ନୂଆଦିଲ୍ଲୀ ୦୩/୧୧: ଦୀପାବଳି ଅବସରରେ ମଧ୍ୟପ୍ରଦେଶ ରତଲାମର ପ୍ରସିଦ୍ଧ ମହାଲକ୍ଷ୍ମୀ ମନ୍ଦିରକୁ ପୁଣିଥରେ ସଜାଯାଇଛି। ଦୀପାବଳି ପୂର୍ବରୁ ଏଠାରେ ଅଳଙ୍କାର ଏବଂ ଟଙ୍କା ଦାନ କରୁଥିବା ଭକ୍ତଙ୍କ ଭଣ୍ଡାର ରାତାରାତି ବଢିଯାଏ ବୋଲି ବିଶ୍ୱାସ ରହିଛି। ତେଣୁ,ଲୋକମାନେ ଲକ୍ଷ ଲକ୍ଷ ଟଙ୍କା, ସୁନା-ରୂପା ଅଳଙ୍କାର ମନ୍ଦିରକୁ ଦାନ କରିନ୍ତି।
ମନ୍ଦିରରେ ଜମା ହୋଇଥିବା ଅଳଙ୍କାର ଏବଂ ଟଙ୍କା ସହିତ ପାଞ୍ଚ ଦିନ ପର୍ଯ୍ୟନ୍ତ ମହାଲକ୍ଷ୍ମୀଙ୍କ ସୃଙ୍ଗାର ହୋଇଥାଏ ଏବଂ ମନ୍ଦିରକୁ ସଜା ଯାଇଥାଏ। ଏହାକୁ କୁବେରର ଭଣ୍ଡାର କୁହାଯାଏ। ତେବେ କୋଭିଡ୍ କାରଣରୁ ଦ୍ୱିତୀୟ ବର୍ଷ ମଧ୍ୟ ଭକ୍ତମାନଙ୍କୁ ମନ୍ଦିର ଭିତରକୁ ଯିବାକୁ ଅନୁମତି ଦିଆଯାଉ ନାହିଁ। ସମସ୍ତଙ୍କୁ ବାହାରୁ ମହାଲକ୍ଷ୍ମୀ ଏବଂ କୁବେରଙ୍କ ଭଣ୍ଡାର ଦର୍ଶନ କରିବାକୁ ପଡ଼ିବ।
ଦେଶର ଏହା ପ୍ରଥମ ମନ୍ଦିର ଯେଉଁଠାରେ ଭକ୍ତମାନେ ଦୀପାବଳି ପୂର୍ବରୁ ଅଳଙ୍କାର ଏବଂ ଟଙ୍କା ପ୍ରଦାନ କରନ୍ତି। କେହି ନୋଟର ଗାଡି ଦାନ କରନ୍ତି ତ ଆଉ କେହି ସୁନା-ରୂପା ଅଳଙ୍କାର। ମନ୍ଦିରରେ ଜମା ହୋଇଥିବା ଟଙ୍କା ଏବଂ ଅଳଙ୍କାରରେ ପାଞ୍ଚଦିନ ପର୍ଯ୍ୟନ୍ତ ମା ଲକ୍ଷ୍ମୀଙ୍କ ଶୃଙ୍ଗାର ହୋଇଥାଏ। ଯାହା କୁବେରଙ୍କ ଧନ ଭାବରେ ପ୍ରସିଦ୍ଧ।
ରତଲାମର ଏହି ମହାଲକ୍ଷ୍ମୀ ମନ୍ଦିରରେ ବର୍ଷ ବର୍ଷ ଧରି ଅଳଙ୍କାର ଟଙ୍କା ପ୍ରଦାନ କରିବାର ପରମ୍ପରା ରହିଆସିଛି। ଏହି ଉପହାରକୁ ନାମ ଏବଂ ଫଟୋ ସହିତ ରେଜିଷ୍ଟରରେ ନୋଟ କରାଯାଏ। ଦୀପାବଳିର ପଞ୍ଚମ ଦିନରେ ଭକ୍ତମାନଙ୍କୁ ପ୍ରସାଦ ଭାବରେ ଫେରାଇ ଦିଆଯାଏ।