Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରବିଚନ୍ଦ୍ରନ ଅଶ୍ବିନ ନିରାଶ, ଏହି ଖେଳାଳି ହେଲେ ‘ଟେଷ୍ଟ କ୍ରିକେଟର୍ ଅଫ୍‌ ଦି ଇୟର’
  • ||
  • ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୨୯୧ କୋଭିଡ୍ ପଜିଟିଭ୍, ୧୨୧୧୯୫୧ରେ ପହଞ୍ଚିଲା ସଂଖ୍ୟା
  • ||
  • ଖଲ୍ଲିକୋଟ : ଅଟୋକୁ ପଛ ପଟୁ ଧକ୍କା ଦେଲା ଟ୍ରକ, ଜଣେ ମୃତ
  • ||
  • ଭୁବନେଶ୍ୱର : ୨୬ ଯାଏଁ ରାଜ୍ୟର କିଛି ସ୍ଥାନରେ କୋହଲା ପାଗ ସହ ବର୍ଷା, ସତର୍କ କଲା ପାଣିପାଗ ବିଭାଗ
  • ||
  • ଲମତାପୁଟ : ପାଡୁଆ ପୋଲିସକୁ ସଫଳତା, ୨୦ ଲକ୍ଷ ଟଙ୍କାର ଗଞ୍ଜେଇ ଜବତ
  • ||

ବିଜୟା ଦଶମୀରେ ଅଧର୍ମ ଉପରେ ଧର୍ମର ବିଜୟ ସ୍ୱରୂପ ରାବଣ ପୋଡି ଅନୁଷ୍ଠିତ

8/10/2019 at 9:59 PM

ନୂଆଦଲ୍ଲୀ/ଭୁବନେଶ୍ୱର- ଆଜି ବିଜୟା ଦଶମୀ । ଅଧର୍ମ ଉପରେ ଧର୍ମର ବିଜୟର ଦିବସ ।  ଅସତ୍ୟ ଉପରେ ସତ୍ୟର ବିଜୟର ଦିବସ ।  ବିଜୟାଦଶମୀରେ ପାପ, ଅହଂକାର, ଅସତ୍ୟର ପ୍ରତିକ ଦୁଷ୍ଟଶକ୍ତି ରାବଣ ଦହନ କରାଯିବ ।  ଦିଲ୍ଲୀରୁ ପଲ୍ଲୀ, ସବୁଠି ଚାଲିଛି ରାବଣ ପୋଡି ।

ଦିଲ୍ଲୀର ଦ୍ବାରକା ସେକ୍ଟର ୧୦ରେ ରାବଣ ଦହନ । ଏଠି ରାବଣ ସହ ମେଘନାଦ ଏବଂ କୁମ୍ଭକର୍ଣ୍ଣ ପ୍ରତିମୂର୍ତ୍ତିରେ ଅଗ୍ନି ସଂଯୋଗ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଦ୍ବାରକା ଶ୍ରୀରାମଳୀଳା ସୋସାଇଟି ଏହାର ଆୟୋଜ କରିଥିଲା । ଏହାର ମୁଖ୍ୟ ଫାଟକକୁ ରାମ ମନ୍ଦିର ଢାଞ୍ଚାରେ ଡିଜାଇନ କରାଯାଇଥିଲା । ରାବଣ ଦହନ ପୂର୍ବରୁ ଏଠି ରାମଲୀଳା ପ୍ରଦର୍ଶୀତ ହୋଇଥିଲା ।

ଦିଲ୍ଲୀର ଲାଲ୍ କିଳ୍ଲା ମୈଦାନରେ ବି ରାବଣ ପୋଡି ସଂପନ୍ନ ହୋଇଛି । ଏଠି ଉପରାଷ୍ଟ୍ରପତି ଭେଙ୍କିୟା ନାୟିଡୁ, କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ ଏବଂ ପୂର୍ବତନ ପ୍ରଧାନମନ୍ତ୍ରୀ ଡକ୍ଟର ମନମୋହନ ସିଂହ ଅତିଥି ଭାବେ ଯୋଗ ଦେଇଥିଲେ । ଏଠି ବି ରାବଣ ସହ ମେଘନାଦ ଏବଂ କୁମ୍ଭକର୍ଣ୍ଣଙ୍କ ବିରାଟ ପ୍ରତିମାରେ ଅଗ୍ନିସଂଯୋଗ କରାଯାଇଛି ।

 ଦେଶର ସବୁଠୁ ଉଚ୍ଚ ରାବଣକୁ ଚଣ୍ଡିଗଡ଼ରେ ଦହନ କରାଯିବ । ଏଠି ରାବଣର ଉଚ୍ଚତା ୨୨୧ ଫୁଟ । ଧନାସ ଅଞ୍ଚଳରେ ପୋଡ଼ା ହେବାକୁ ଥିବା ଏହି ରାବଣ ପୁତ୍ତଳିକାକୁ ତିଆରି କରିବା ପାଇଁ ୪୦ଜଣ କାରିଗରଙ୍କୁ ମାସାଧିକ ସମୟ ଲାଗିଛି । ରାବଣ ପୁତ୍ତଳିକା ଏତେ ବିଶାଳ ହୋଇଛି ଯେ ନିଶର ଲମ୍ବ ୨୪ଫୁଟ, ଜୋତାର ଉଚ୍ଚତା ୪୦ ଫୁଟ ରହିଛି।

ମଧ୍ୟ ପ୍ରଦେଶ ଇନ୍ଦୋରର । ଏଠି ରାବଣକୁ ପିନ୍ଧା ଯାଇଛି ରେନି କୋର୍ଟ । କାରଣ ବର୍ଷାରୁ ରାବଣକୁ ରକ୍ଷା କରିବାକୁ ଏପରି କରାଯାଇଛି ।

କଟକ ଓ ଭୁବନେଶ୍ବରର ବିଭିନ୍ନ ସ୍ଥାନରେ ରାବଣ ପୋଡି  ହୋଇଛି । ଏଥର ରାଜଧାନୀର ୪ଟି ସ୍ଥାନରେ ରାବଣ ପୋଡି ହୋଇଛି । ବରମୁଣ୍ଡା, ଝାରପଡା, ନହରକଣ୍ଟା, ନୟାପଲ୍ଲୀରେ ରାବଣ ପୋଡି ଆତସବାର ାୟୋଜନ କରାଯାଇଥିଲା । ସବୁଠି  ତିଆରି ହୋଇଥିଲା ବିଶାଳକାୟ ରାବଣ । ଏଥିପାଇଁ ଆମ୍ବୁଲାନସ, ଫାୟର ବ୍ରିଗେଡ୍ ଏବଂ ପୋଲିସ କର୍ମୀ ସଜାଗ ରହିଛନ୍ତି । କଟକ ବାଲିଯାତ୍ରା ପଡିଆରେ ରାବଣପୋଡି ହୋଇଛି ।

ଗତକାଲି ଜୟପୁର ଏବଂ ବାଲେଶ୍ବରରେ ରାବଣପୋଡି ଶେଷ ହୋଇଛି । ଜୟପୁରରେ ୫୦ ଫୁଟର ରାବଣର ପ୍ରତିମୂର୍ତ୍ତିରେ ଅଗ୍ନି ସଂଯୋଗ କରାଯାଇଥିଲା । ସେହିପରି ବାଲେଶ୍ବର ଆଇଟିଆଇ ପଡିଆରେ ରାବଣ ପୋଡି ଉତ୍ସବ ହୋଇଥିଲା ।

   Related Posts