯାଇଛି।

ପ୍ରତିବର୍ଷ ଭଳି ଏବର୍ଷ ମଧ୍ୟ ରାଜଧାନୀର ସହିଦ ନଗର, ଝାରପଡ଼ା, ବରମୁଣ୍ଡା, ନହରକଣ୍ଟା ଭଳି ବିଭିନ୍ନ ପୂଜା ମଣ୍ଡପରେ ରାବଣପୋଡ଼ିର ଆୟୋଜନ କରାଯାଇଛି । ତେବେ ରାବଣ ପୋଡ଼ି ଉତ୍ସବ ପାଇଁ କମିଶନରେଟ୍ ପୋଲିସ ପକ୍ଷରୁ ମଧ୍ୟ କିଛି କଟକଣା ଲଗାଯାଇଛି । ଜନବସତିଠାରୁ ଦୂରରେ,​‌ ଖୋଲା ପଡ଼ିଆରେ ରାବଣପୋଡି କରିବା ପାଇଁ କଡ଼ା ନିୟମ କରାଯାଇଛି ।

   Related Posts