Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଲେପୁର : ମକର ଯାତ୍ରାରୁ ନାବାଳିକାଙ୍କୁ ଟେକି ନେଇ ନଦୀପଠାରେ ଗଣଦୁଷ୍କର୍ମ, ଥାନାରେ ଏତଲା, ଭାଇରାଲ୍ ଭିଡିଓ ନେଇ ପୋଲିସର ଛାନଭିନ୍
  • ||
  • କେନ୍ଦ୍ରାପଡା : ଚିକିତ୍ସା ଅବହେଳାରୁ ରୋଗୀ ମୃତ୍ୟୁ ଅଭିଯୋଗ, ସିଡିଏମ୍‌ଓଙ୍କ କାର୍ଯ୍ୟାଳୟ ଆଗରେ ମୃତଦେହ ରଖି ପରିବାର ଲୋକଙ୍କ ଧାରଣା
  • ||
  • ବୌଦ୍ଧ : ATMରୁ ବାହାରିଲା କାଗଜ ପେଷ୍ଟ ଥିବା ୨୦ଟି ୫ଶହ ଟଙ୍କିଆ ନୋଟ୍, ଫେରସ୍ତ ନେବାକୁ ମନାକଲା ବ୍ୟାଙ୍କ୍ !
  • ||
  • ଭୁବନେଶ୍ବର : ରାଜ୍ୟରେ ବୁଧବାରଠୁ ପୁଣି ଟିକାକରଣ, ଟିକା ନେବେ ବଳକା ୧ ଲକ୍ଷ ୭୩ ହଜାର ୬୩୬ ଜଣ ସ୍ଵାସ୍ଥ୍ୟକର୍ମୀ
  • ||
  • ସମ୍ବଲପୁର : କିନ୍ନରଙ୍କଠାରୁ ୩ବର୍ଷର ଶିଶୁ କନ୍ୟାକୁ ଉଦ୍ଧାର କଲା ଚାଇଲ୍ଡ ଲାଇନ୍, ଚୋରି ସନ୍ଦେହ
  • ||
  • ଭୁବନେଶ୍ବର : STF ପଞ୍ଝାରେ ଧଳା ଜହର ବେପାରୀ, କୋଟିଏରୁ ଅଧିକ ଟଙ୍କାର ବ୍ରାଉନସୁଗାର ଜବତ
  • ||
  • ନବରଙ୍ଗପୁର : ଚଳନ୍ତା କାର୍‌ରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ଢେଙ୍କାନାଳ : ହାତୀ ପୁଣି ନେଲା ଆଉ ଜଣଙ୍କ ଜୀବନ, ଶୌଚ ହେବାକୁ ଯାଇଥିବା କଚାଡି ମାରିଲା ଦନ୍ତା
  • ||
  • ବଲାଙ୍ଗୀର : ବିଚାରାଧୀନ କଏଦୀ ମୃତ, ହତ୍ୟା ମାମଲାରେ ଥିଲେ ଅଭିଯୁକ୍ତ
  • ||
  • ଶହେ ତଳକୁ ଖସିଲା ଦୈନିକ ସଂକ୍ରମିତଙ୍କ ସଂଖ୍ୟା : ରାଜ୍ୟରେ ଚିହ୍ନଟ ହେଲେ ଆଉ ୯୯ କୋଭିଡ୍ ପଜିଟିଭ୍‌, ୩୩୪୫୨୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||

ଘୋଷଯାତ୍ରା ପାଇଁ ପ୍ରକ୍ରିୟା ଆରମ୍ଭ : ନୟାଗଡ଼ରେ ପହଞ୍ଚିଛି ଆଜ୍ଞାମାଳ, ଆଜିଠୁ ରଥକଟା ଆରମ୍ଭ

12/01/2021 at 8:01 AM

ପୁରୀ/ନୟାଗଡ଼ ୧୨।୦୧: ଘୋଷଯାତ୍ରା ପାଇଁ ରଥକାଠ ଅନୁକୂଳ ନିମନ୍ତେ ପୁରୀ ଶ୍ରୀମନ୍ଦିରରୁ ଆଜ୍ଞାମାଳ ଆସି ନୟାଗଡରେ ପହଞ୍ଚିଛି । ନୀତି ପ୍ରଶାସକ ଜିତେନ୍ଦ୍ର କୁମାର ସାହୁଙ୍କ ନେତୃତ୍ବରେ ୫ ଜଣିଆ ଟିମ୍ ସୋମବାର ରାତିରେ ନୟାଗଡରେ ପହଞ୍ଚିଛନ୍ତି । ଏହି ଦଳରେ ଅନ୍ୟମାନଙ୍କ ମଧ୍ୟରେ ବରିଷ୍ଠ ତତ୍ତ୍ବାବଧାରକ ସୁଦର୍ଶନ ମେକାପ , ଅମିନ ମହାରଣା ଲକ୍ଷ୍ମୀଧର ମହାପାତ୍ର , ଭୋଇ ସର୍ଦ୍ଦ।ର ରବି ଭୋଇ ଆସିଛନ୍ତି । ଆଜି ଜିଲ୍ଲାର ଗଣିଆ ବଡମୁଳସ୍ଥିତ ମାଆ ବଡରାଉଳଙ୍କ ପୀଠରେ ପୂଜାର୍ଚ୍ଚନା ପରେ ରଥକାଠ କଟା ଅନୁକୁଳ ହେବ ।

ଚଳିତ ବର୍ଷ ରଥଯାତ୍ରା ରଥ ନିର୍ମାଣ ପାଇଁ ୮୬୫ଖଣ୍ଡ କାଠ ଆବଶ୍ୟକ ହେଉଛି । ତେବେ ଏଥର ଶ୍ରୀମନ୍ଦିର ପ୍ରଶାସନ ପାଖରେ ଗତବର୍ଷର ୬୯ ଖଣ୍ଡ କାଠ ବଳକା ରହିଥିବାରୁ ୭୯୬ ଖଣ୍ଡ କାଠର ଆବଶ୍ୟକତା ରହିଥିବା ନୀତି ପ୍ରଶାସକ କହିଛନ୍ତି । ସେଥିମଧ୍ୟରୁ ବିଭିନ୍ନ ମାପର ୪୦୧ ଖଣ୍ଡ ଧଉରା , ୩୨୦ ଖଣ୍ଡ ଅଶନ , ୭୨ ଖଣ୍ଡ ଫାଶି ଏବଂ ୩ ଖଣ୍ଡ ଶିମିଳି କାଠର ଆବଶ୍ୟକତା ରହିଛି ।

ମହାପ୍ରଭୁଙ୍କ ବିଶ୍ବପ୍ରସିଦ୍ଧ ଘୋଷଯାତ୍ରା ନିମନ୍ତେ ନୟାଗଡ଼ ବନଖଣ୍ଡର ଦଶପଲ୍ଲା ବନାଞ୍ଚଳରୁ ଚଳିତବର୍ଷ ୨୦୦ରୁ ଅଧିକ ଖଣ୍ଡ କାଠ ଯୋଗାଇ ଦିଆଯିବ । ତେବେ ବର୍ତ୍ତମାନ ସୁଦ୍ଧା ୧୨୮ ଖଣ୍ଡ କାଠ ଚିହ୍ନଟ ସରିଛି । ଏହି କାଠ ଦଶପଲ୍ଲା ବନାଞ୍ଚଳର ଚଢେୟାପଲ୍ଲି , ବାଣିଗୋଛା , ସାକେଣି , ଟାକେରା ଆଦି ଫରେଷ୍ଟ ଅଞ୍ଚଳରୁ ସଂଗ୍ରହ କରାଯାଇଥାଏ । ଅନ୍ୟ କାଠ ଗୁଡିକ ବୌଦ୍ଧ ଏବଂ ଘୁମୁସର ବନଖଣ୍ଡରୁ ସଂଗ୍ରହ କରାଯିବ ବୋଲି ଡିଏଫଓ କହିଛନ୍ତି ।

ତିନିଠାକୁରଙ୍କ ରଥଯାତ୍ରା ପାଇଁ ରଥ ସଂହିତା ଆଧାର ଅନୂଯାୟୀ କେଉଁ ଆବାହମାନ କାଳରୁ ପ୍ରତିବର୍ଷ ନୟାଗଡ ବନଖଣ୍ଡରୁ କାଠ ଯୋଗାଇ ଦିଆଯାଉଛି । ପ୍ରଥମେ ରାଜାମାନେ କାଠ ଯୋଗାଇଆସୁଥିବା ବେଳେ ଦେଶ ସ୍ବାଧୀନ ପରେ ଏହି କାର୍ଯ୍ୟ ବନବିଭାଗ ତୁଲାଇ ଆସୁଛି । ଶ୍ରୀପଞ୍ଚମୀ ପୂର୍ବରୁ ପ୍ରଥମ ରଥକାଠ ପୁରୀ ରଥଖଳାରେ ପହଞ୍ଚିବାପାଇଁ ସମସ୍ତ ପ୍ରସ୍ତୁତି କରାଯାଉଥିବା ନୟାଗଡ ଡି.ଏଫ୍.ଓ କହିଛନ୍ତି ।

   Related Posts